ភាពសប្បាយរីករាយនាដើមឆ្នាំ ២០២៦ ហាក់បីដូចជាបង្កើនជាទ្វេដងសម្រាប់គ្រួសារដែលជួបលំបាកទាំងឡាយទទួលបានការឧបត្ថម្ភផ្ទះថ្មី។ បណ្តាផ្ទះដែលទើបសង់រួចដាក់ឱ្យប្រើប្រាស់ គឺត្រឹមតែជាទីជម្រកប៉ុណ្ណោះទេ ថែមទាំងជាការចាប់ផ្តើមសម្រាប់ជីវភាពថ្មីប្រកបដោយស្ថិរភាពទៀតផង។
គណៈកម្មាធិការរណសិរ្សមាតុភូមិ Việt Nam ឃុំ Hồng Dân ប្រារព្ធពិធីប្រគល់ផ្ទះមហាសាមគ្គីជូនគ្រួសារលោក Danh Lành។
នៅភូមិ Ninh Phước ឃុំ Hồng Dân ផ្ទះថ្មីរបស់គ្រួសារលោក Danh Lành ហាក់បីដូចជាមានពន្លឺ ចែងចាំងក្នុងពន្លឺព្រះអាទិត្យពេលព្រឹកព្រលឹម។
ប៉ុន្មានឆ្នាំកន្លងមកនេះ ប្តីប្រពន្ធលោក Danh Lành ត្រូវរស់នៅប្រកបដោយភាពខ្វះខាត ដោយគ្មានដីផលិត និងប្រភពចំណូលមិននឹងនរ ពឹងលើតែរបរស៊ីឈ្នួល ពេលបាន ពេលអត់។ ដូច្នេះហើយ ក្តីស្រមៃចង់បានផ្ទះមួយខ្នងដ៏រឹងមាំមិនអាចក្លាយជាការពិតបាននោះទេ។
យល់អំពីស្ថានភាពនេះ គណៈកម្មាធិការរណសិរ្សមាតុភូមិ Việt Nam ឃុំ Hồng Dân ក៏បានឧបត្ថម្ភគ្រួសារលោក Danh Lành ដោយផ្ទះមហាសាមគ្គីមួយខ្នងតម្លៃ ៦០ លានដុង ដែលផ្តោតលើមូលនិធិ "ដើម្បីអ្នកក្រីក្រ" របស់គណៈកម្មាធិការរណសិរ្សមាតុភូមិ Việt Nam ខេត្ត Cà Mau។ ផ្ទះនេះត្រូវបានប្រគល់ជូនមុនឆ្នាំថ្មី ២០២៦។
ក៏ជាអ្នកកក់ក្តៅដូចជាគ្រួសារលោក Danh Lành និងគ្រួសារបងស្រី Danh Thị Thạch នៅភូមិ Nhà Mát សង្កាត់ Hiệp Thành ផងដែរ។ ពីមុន គ្រួសារបងស្រីពិតជាជួបលំបាកខ្លាំង។ ប្តីរបស់បងជាអ្នកនេសាទសមុទ្រ ចំណែកបងស្រីនៅផ្ទះមើលថែកូនតូចៗ ២ នាក់។ របរខាងនេសាទពេលខ្លះបានផល ពេលខ្លះក៏មិនមាន ប្រភពចំណូលមិននឹងនរ ទើបផ្ទះដ៏តូចចង្អៀត និងទ្រុឌទ្រោម គ្រួសារមិនត្រឹមកែជួសជុលដើម្បីមានទីជម្រកនោះទេ។ រាល់ពេលយប់ឱ្យតែមានភ្លៀងខ្យល់ម្តងៗ ម្តាយកូនឱបគ្នារត់រកកន្លែងជ្រកកោនបណ្តោះអាសន្នពីព្រោះខ្លាចផ្ទះបាក់រលំ។
“ឥឡូវ បានបងៗកងទ័ពការពារព្រំដែនជួយសាងសង់ផ្ទះដ៏រឹងមាំមួយខ្នង ខ្ញុំពិតជាសប្បាយចិត្តខ្លាំងណាស់។ ម្តាយកូនខ្ញុំអាចមានទីកន្លែងជ្រកកោនល្អត្រឹមត្រូវ លែងភិតភ័យដូចមុនទៀតហើយ។ ចំណែកប្តីខ្ញុំចេញទៅសមុទ្រឆ្ងាយក៏មិនព្រួយបារម្ភទៀតដែរ”។ បងស្រីយ័ញធីថាច់ រំភើបចិត្តនិយាយថា៖ ផ្ទះរបស់គ្រួសារខ្ញុំតម្លៃ ៦០ លានដុង អាស្រ័យប៉ុស្តិ៍ការពារព្រំដែន Nhà Mát ផ្តើមចលនាក្រុមហ៊ុនឆ្នោតខេត្តដើម្បីឧបត្ថម្ភ។
តំណាងប៉ុស្តិ៍ការពារព្រំដែន Nhà Mát អញ្ជើញសួរសុខទុក្ខគ្រួសារបងស្រី Danh Thị Thạch។
វរសេនីយ៍ត្រី Trần Thanh Vũ អនុប្រធានក្រុមចលនាមហាជននៃប៉ុស្តិ៍ការពារព្រំដែន Nhà Mát បានមានប្រសាសន៍ថា៖ “ក្នុងរយៈពេលថ្មីៗនេះ អង្គភាពបានយកចិត្តទុកដាក់យ៉ាងសកម្ម ចំពោះជីវភាពរស់នៅរបស់បងប្អូនជនជាតិភាគតិចនៅតាមតំបន់ព្រំដែនឆ្នេរសមុទ្រ ជាពិសេសគ្រួសារដែលប្រឈមនឹងការលំបាក។ ឆ្នាំ ២០២៥ អង្គភាពបានចល័តធនធានដើម្បីសាងសង់ផ្ទះពីរខ្នងសម្រាប់គ្រួសារដែលមានជីវភាពខ្វះខាតនៅភូមិ Nhà Mát ហើយបច្ចុប្បន្នកំពុងបន្តស្ទង់មតិ និងចល័តធនធានដើម្បីសាងសង់ផ្ទះពីរខ្នងបន្ថែមទៀតផងដែរ”។
រួមជាមួយនឹងផ្ទះថ្មីរបស់គ្រួសារលោក Danh Lành និងគ្រួសារបងស្រី Danh Thị Thạch។ល។ ក៏នៅមានគ្រួសារជាច្រើនទៀតដែលមានបំណងចង់បានផ្ទះថ្មីជាទីជម្រកប្រកបដោយភាពកក់ក្តៅសម្រាប់ស្មារតីសាមគ្គីទូទាំងជនជាតិ ជួយគ្រួសារជាច្រើនសម្រេចក្តីស្រមៃរបស់ខ្លួនមានទីលំនៅសមរម្យ។ បណ្តាផ្ទះថ្មីទាំងនេះថែមទាំងជា “គ្រាប់ពូជ” នៃក្តីសង្ឃឹមផងដែរសម្រាប់គ្រួសារក្រីក្រ និងគ្រួសារដែលមានជីវភាពជួបលំបាក ជាកម្លាំងចិត្តដើម្បីខិតខំឈានឡើងលំនឹងជីវភាព កសាងអនាគតឱ្យកាន់តែរុងរឿងថែមទៀត៕
Thanh Hải
