ប៉ុន្មានថ្ងៃប្រកៀកបុណ្យ Tết នេះ បណ្តាភូមិរបរប្រពៃណីតែងមានភាពមមាញឹកជាមួយនឹងការផលិត ដោយមានឡសម្ងួតបង្គាឆេះមិនឈប់ឈរ ហើយទីធ្លាពោរពេញទៅដោយចេកក្រៀម ត្រីងៀត និងនំបាយបំពងយ៉ាងសន្ធឹកសន្ធប់។ មនុស្សគ្រប់គ្នារវល់ និងប្រញាប់ប្រញាល់ជាមួយការងាររៀងខ្លួនដោយទឹកមុខស្រស់ប្រិមប្រិយ ពីព្រោះផលិតផលប្រចាំតំបន់ភូមិស្រុករបស់ពួកគេនឹងត្រូវបានដឹកជញ្ជូនដោយពាណិជ្ជករទៅកាន់គ្រប់ទិសទីទូទាំងប្រទេស។
បង Trần Hoàng Tuấn នៅភូមិ Vồ Dơi ឃុំ Đá Bạc ហាលងៀតសម្រាប់បម្រើបុណ្យ Tết។
ងៀតត្រីកន្ធ OCOP ផ្កាយ ៣ របស់មូលដ្ឋានផលិតងៀត Tám Oanh ឃុំ Trần Hợi។
មូលដ្ឋានផលិតចេកក្រៀម Bảy Hoàng ឃុំ Trần Văn Thời តែងប្តេជ្ញាចិត្តក្នុងការនាំចេញទីផ្សារសម្រាប់ផលិតផលដែលមានរសជាតិឆ្ងាញ់និងធានាគុណភាព។
ទន្ទឹមនិងនោះ គ្រប់បណ្តារោងចក្រផលិត និងអង្គភាព OCOP ក៏ប្រមូលផ្តុំសម្រប់ផលិតផលនៃរដូវនេះផងដែរដើម្បីនាំចេញទីផ្សារផលិតផលប្រចាំតំបន់របស់ខេត្ត Cà Mau មានដូចជា៖ ក្តាមប្រឃី Rạch Gốc ក្តាមប្រឃី Đầm Dơi ទឹកត្រីប្រពៃណី អំបិល ជាដើម ដែលធ្វើឱ្យទេសភាពសេដ្ឋកិច្ចរបស់ភូមិរបរកាន់តែសម្បូរបែបរៀងរាល់និទាឃរដូវមកដល់។
ភូមិរបរផលិតនំបង្គា Hàng Vịnh ឃុំ Năm Căn។
ក្នុងចំណោមភូមិរបរទាំងឡាយ របរផលិតបង្គាស្ងួតកាន់តែមានភាពអឹកធឹកជាងពេលណាៗទាំងអស់។ ផ្តើមពីប្រភពធនធានបង្គាធម្មជាតិដ៏សម្បូរបែប តាមរយៈដៃជំនាញរបស់អ្នកស្រុក បង្គាស្ងួតពណ៌ក្រហមភ្លឺ និងក្រអូបជាច្រើនត្រូវបានផលិតឡើង ដោយរក្សាបាននូវរសជាតិនៃព្រៃឈើធម្មជាតិ និងរសជាតិនៃសមុទ្រផងដែរ។ សព្វថ្ងៃនេះ គ្រួសារនីមួយៗរវល់ស្ងោរបង្គា សម្ងួតដោយកំដៅព្រះអាទិត្យ និងវេចខ្ចប់ ដើម្បីធានាបាននូវការដឹកជញ្ជូនទាន់ពេលវេលាទៅកាន់ទីផ្សារបុណ្យ Tết។
របរផលិតបង្គាក្រៀមប្រពៃណីនៅមូលដ្ឋានបង្គាក្រៀម Ngọc Giàu ឃុំ Tân Tiến។
ក្រៅពីការផ្តល់ប្រភពចំណូលស្ថិរភាព ភូមិរបរប្រពៃណីក៏រួមចំណែកដល់ការអភិរក្ស និងផ្សព្វផ្សាយលក្ខណៈវប្បធម៌ប្រពៃណីរបស់ខេត្ត Cà Mau ផងដែរ។ ក្នុងចំណោមល្បឿនការរស់នៅតាមសម័យទំនើប រូបភាពកសិករដែលខិតខំធ្វើការនឹងមួយឆាប់បង្គាស្ងួត និងនំបង្គាសម្រាប់ឱកាសបុណ្យ Tết បង្កើតបានជាទិដ្ឋភាពនិទាឃរដូវដ៏សេនកក់ក្តៅ និងរីករាយ ផ្តល់សញ្ញាថា ឆ្នាំថ្មីដ៏រុងរឿង និងបរិបូរណ៍បានឈានចូលមកដល់៕
Loan Phương
