មានដើមកំណើតមកពីទីក្រុង Cần Thơ ប៉ុន្តែដោយសារមានឧបនិស្ស័យ លោក Danh Dương (អាយុ ៤៨ ឆ្នាំ) បានសម្រេចចិត្តផ្លាស់ទៅស្រុកកំណើតខាងប្រពន្ធរបស់ខ្លួននៅភូមិ Trèm Trẹm ឃុំ Hồng Dân ដើម្បីតាំងទីលំនៅ និងផ្តើមអាជីព។ ដំបូងនៃការផ្តើមអាជីពមានការជួបលំបាកខ្លាំង ប៉ុន្តែដោយសារការខិតខំឧស្សាហ៍ព្យាយាម ទើបគ្រួសារលោកនាពេលបច្ចុប្បន្នមានជីវភាពសុខក្សេមក្សាន្តប្រសើរឡើង។
លោក Danh Dương ថែទាំអន្ទង់របស់ខ្លួន។
ផ្តើមអាជីពដោយពឹងលើផ្ទៃដីត្រឹមតែប៉ុន្មានកុងដែលឪពុកម្តាយបានចែកឱ្យ លោក Danh Dương រួមជាមួយប្រពន្ធរបស់ខ្លួនបានបង្កើតសេដ្ឋកិច្ចគ្រួសារ។ ជាមួយការខិតខំព្យាយាម ប្រឹតសំចៃគ្រប់រដូវស្រូវ លោកក៏ទិញដីបន្ថែមសម្រាប់ពង្រីកផ្ទៃដីផលិត។ បច្ចុប្បន្ន លោកDương មានដីស្រែចំនួន ៣ ហិកតា រៀងរាល់ឆ្នាំទទួលបានប្រភពប្រាក់ចំណូលជាង ១០០ លានដុង។ មិនបញ្ឈប់ត្រឹមការធ្វើស្រែនោះទេ លោក Danh Dương ថែមទាំងសិក្សាស្វែងយល់បន្ថែមខាងទម្រង់ថ្មីៗសម្បូរបែរសម្រាប់ប្រកបជីវភាពទៀតផង។
ជាង ៣ ឆ្នាំមុន បន្ទាប់ពីបានសិក្សាស្វែងយល់តាមព័ត៌មានសៀវភៅ និងកាសែត ព្រមទាំងរៀនសូត្រពីបទពិសោធន៍របស់កសិករដទៃទៀតទៀត លោកក៏បានអនុវត្តគំរូចិញ្ចឹមអន្ទង់គ្មានភក់។ សម្រាប់ថ្ងៃដំបូងនៃការសាកល្បងចិញ្ចឹម ក៏ជួបប្រទះនឹងការលំបាកជាច្រើនផងដែរ ហើយលទ្ធផលមិនដូចការរំពឹងទុកនោះទេ។ តែអាស្រ័យការតាំងចិត្តរបសើខ្លួន លោក Dương សន្សឹមៗក្តាប់បាននូវវិធីសាស្ត្រក្នុងការចិញ្ចឹម និងថែទាំ។ លោកបានបានវិនិយោគសាងអាងស៊ីម៉ង់សម្រាប់ចិញ្ចឹម ព្រមទាំងអាចពិនិត្យគុណភាព និងប្រភពទឹក រួមទាំងករណីផ្សេងៗដែលកើតឡើង។ ដូច្នេះហើយ អន្ទង់ក៏ឆាប់ធំធាត់ល្អ ឡើងទម្ងន់ ឆាប់បានលក់ និងនាំមកនូវប្រសិទ្ធភាពសេដ្ឋកិច្ចខ្ពស់។
ដោយឡែកក្នុងឆ្នាំ ២០២៤ ការចិញ្ចឹមអន្ទង់គ្មានភក់បាននាំមកនូវប្រាក់ចំណេញជាង ២០០ លានដុង។ ប្រាក់ចំណូលពីការធ្វើស្រែ និងការចិញ្ចឹមសត្វបានជួយគ្រួសាររបស់លោក Dương មានជីវភាពធូរធាប្រសើឡើង។ ភាពជោគជ័យក្នុងការផលិត និងឈានឡើងធ្វើមាន លោក Dương គឺជាកសិករ Khmer គំរូម្នាក់ដែលមានភាពលេចធ្លោក្នុងការផលិតពូកែរបស់ភូមិភាគ។
ចែករំលែកអំពីដំណើរជីវិតរបស់ខ្លួន លោក Danh Dương បានសារភាពថា “ក្នុងឆ្នាំដំបូងនៃការចិញ្ចឹមអន្ទង់ ខ្ញុំត្រូវបរាជ័យពីព្រោះខ្ញុំមិនសូវដឹងពីបច្ចេកទេស ប៉ុន្តែខ្ញុំមិនបានបោះបង់ចោលឡើយ។ ខ្ញុំបានតស៊ូ ស្រាវជ្រាវ និងរៀនសូត្រពីអ្នកដែលបានចិញ្ចឹមមុនខ្ញុំ ជាពិសេសការស្វែងរកប្រភពបង្កាត់ពូជល្អៗ។ គំរូចិញ្ចឹមអន្ទង់ឥឡូវនេះមានស្ថេរភាព និងផ្តល់ប្រាក់ចំណូលល្អ។ នាពេលអនាគត ខ្ញុំមានគម្រោងប្តូរពីការធ្វើស្រែទៅជាចិញ្ចឹមបង្គា ដើម្បីបង្កើនប្រសិទ្ធភាពសេដ្ឋកិច្ច”។
កម្មាភិបាលសមគមកសិករឃុំ Hồng Dân អញ្ជើញទស្សនាទម្រង់ចិញ្ចឹមអន្ទង់គ្មានភក់របស់គ្រួសារលោក Danh Dương នៅភូមិ Trèm Trẹm។
លោក Trần Bạch Đẳng អនុប្រធានសមាគមកសិករឃុំ Hồng Dân បានឱ្យដឹង៖ “លោក Danh Dương គឺជាសមាជិកគំរូមួយរូប ជាកសិករផលិតពូកែទៀតផងដែលតែងខិតខំតស៊ូរាល់ការលំបាកដើម្បីសិក្សាស្វែងយល់ពីបច្ចេកវិទ្យាចូលក្នុងការផលិត”។
ភាពជោគជ័យ និងស្មារតីច្នៃប្រតិដ្ឋរបស់លោក Danh Dương បង្កើតបានឥទ្ធិពលវិជ្ជមានក្នុងចំណោមប្រជាជននៅភូមិភាគ។ បច្ចុប្បន្ន នៅភូមិត្រឹមត្រែម បានអនុវត្តគំរូចិញ្ចឹមអន្ទង់គ្មានភក់ផ្តល់មកនូវប្រសិទ្ធភាពសេដ្ឋកិច្ចយ៉ាងច្បាស់ក្រឡែត។ ផ្តើមពីការជាក់ស្តែងនោះ មានគ្រួសារជាច្រើនដទៃទៀតក៏កំពុងសិក្សាស្វែងយល់ និងអនុវត្ត រួមចំណែកបង្កើតកាន់តែសម្បូរបែបខាងជីវភាពរស់នៅ លើកកម្ពស់ប្រភពប្រាក់ចំណូល សន្សឹមៗសម្រេចក្តីស្រមៃ របស់ខ្លួននៅលើទឹកដីភូមិកំណើត៕
Thanh Hải
