នៅកណ្តាលមណ្ឌលនៃឃុំដាបាក ជាតំបន់ដែលមានប្រមាណជាង ៧០០ គ្រួសារជនរួមជាតិខ្មែររស់នៅ សាលាអនុវិទ្យាល័យជនជាតិអន្តេវាសិក Danh Thị Tươi បានក្លាយជាចំណុចដ៏ភ្លឺស្វាងក្នុងការរក្សា និងពង្រីកសាយភាយតម្លៃវប្បធម៌ប្រពៃណី។ ទីនេះមិនត្រឹមបង្រៀនខាងអក្សរសាស្ត្រប៉ុណ្ណោះទេ ថែមទាំងជាបរិស្ថានសម្រាប់បំប៉ននូវអត្តសញ្ញាណជាតិ ដើម្បីវប្បធម៌ Khmer បានបន្តថែរក្សាពេញដោយការគោរពស្រឡាញ់ និងមោទនភាព។
ម៉ោងបង្រៀនរាំរបាំគោះត្រឡោករបស់ប្អូនៗសិស្សានុសិស្ស។
លំហរវប្បធម៌ Khmer នៅសាលាបានបង្កើតឡើងដោយផ្តោតលើធម្មជាតិនិងការសិក្សារៀនសូត្រ។ សូរសព្ទដន្ត្រីភ្លេងពិណពាទ្យលាន់ឮរំពង អបដោយកាយវិការយ៉ាងទន់ភ្លន់នៃរបាំគោះត្រឡោក រាំវង់ និងរបាំប្រជាប្រិយផ្សេងៗជាច្រើនទៀតបានក្លាយជារូបភាពពេញនិយមដែលមានក្នុងរាល់សកម្មភាពបុណ្យទាន និងបណ្តាសកម្មភាពបន្ទាប់ពីម៉ោងរៀន។ បណ្តាចង្វាក់រាំដែលបានរៀបរៀងឡើងយ៉ាងសម្បូរបែប និងមានអត្ថន័យ ឆ្លុះបញ្ចាំងអំពីជំនឿ និងស្មារតីនៃការរស់នៅរបស់បងប្អូនជនរួមជាតិ KHmer។
កងជួរគ្រូបង្រៀនទាំងឡាយតែងរក្សាខ្ជាប់នូវតួនាទីដ៏សំខាន់ក្នុងការអភិរក្ស និងបង្រៀនផ្នែកខាងសិល្បប្រពៃណី។ រាល់កាយវិការ និងចង្វាក់ភ្លេងមួយៗរហូតដល់ដំណើររឿងខាងក្រោយផ្នែកខាងសិល្បៈ លោកគ្រូ អ្នកគ្រូតែងជំនួយបងប្អូនៗឱ្យយល់ច្បាស់ថាខ្លួនកំពុងជាអ្នកស្នងបន្តនូវបណ្តាតម្លៃវប្បធម៌ដ៏ជ្រាលជ្រៅ។ អាស្រ័យការវិនិយោគមានមូលដ្ឋានត្រឹមត្រូវ បណ្តាកម្មវិធីសិល្បៈរបស់សាលាជាច្រើនឆ្នាំបន្តបន្ទាប់ តែងទទួលបានពានរង្វាន់ខ្ពស់នៅសម័យប្រឡងថ្នាក់ឃុំ ស្រុក និងថ្នាក់តំបន់ផងដែរ។ ប្រការនេះបានបញ្ជាក់ពីគុណភាព និងការប្តេជ្ញាចិត្តខិតខំថែរក្សាវប្បធម៌ប្រពៃណី។
លោកគ្រូ Tăng Quốc Đạt គ្រូបង្រៀនអក្សរ Khmer មានប្រសាសន៍៖ “រាល់តួអក្សរ និងក្បាច់រាំ សូរសព្ទតន្រ្តីសុទ្ធតែបានរៀបរាប់ពីសាច់រឿងនៃដំណើរឆ្ពោះទៅកាន់ប្រភពដើម និងជីវភាពស្មារតីរបស់បងប្អូន Khmer។ ខណៈដែលប្អូនៗមានឱកាសបានចូលជិតតាំងពីដំបូង ក្តីស្រឡាញ់ខាងវប្បធម៌នឹងកាន់តែខ្លាំងឡើងដោយឯកឯង”។
“ការអភិរក្សវប្បធម៌មិនមែនជារឿងវែងឆ្ងាយប៉ុន្មាននោះទេ។ រឿងសំខាន់គឺការបង្កើតទម្លាប់ និងអារម្មណ៍នៃការយកចិត្តទុកដាក់របស់ប្អូនៗសិស្សានុសិស្សគ្រប់រូបដើម្បីប្អូនៗកាន់តែមានមោទនភាពក្នុងការរក្សាអត្តសញ្ញាណជាតិរបស់ខ្លួន”។ លោកស្រី Lê Hồng Thanh នាយិការរងសាលាជនជាតិអន្តេវាសិក អនុវិទ្យាល័យ Danh Thị Tươi មានប្រសាសន៍បែបនេះ។
សាលាតែងរៀបចំការសម្តែងផ្ទៃក្នុង ផ្លាស់ប្តូរវប្បធម៌ និងការដោះដូរសិល្បៈ និងសមោាសសិល្បៈប្រពៃណីផ្សារភ្ជាប់ជាមួយនិងបណ្តាពិធីបុណ្យទានរបស់ជនរួមជាតិខ្មែរ។ តាមរយៈសកម្មភាពទាំងនេះ ប្អូនៗសិស្សានុសិស្សទទួលបានការបណ្តុះបណ្តាល បង្កើនទំនុកចិត្ត និងទទួលបានការយល់ដឹងកាន់តែស៊ីជម្រៅអំពីប្រវត្តិសាស្ត្រ ទំនៀមទម្លាប់ និងស្មារតីសហគមន៍របស់ជនជាតិខ្លួនទៀតផង។ មានប្អូនៗសិស្សសាលាជាច្រើនបានចែករំលែកថា ការចូលរួមរាំចង្វាក់រាំវង់ ឬក៏រាំរបាំគោះត្រឡោក បានជួយឱ្យប្អូនៗមានអារម្មណ៍កាន់តែច្បាស់អំពីភាពទន់ភ្លន់ និងភាពទំនើបនៃសិល្បៈប្រពៃណី។
អ្នកគ្រូ Lý Hoà Ly តាំងចិត្តក្នុងការបង្ហាត់បង្រៀនចង្វាក់រាំប្រពៃណីដល់ប្អូនៗសិស្សានុសិស្ស។
តម្លៃនៃលំហវប្បធម៌មិនត្រឹមតែត្រូវបានបង្ហាញតាមរយៈពានរង្វាន់ប៉ុណ្ណោះទេ ថែមទាំងស្ថិត ក្នុងការពង្រីកសាយភាយខាងចំណោះដឹងរបស់បងប្អូនៗសិស្សានុសិស្សផងដែរ។ ផ្តើមពីពីម៉ោងហាត់រាំរហូតដល់ពិធីបុណ្យសហគមន៍ ប្អូនៗសិស្សានុសិស្សជាសន្សឹមៗបង្កើតបានអារម្មណ៍មោទនភាព ក្តីស្រឡាញ់ និងការអភិរក្សតម្លៃដែលដូនតាបានបន្សលទុកមក។
សម្រាប់ដំណើរការរស់នៅនៃសម័យបច្ចុប្បន្ន ខណៈពេលដែលតម្លៃប្រពៃណីកំពុងប្រឈមមុខជាមួយការសាបរលាប ទម្រង់នៃការអភិរក្សវប្បធម៌ខ្មែរនៅសាលាអនុវិទ្យាល័ជនជាតិអន្តវាសិក Danh Thị Tươi គឺជាមធ្យោបាយដ៏មានប្រសិទ្ធភាពមួយដើម្បីរួមចំណែកក្នុងការអភិរក្សអត្តសញ្ញាណ និងធ្វើឱ្យកាន់តែសម្បូរបែបថែមទៀតខាងសម្ភារៈស្មារតីក្នុងសហគមន៍។ នៅ សាលានេះដែរ ចង្វាក់រាំ និងសូរសព្ទតន្ត្រីពិណពាទ្យដែលបានបន្លើឡើងជារៀងរាល់ថ្ងៃ ហាក់បីដូចជាបានបញ្ជាក់ថា វប្បធម៌មិនត្រឹមត្រូវបានរក្សាប៉ុណ្ណោះទេ ថែមទាំងកំពុងរស់រវើក និងរីកសាយភាយក្នុងបេះដូងរបស់យុវជនគ្រប់ជំនាន់ទៀតផង៕
Nguyễn Đào - Chí Thức
