ឱកាសនេះ នៅតាមតំបន់ចិញ្ចឹមជលផលរបស់ឃុំ Phú Tân ខ្សែចង្វាក់នៃការពលកម្មកាន់តែមមាញឹក និងរស់រវើកជាងពេលណាៗទាំងអស់។ តម្លៃបង្គា ស និងត្រីបានឃឿ ដែលជាមុខសញ្ញាចិញ្ចឹមសំខាន់ចំនួនពីរប្រភេទ ផ្សារភ្ជាប់យ៉ាងជិតស្និទ្ធជាមួយនឹងជីវភាពរស់នៅរបស់បងប្អូនប្រជាកសិករទីនេះបានកើនឡើងយ៉ាងខ្លាំងបើធៀបនឹងខែមុនបាននាំមកនូវក្តីសប្បាយរីករាយយ៉ាងក្រៃលែងសម្រាប់បងប្អូនប្រជាជន។ ការផ្លស់ប្តូរនេះមិនត្រឹមតែលើកកម្ពស់ខាងប្រភពប្រាក់ចំណូលប៉ុណ្ណោះទេ ថែមទាំងបង្កើតបាននូវចលនានៃការប្រឡងប្រណាំងដ៏ផុសផុល ឆ្ពោះទៅកាន់មហាសន្និបាតបក្សទូទាំងប្រទេសលើកទី ១៤ ទៀតផង។
ភាពសប្បាយរីករាយដោយទទួលបានទិន្នផលខ្ពស់លើតំបន់ចិញ្ចឹមជលផលនៅ Phú Tân។
បច្ចុប្បន្ន បង្គា ស ប្រភេទ ៣០ ក្បាល/គីឡូក្រាម មានតម្លៃ ១៧០-១៨០ ពាន់ដុង/គីឡូក្រាម ប្រភេទធំជាងនេះមានតម្លៃប្រហែល ២០០ ពាន់ដុង/គីឡូក្រាម។ ជាមួយតម្លៃនេះ បន្ទាប់ពីទូទាត់ចំណាយរួចរាល់ គ្រួសារចិញ្ចឹមភាគច្រើនទទួលបានប្រាក់ចំណេញគួរសម ជីវភាពរស់នៅត្រូវបានកែលម្អជាបណ្តើរៗផងដែរ។
លោក Ngô Văn Lai នៅភូមិ Cái Nước បានឱ្យដឹង៖ “តម្លៃបង្គា ស នាពេលបច្ចុប្បន្នមានការកើនឡើងខ្ពស់ជាងមុនច្រើន ផ្តោតលើតម្លៃនេះ អ្នកចិញ្ចឹមទទួលបានប្រាក់ចំណេញគួរសម។ បងប្អូនយើងខ្ញុំមានក្តីរំភើបសប្បាយរីករាយខ្លាំងណាស់ មានទំនុកចិត្តបន្ថែមទៀតដើម្បីបន្តវិនិយោគ និងថែទាំឱ្យបានល្អសម្រាប់រដូវចិញ្ចឹមបន្ត”។
តាមការវាយតម្លៃរបស់អ្នកចិញ្ចឹមនិងឈ្មួញ ដោយសារតម្រូវការប្រើប្រាស់ក្នុងស្រុកនិងការនាំចេញកើនឡើងខ្ពស់ ខណៈពេលដែលការផ្គត់ផ្គង់មានកម្រិត តម្លៃបង្គា សក៏ត្រូវបានព្យាករណ៍ថាទំនងជានឹងបន្តរក្សានៅកម្រិតខ្ពស់ ឬកើនឡើងបន្តិចបន្តួចថែមទៀត។ នេះជាឱកាសដើម្បីបងប្អូនប្រជាកសិករក្លាហានវិនិយោគឡើងវិញ ព្រមទាំងអនុវត្តបច្ចេកទេសថ្មី ឆ្ពោះទៅរកការផលិតប្រកបដោយប្រសិទ្ធភាពនិងនិរន្តរភាព។
ទន្ទឹមនឹងនោះ តម្លៃត្រីបាឃឿ នៅលើភូមិសាស្រ្តឃុំ Phú Tân ក៏មានការកើនឡើងយ៉ាងខ្លាំងផងដែរ។ បច្ចុប្បន្ន ត្រីបាឃឿប្រភេទ ៤០ ក្បាល/គីឡូក្រាម មានតម្លៃជាង ១៧០ ពាន់ដុង/គីឡូក្រាម មានពេលខ្លះតម្លៃកើនដល់ ១៩០-២០០ ពាន់ដុង/គីឡូក្រាម។
លោក Nguyễn Văn Việt ប្រធានក្រុមសហការចិញ្ចឹមត្រីបាឃឿ Văn Phú ភូមិ Cái Nước Biển បានឱ្យដឹងថា៖ “តម្លៃត្រីបាឃឿនសពេលបច្ចុប្បន្នមានការកើនឡើងខ្ពស់ ជួយឱ្យសមាជិកក្នុងក្រុមស្ងប់ចិត្តក្នុងការផលិត។ ត្រីបាឃឿងាយស្រួលចិញ្ចឹម ចំណាយដើមទុនតិច និងមានសូចកើតមានជំងឺ ប្រសិនបើគ្រប់គ្រងបរិស្ថានទឹកបានល្អ នោះប្រសិទ្ធភាពសេដ្ឋកិច្ចគឺច្បាស់លាស់ខ្លាំងណាស់”។
តម្លៃត្រីបាឃឿនាពេលបច្ចុប្បន្នមានការកើនឡើងខ្ពស់ ជួយឱ្យសមាជិកក្រុមសហការចិញ្ចឹមត្រីបាឃឿ Văn Phú (ភូមិ Cái Nước Biển ឃុំ Phú Tân ) ស្ងប់ចិត្តក្នុងការផលិត។
មានគ្រួសារជាច្រើនបានទាញយកផលប្រយោជន៍យ៉ាងមានប្រសិទ្ធភាពពីស្រះចិញ្ចឹមបង្គាឧស្សាហកម្មពីមុន ដើម្បីប្តូរមកចិញ្ចឹមត្រីបាឃឿ ដោយបើកផ្លូវផលិតកម្មដែលសមស្រប ហានិភ័យតិច និងនាំមកនូវប្រាក់ចំណូលស្ថិរភាព។
រាល់មុខសញ្ញាជាវិជ្ជមានពីទីផ្សារមិនត្រឹមតែបានរួមចំណែកក្នុងការកែលម្អខាងប្រភពប្រាក់ចំណូល និងលើកកម្ពស់ជីវភាពសម្ភារៈសម្រាប់ប្រជាជនប៉ុណ្ណោះទេ ថែមទាំងពង្រឹងជំនឿចិត្តលើការដឹកនាំរបស់បក្សទៀតផង។ នេះគឺជាមូលដ្ឋានគ្រឹះដ៏សំខាន់ដើម្បីឃុំ Phú Tân ពង្រីកសក្តានុពល និងមានប្រៀបខ្លាំងដែលមានស្រាប់ ប្តេជ្ញាកសាងជនបទឱ្យកាន់តែរីកចម្រើន និងស្រស់ស្អាតថែមទៀត៕
Nguyễn Đào - Chí Thức
