ក្នុងបរិយាកាសដ៏មហោឡារឹករួមជាមួយបណ្តាសាលាដទៃទូទាំងប្រទេស សាលាវិទ្យាល័យជនជាតិអន្តេវាសិក Cà Mau បានរៀបចំដ៏ច្រើនសកម្មភាពមានអត្ថន័យសម្រាប់អំណរអនុស្សាវរីយ៍លើកទី ៤៣ ឆ្នាំនៃទិវាគ្រូបង្រៀន Việt Nam (២០ វិច្ឆិការ ១៩៨២ - ២០ វិច្ឆិកា ២០២៥)។ នេះមិនត្រឹមតែជាថ្ងៃឈប់បុណ្យប្រកបដោយអត្ថន័យខាងវិស័យសិក្សាអប់រំប៉ុណ្ណោះទេ ថែមទាំងជាឱកាសសម្រាប់សិស្សនិស្សិតគ្រប់រូបសម្តែងនូវការគោរពដឹងគុណយ៉ាងជ្រាលជ្រៅចំពោះលោកគ្រូ អ្នកគ្រូទៀតផងដែលបានលះបង់មួយឆាកជីវិតដើម្បីបុព្វហេតុនៃការបណ្តុះបណ្តាលប្រភពធនធានមនុស្ស។
កម្មវិធីសិល្បៈអំណរទិវាគ្រូបង្រៀន Việt Nam ២០ វិច្ឆិកា របស់ប្អូនៗសិស្សានុសិស្សនៃវិទ្យាល័យជនជាតិអន្តេវាសិក Cà Mau។
ផ្តើមពីនោះ ក៏មានយ៉ាងច្រើនសកម្មភាពជាក់ស្តែងដែលបានចាត់តាំងឡើង ដូចជា៖ ពិធីប្រឡងប្រណាំង “បេះផ្កាពិន្ទុ ១០” និងអនុវត្តសំណង់យុវជន ប្រឡងកម្មាវិធីសិល្បៈអំណរថ្ងៃ ២០ វិច្ឆិកា។ល។ បង្កើតបានជាបរិយាកាសយ៉ាងឱឡារឹកសម្រាប់ទិវារំលឹកគុណគ្រូបង្រៀន។
បរិយាកាសថ្ងៃ ២០ វិច្ឆិកាកាន់តែអឹកធឹកថែមទៀតខណៈពេលដែលសិស្សានុសិស្សបានចូលរួមប្រឡងកម្មវិធីសិល្បៈដែលខ្លួនជាអ្នកនិពន្ធ និងរៀបរៀងដោយផ្ទាល់។
លោកគ្រូ Hữu Lý Vui លេខាសម្ព័ន្ធយុវជនរបស់សាលា មានប្រសាសន៍៖ “ខ្ញុំតែងតែលើកទឹកចិត្តសិស្សានុសិស្សទាំងឡាយឱ្យសម្តែងនូវការដឹងគុណចំពោះគ្រូបង្រៀនដោយមិនចាំបាច់មានអំណោយឬគ្រឿងសម្ភារៈអ្វីនោះទេ គ្រាន់តែការខិតខំសិក្សារៀនសូត្រឱ្យបានល្អ សកម្មចូលរួមរាល់បណ្តាប្រពៃណីរបស់សាលា របស់សម្ព័ន្ធយុវជន រួមចំណែកសម្រាប់ការអភិវឌ្ឍរួមរបស់សមូហភាពវាជាការស្រេច។ ទាំងនេះហើយគឺជាអំណោយដ៏សំខាន់ ប្រកបដោយអត្ថន័យដែលលោកគ្រូ អ្នកគ្រូគ្រប់រូបត្រូវការ”។
.JPG)
ប្អូនៗសិស្សានុសិស្សនៃវិទ្យាល័យជនជាតិអន្តេវាសិក Cà Mau ជូនបាច់ផ្កាដ៏ស្រស់ស្អាតដល់អ្នកគ្រូនាឱកាសទិវា ២០ វិច្ឆិកា។
បណ្តាសកម្មភាពអំណរទិវាគ្រូបង្រៀនវៀតណាមរបស់វិទ្យាល័យជនជាតិអន្តេវាសិកកាម៉ាវ មិនត្រឹមរួមចំណែកស្តារឡើងវិញនូវស្មារតីគោរពស្រឡាញ់ចំពោះលោកគ្រូ អ្នកគ្រូប៉ុណ្ណោះទេ ថែមទាំងសាងអនុស្សាវរីយ៍ដ៏ល្អស្អាតពីសាលា លោកគ្រូ អ្នកគ្រូ និងមិត្តភក្តិផងដែរ។ អ្វីៗគ្រប់យ៉ាងនឹងក្លាយជាស្លាស្នាមដ៏ជ្រាលជ្រៅដក់ជាប់ក្នុងចិត្តរបស់សិស្សគ្រប់រូបទៀតផង៕
Chanh Đa
