ពិធីប្រណាំងទូក.ងរបស់បងប្អូនជនរួមជាតិ Khmer ត្រូវបានក្រសួងវប្បធម៌ កីឡា និងទេសចរណ៍ទទួលស្គាល់ជាបេតិកភណ្ឌវប្បធម៌អរូបីថ្នាក់ជាតិ។ នេះមិនត្រឹមតែជាសកម្មភាពកីឡាដែលមានលក្ខណៈសហគមន៍យ៉ាងជ្រាលជ្រៅប៉ុណ្ណោះទេ ថែមទាំងមានអត្ថន័យពិសេសខាងវប្បធម៌ និងជំនឿវិញ្ញាណចំពោះបងប្អូនជនរួមជាតិ Khmer Nam Bộ ទៀតផង ។
ថ្នាក់ដឹកនាំឃុំ Hồng Dân ជូនប័ណ្ណសរសើរដល់ក្រុមទូក.ងនារី វត្តឡាងយឿ (Ngan Dừa) ទទួលបានរង្វាន់ទី៣ ក្នុងពិធីបុណ្យអកអំបុក - ប្រណាំងទូក.ង កឹងធើ ឆ្នាំ ២០២៥។
ពិធីបុប្រណាំងទូក.ង គឺជាលក្ខណៈវប្បធម៌ពិសេសរបស់បងប្អូនជនជាតិ Khmer បានសម្តែងនូវស្មារតីសាមគ្គីក្នុងសហគមន៍។ អ្នកដែលស្រឡាញ់និងផ្សារភ្ជាប់ជាមួយកីឡានេះ កំពុងរួមចំណែកយ៉ាងសំខាន់ក្នុងការថែរក្សា និងពង្រីកតម្លៃវប្បធម៌ប្រពៃណីរបស់ជនជាតិ ។
នៅតាមរយៈការប្រណាំងដ៏ពុះពោរនោះ ទន្ទឹមនឹងកីឡាករជាបុរសដ៏រឹងមាំរូបភាពនៃ "នារី" ដែលពោរពេញដោយកម្លាំងចិត្ត កាន់តែធ្វើឱ្យពិធីបុណ្យមានភាពទាក់ទាញថែមទៀត ។
យោងតាមការជាក់ស្តែងកន្លងទៅនេះ ក្នុងក្របខ័ណ្ឌពិធីបុណ្យអកអំបុក - ប្រណាំងទូក.ង កឹងធើ ឆ្នាំ ២០២៥ ការប្រកួតបានប្រព្រឹត្តទៅនៅលើទន្លេ Maspéro យ៉ាងទាក់ទាញក្រុមបុរសនិងនារីចំនួន ៦១ ក្រុមចូលរួម ក្នុងនោះខេត្តកាម៉ាវបានចូលរួម ១៣ ក្រុម។ សម្រាប់គូប្រណាំងក្រុមនារី ប្រតិភូកាម៉ាវ ទទួលបានជោគជ័យដោយដណ្តើមបាន ៣ រង្វាន់គឺ៖ រង្វាន់ទី២ ទី៣ និងទី៤ ។
វត្តកោះធំ ដាក់ទូក.ង ត្រៀមចូលរួមការប្រកួត។
ដើម្បីសម្រេចបាននូវស្នាដៃនោះ បងប្អូននារីបានខិតខំហ្វឹកហាត់អស់រយៈពេលជាច្រើនខែ ។ ពេលថ្ងៃ អ្នកខ្លះទៅរៀន អ្នកខ្លះជាប់រវល់ការងារស្រែចំការ ការងារផ្ទះ ទាល់តែដល់ម៉ោងជិត ៥ ល្ងាច ទើបពួកគេទុកការងារមួយឡែក ដើម្បីមកជួបជុំគ្នាហ្វឹកហាត់ក្នុងបរិយាកាសដ៏ផុសផុល ។ នៅលើជើងទ្រឈើដែលធ្វើត្រាប់តាមទូកង កីឡាករនារីទាំងឡាយខិតខំហ្វឹកហាត់បច្ចេកទេស និងចង្វាក់អុំឱ្យស៊ីគ្នារហូតដល់យប់ ។
គ្រូបង្វឹក Thị Mộng Cầm - អាយុ៣៤ ឆ្នាំ អ្នកដឹកនាំក្រុមនារីដែលទទួលបានរង្វាន់ទី២ បានចែករំលែកថា៖ “ក្រុមមានកីឡាករ ៥៦ នាក់ ក្មេងបំផុតគឺសិស្សថ្នាក់ទី ១១ និងមានអ៊ុំស្រីអាយុជាង ៦០ ឆ្នាំផងដែរ ទាំងអស់គ្នាមានក្តីស្រឡាញ់ដូចគ្នាចំពោះទូកង។ ពួកគាត់ចូលរួមមិនត្រឹមតែដើម្បីបន្តប្រពៃណីរបស់អ្នកជំនាន់មុនប៉ុណ្ណោះទេ ថែមទាំងចង់ថែរក្សានូវលក្ខណៈវប្បធម៌ពិសេសរបស់ជនជាតិខ្លួនទៀតផង” ។
ក្នុងបរិយាកាសអ៊ូអរនៃពិធីប្រណាំងទូក.ង ដែលទាក់ទាញប្រជាជនរាប់ពាន់នាក់នៅតំបន់វាលទំនាបទន្លេគឺវឡុង និងភ្ញៀវទេសចរណ៍ អ្នកមីង Tăng Thị Thanh អាយុ - ៥៤ ឆ្នាំ នៅភូមិ និញថាញ់ដុង ឃុំ និញថាញ់ឡើយ បានសម្តែងក្តីរីករាយថា៖ “ខ្ញុំបានចូលរួមក្រុមទូកងនារីជាង ១០ ឆ្នាំមកហើយ តាំងពីថ្ងៃដំបូងដែលក្រុមទើបតែបង្កើត។ ប្តីរបស់ខ្ញុំជាគ្រូបង្វឹកក្រុមទូក.ងបុរស កូនក្មួយរបស់ខ្ញុំសុទ្ធតែដើរតាមគន្លងឪពុកម្តាយ ដោយចូលរួមក្នុងក្រុមទូក.ងបុរស និងនារី ព្រោះចង់រួមចំណែកអភិរក្ស និងពង្រីកអត្តសញ្ញាណវប្បធម៌របស់បងប្អូន Khmer” ។
ក្រុមទូក.ងនារី វត្តកោះធំ ក្នុងពេលហ្វឹកហាត់។
ប៉ុន្មានឆ្នាំចុងក្រោយនេះ ដោយសារគោលនយោបាយជនជាតិ ក៏ដូចជាការយកចិត្តទុកដាក់ និងថែទាំរបស់បក្ស និងរដ្ឋ សកម្មភាពវប្បធម៌ កីឡា នៅតំបន់បងប្អូន Khmer ត្រូវបានរក្សា និងអភិវឌ្ឍឡើងកម្រិតកម្ពស់ថ្មី ។ ក្នុងនោះ លេចធ្លោ គឺការប្រណាំងទូក.ង មិនត្រឹមតែអះអាងនូវឋានៈក្នុងជីវភាពវប្បធម៌ស្មារតីរបស់បងប្អូនខ្មែរនៅណាមបូប៉ុណ្ណោះទេ ថែមទាំងក្លាយជាចំណុចទាក់ទាញភ្ញៀវទេសចរទៀតផង ។
ក្នុងឱកាសបូកសរុបសកម្មភាពពិធីបុណ្យអកអំបុកឆ្នាំនេះ ពេលអបអរសាទរក្រុមដែលទទួលបានរង្វាន់ លោក Ngô Vũ Thắng អនុប្រធានគណៈកម្មាធិការប្រជាជនខេត្ត បានផ្ដាំផ្ញើថា វត្ដ Khmer ក្នុងខេត្តត្រូវបន្តរក្សាសកម្មភាពអុំទូកង ដើម្បីអភិរក្ស និងពង្រីកអត្តសញ្ញាណវប្បធម៌ជនជាតិ ។ ទន្ទឹមនឹងនោះ លោកបានអះអាងថា ថ្នាក់ដឹកនាំខេត្តតែងតែអមដំណើរ និងបង្កលក្ខណៈដើម្បីបងប្អូនខ្មែររៀបចំ និងចូលរួមសកម្មភាពផ្លាស់ប្តូរវប្បធម៌ កីឡា ជាមួយបណ្តាខេត្ត ក្រុងនានា។
Thanh Hải
