បណ្តាក្លិប “គ្រួសារសុភមង្គលរុងរឿង” “នារីបង្ការទប់ស្កាត់រាល់បទល្មើស” “រស់នៅសប្បាយរីករាយ និងមានសុខភាពល្អ” គឺជាគំរូឆ្នើម សកម្មភាពមានប្រសិទ្ធភាពនៅមូលដ្ឋាន ដែលត្រូវបានសាខាសមាគមនារីភូមិ Long Hà ឃុំ Long Điền បង្កើតនិងរក្សាជាច្រើនឆ្នាំមកហើយដែរ។
ក្លិប “គ្រួសារសុភមង្គលរុងរឿង” បូកសរុបសកម្មភាពឆ្នាំ ២០២៥។
ត្រូវបានបង្កើតតាំងពីឆ្នាំ ២០១៤ ដោយមានសមាជិកា ២០ នាក់។ តាំងពីដំបូងរហូតមកទល់ពេលនេះ ក្លិប “គ្រួសារសុភមង្គលរុងរឿង” ទាក់ទាញបានសមាជិកាប្រមាណជាង ៨០ នាក់ ជាបងប្អូននារីក្នុងភូមិចូលរួមជីវភាពជាប្រចាំ។ តាមរយៈសកម្មភាពជាក់ស្តែង ក្លិបកាន់តែអះអាងបានល្អនូវតួនាទីជាទីបង្អែកស្មារតីដ៏រឹងមាំសម្រាប់សមាជិកា មិនត្រឹមតែបង្កើតបរិយាកាសជីវភាពសហគមន៍ដ៏ល្អប៉ុណ្ណោះទេ ថែមទាំងជួយបងប្អូននារីអភិវឌ្ឍសេដ្ឋកិច្ច ថែទាំជីវភាពគ្រួសារ រួមចំណែកកសាងគ្រួសារឆ្អែតគ្រប់ និងសុភមង្គល។
ក្លិបតែងបានរៀបចំការជួបជុំដោយមានខ្លឹមសារសម្បូរបែប ដូចជា៖ ពិភាក្សា ផ្លាស់ប្តូរបទពិសោធន៍អភិវឌ្ឍសេដ្ឋកិច្ចគ្រួសារ។ ជួបប្រាស្រ័យវប្បធម៌ - សិល្បៈ។ ហាត់ពលកម្ម - កីឡានិងសកម្មភាពក្រៅម៉ោងយ៉ាងសមស្របតាមតម្រូវការរបស់សមាជិកាគ្រប់រូប។
បងប្អូននារីហាត់សមរបាំផ្លិត ដើម្បីត្រៀមសម្រាប់ឱ្យកម្មវិធីសិល្បៈអបអរសាទរព្រឹត្តិការណ៍ផ្សេងៗរបស់ភូមិភាគ។
មិនត្រឹមតែប៉ុណ្ណោះ បងប្អូននារីក្នុងក្លិបថែមទាំងបង្កើត និងរក្សាមានប្រសិទ្ធភាពនូវគំរូ “ក្រុមចិញ្ចឹមជ្រូកដី” ដោយមានសមាជិកាចូលរួមចំនួន ១៥ នាក់។ ឆ្លងតាម ២ លើកគាស់ជ្រូក ក្រុមសន្សំបានប្រាក់ជាង ៣០ លានដុង។ ពីមុន មូលនិធិនេះបានជួយសមាជិកាទិញប័ណ្ណធានារ៉ាប់រងសុខាភិបាល បច្ចុប្បន្នបានបង្វិលជុំជួយបងប្អូននារីវិនិយោគចិញ្ចឹមសត្វ ដាំដំណាំ អភិវឌ្ឍសេដ្ឋកិច្ចគ្រួសារផងដែរ។
ទន្ទឹមនឹងក្លិប “គ្រួសារសុភមង្គលរុងរឿង” សាខាសមាគមនារីភូមិ Long Hà ថែមទាំងបង្កើតក្លិប “នារីបង្ការ ទប់ស្កាត់បទល្មើស” ដោយមានសមាជិកាចំនួន ២០ នាក់ រួមចំណែករក្សាសន្តិសុខ និងសណ្តាប់ធ្នាប់នៅមូលដ្ឋាន។ ក្លិប “រស់នៅសប្បាយ មានសុខភាពល្អ” រួមមានសមាជិកា ១២ នាក់ ជាចាស់ជរាក្នុងភូមិ រក្សាការជួបជុំជាប្រចាំ រួមចំណែកលើកកម្ពស់សុខភាពកាយ ស្មារតី និងចូលរួមយ៉ាងសកម្ម ជួយដល់ការចលនានៃសកម្មភាពរួមរបស់ភូមិទៀតផង។
លើកគាស់ជ្រូករបស់ “ក្រុមចិញ្ចឹមជ្រូកដី”។
បណ្តាក្លិបទាំងនេះមិនត្រឹមតែជាកន្លែងជួបជុំ ផ្លាស់ប្តូរប៉ុណ្ណោះទេ ថែមទាំងជាផ្ទះរួមផ្សារភ្ជាប់សមាជិកា បណ្ដុះមនោសញ្ចេតនាអ្នកភូមិផងរបងជាមួយ រួមចំណែកកសាងតំបន់ប្រជាជនសុវត្ថិភាព ស៊ីវិល័យ។ ពិសេស តាមរយៈការជួបជុំជាប្រចាំ បងប្អូននារីបានបំពាក់បន្ថែមចំណេះដឹងអំពីការថែទាំសុខភាព ចិញ្ចឹមបីបាច់កូន បំណិនកសាងគ្រួសារសុភមង្គល សមភាព។ ពីនោះរួមចំណែកសម្រុះសម្រួលទំនាស់ដែលកើតឡើងក្នុងគ្រួសារ កាត់បន្ថយសម្ពាធ និងលើកកម្ពស់គុណភាពជីវិត៕
Kim Phượng - Ngọc Thắm
