មិនត្រឹមជាទីបង្អែកសម្រាប់ខាងផ្លូវចិត្តរបស់បងប្អូនប្រជាពុទ្ធបរិស័ទ Khmer ប៉ុណ្ណោះទេ វត្តសិរីមង្គល ជ្រុងខ្មែរ (Rạch Giồng) ឃុំ Hồ Thị Kỷ ខេត្ត Cà Mau) ថែមទាំងបានគេដឹងឮថាជាចំណុចដ៏ភ្លឺស្វាង ក្នុងសកម្មភាពការងារសប្បុរសធម៌ តភ្ជាប់ក្តីស្រឡាញ់ដល់សម្រាប់អ្នកដែលជួបលំបាក។
រាល់អំណោយមួយចំណែកថ្វីត្បិតតែតម្លៃមិនខ្ពស់ តែក៏បានសម្តែងពីទឹកចិត្ត និងការគិតគូរបស់វត្តសិរីមង្គល ជ្រុងខ្មែរ (Rạch Giồng) និងវត្ត Liên Hoa សម្រាប់អ្នកក្រីក្រផងដែរ។
ថ្មីៗនេះដែរ បន្តស្មារតី "ជីវិតថ្លៃថ្លា សាសនាផូរផង់" ព្រះតេជគុណ Hữu Nhiều - ចៅអធិការវត្តសិរីមង្គល ជ្រុងខ្មែរ (Rạch Giồng) បានតភ្ជាប់យ៉ាងជោគជ័យជាមួយព្រះតេជគុណ Thích Minh Tuệ ចៅអធិការវត្ត Liên Hoa ខេត្ត An Giang រួមទាំងពុទ្ធបរិស័ទចាត់តាំងកម្មវិធីជូនអំណោយដ៏មានអត្ថន័យ ព្រមទាំងប្រគេនសង្ឃភត្តដល់ព្រះសង្ឃប្រមាណជាង ២០ អង្គទៀតផង។
ទិដ្ឋភាពនៃពិធីបុណ្យប្រគេនសង្ឃភត្ត។
ក្នុងពិធីនេះដែរ ក្រុមសប្បុរសធម៌វត្ត Liên Hoa និងវត្តសិរីមង្គល ជ្រុងខ្មែរ (Rạch Giồng) បានជូនអំណោយចំនួន ២០០ ចំណែក ដល់អ្នកក្រលើភូមិសាស្ត្រទាំង ២ រួមមានភូមិ Đường Đào និងភូមិ Cây Khô ឃុំ Hồ Thị Kỷ។ អំណោយមួយចំណែកមានដូចជាអង្ករ និងប្រាក់សុទ្ធចំនួន ១០០ ពាន់ដុងរួមចំណែកកាត់បន្ថយក្តីលំបាកជូនមាមីងបងប្អូន។
ចំណុចលេចធ្លោ និងបង្កើតបានជាកិត្យានុភាព និងការពង្រីកសាយភាយយ៉ាងខ្លាំងក្លានៃសកម្មភាពសប្បុរសធម៌របស់វត្តសិរីមង្គល ជ្រុងខ្មែរ (Rạch Giồng) គឺជាដំណើរការពិនិត្យយ៉ាងលម្អិត និងប្រកបដោយតម្លាភាព។ វត្តបានសហការជាមួយរដ្ឋអំណាចភូមិភាគ ដើម្បីពិនិត្យ និងធ្វើបញ្ជីច្បាស់លាស់សម្រាប់មុខសញ្ញានៃគ្រួសារក្រ និងគ្រួសារប្រកៀកបន្ទាត់ក្រ។ របៀបធ្វើនេះធានាថា រាល់ការឧបត្ថម្ភសុទ្ធតែបានដល់ដៃអ្នកទទួលត្រឹមត្រូវ យោងតាមប្រការនោះបង្កើនស្មារតី "ជួយគ្នាក្នុងគ្រាក្រ" កាន់តែពេញលេញ និងប្រកបដោយអត្ថន័យ។
ពុទ្ធបរិស័ទចូលរួមដាក់បាត្រព្រះសង្ឃប្រមាណជាង ២០ អង្គ។
ក្នុងឱកាសនេះដែរ ដោយមើលឃើញពីតម្រូវការជួសជុលវត្តអារាម និងសម្ភារៈផ្សេងៗរបស់វត្ត គណៈសប្បុរសធម៌វត្ត Liên Hoa ខេត្ត An Giang មានសទ្ធាជ្រះថ្លាប្រគេនបច្ច័យ ១០០ លានដុងផងដែរ។ ថវិកានេះនឹងបានប្រើប្រាស់សម្រាប់ការជួសជុលសំណង់សក្ការៈបូជាក្នុងវត្ត រួមចំណែកថែរក្សាសោភ័ណភាពវប្បធម៌ជំនឿ និងបង្កើតបរិយាកាសប្រជុំជីវភាពសាសនាឱ្យបានសមរម្យសម្រាប់ពុទ្ធបរិស័ទក្នុងតំបន់។
ពុទ្ធបរិស័ទស្មឹងស្មាតគោរពបូជាព្រះត្រ័យរត្ន។
ការតភ្ជាប់រវាងព្រះតេជគុណ Hữu Nhiều និងព្រះតេជគុណ Thích Minh Tuệ មិនត្រឹមតែនាំមកនូវក្តីសប្បាយរីករាយផ្នែកខាងសម្ភារៈប៉ុណ្ណោះទេ ថែមទាំងរឹតបន្តឹងចំណងសាមគ្គីសាសនា រួមព្រះទ័យទឹកចិត្តដើម្បីការអភិវឌ្ឍរបស់សហគមន៍ទៀតផង៕
Đờn Ni - Danh Điệp
