សម្រាប់បុណ្យចូលឆ្នាំ Tết ២០២៦ បងប្អូប្រជាកសិករឃុំ Tân Lộc នឹងទទួលបុណ្យប្រកបដោយភាពសប្បាយរីករាយពីព្រោះរដូវស្រូវខែប្រាំងមានកំណើនផល និងលក់បានថ្លៃខ្ពស់ដែលផ្តល់ប្រាក់ចំណេញជិត ៤០ លានដុងក្នុងមួយហិកតា។ នេះគឺជាក្តីរីករាយរួមសម្រាប់កសិករភូមិភាគ ក្នុងនោះមានច្រើនគ្រួសារជនរួមជាតិ Khmer ផងដែរ។
រដូវស្រូវខែប្រាំងឆ្នាំ កសិករឃុំ Tân Lộc បានផលប្រសើរ និងលក់បានដោយតម្លៃខ្ពស់ទៀតផង។
យោងតាមការកត់សម្គាល់នៅវាលស្រែទ្រង់ទ្រាយធំរបស់ឃុំ Tân Lộc ទូទាំងឃុំមានជាង ៥០០ ហិកតាស្រូវរដូវប្រាំង ហើយបងប្អូនប្រជាកសិករកំពុងរវល់ប្រមូលផលក្នុងបរិយាកាសដ៏សប្បាយរីករាយ។ បង Lâm Trọng Nghĩa ជាជនជាតិ Khmer នៅភូមិលេខ ៧ ឃុំ Tân Lộc បានចែករំលែកថា៖ “ទិន្នផលជាមធ្យមគឺ ៦,៥-៧ តោន/ហិកតា ហើយតម្លៃស្រូវខ្ពស់បានធ្វើឱ្យកសិករកាន់តែសប្បាយរីករាយថែមទៀត។ បច្ចុប្បន្ន ពូជស្រូវ ST24 និង ST25 មានតម្លៃចាប់ពី ៧.៥០០-៨.៥០០ ដុង/គីឡូក្រាម។ OM5451 ដាយធើម ៨ ។ល។ សុទ្ធតែមានតម្លៃលើសពី ៦.០០០-៦.៥០០ ដុង/គីឡូក្រាម។ ជាមួយនឹងតម្លៃស្រូវបច្ចុប្បន្ន បន្ទាប់ពីបានចំណាយរួចរាល់ បងប្អូនកសិករនៅតែទទួលបានប្រាក់ចំណេញចាប់ពី ២៥-៣០ លានដុង/ហិកតាផងដែរ”។
តម្លៃស្រូវកើនខ្ពស់ ជួយមាមីងកសិករទទួលបុណ្យ Tết ដោយភាពសប្បាយរីករាយ និងកក់ក្តៅផងដែរ។
ជាអ្នករួមក្តីសប្បាយដូចគ្នាផងដែរ បង Huỳnh Văn Đậm នៅភូមិលេខ ៥ កំពុងត្រៀមប្រមូលផលស្រូវចំនួន ២ ហិកតារបស់គ្រួសារ។ លោក Đậm ចែករំលែក៖ “មួយសប្តាហ៍មុន ខ្ញុំបានទទួលប្រាក់កក់ពីឈ្មួញសម្រាប់ពូជស្រូវ ដាយធើម ៨ ដោយតម្លៃលក់ ៦.៥០០ ដុង/គីឡូក្រាម”។ តម្លៃនេះខ្ពស់ជាងប្រៀបជាមួយរដូវស្រូវខែប្រាំងឆ្នាំហើយេជិត ១.០០០ ដុង/គីឡូក្រាម ក្នុងនោះ បរិមាណផលស្រូវកើនចាប់ពី ៥០០ គីឡូក្រាមដល់ ១ តោន/ហិកតា។ ជាពិសេស ស្រូវមានសត្វល្អិត និងជំងឺតិចជាងមុន ជួយកាត់បន្ថយការចំណាយលើការវិនិយោគបានយ៉ាងច្រើនទៀតផង។ យោងតាមលោក ដឹម រដូវឆ្នាំនេះ ទិន្នផលសម្រេចបានប្រមាណ ១៤ តោន/២ហិកតា បន្ទាប់ពីចំណាយរួចរាល់នូវសល់ប្រាក់ចំណេញប្រហែល ៥០ លានដុង/២ហិកតាផងដែរ។ នេះត្រូវបានចាត់ទុកថាជាការប្រមូលផលដ៏ជោគជ័យសម្រាប់កសិករខណៈពេលដែលតម្លៃវត្ថុធាតុដើមខាងវិស័យកសិកម្មកំពុងកើនឡើង។
ប្រឈមមុខជាមួយការចំណាយលើវត្ថុធាតុដើមកំពុងកើនឡើងឥតឈប់ឈរ កសិករភាគច្រើនបានប្តូរពីរដូវដាំដំណាំទៅធ្វើស្រែដោយយោងតាមដំណើរការ "កាត់បន្ថយ ៣ បង្កើន ៣ " និង "១ត្រូវ ៥បន្ថយ" ក្នុសម្រាប់រដូវស្រូវខែប្រាំង។
លោក Trần Chí Cường ប្រធានសមាគមកសិករឃុំ Tân Lộc បានឱ្យដឹង៖ “សម្រាប់ដំរដូវស្រូវប្រាំង (តំបន់ផលិតស្រូវ ២ រដូវ) ឃុំមានផ្ទៃដីចំនួន ៥៣០ ហិកតា ដែលបច្ចុប្បន្នផ្តោតលើការប្រមូលផលនៅភូមិលេខ ៥ ភូមិលេខ ៧ និងភូមិលេខ ៨។ ទាំងនេះគឺសុទ្ធសឹងជាតំបន់ដែលមានលក្ខណៈអភិវឌ្ឍផលិតស្រូវស្អាត។ នាពេលខាងមុខ ឃុំនឹងបន្តសម្របសម្រួលជាមួយវិស័យពាក់ព័ន្ធ ដើម្បីកែលម្អគុណភាពស្រូវ ដោយរួមចំណែកកែលម្អប្រាក់ចំណូលសម្រាប់បងប្អូនប្រជាជន”។
ស្រូវដែលបានប្រមូលផលរួច ក៏មានឈ្មួញមកទិញដល់ទីកន្លែង។
យោងតាមការកត់សម្គាល់ រដូវស្រូវខែប្រាំងឆ្នាំនេះ បងប្អូប្រជាកសិករឃុំ Tân Lộc បានផលល្អប្រសើរ និងលក់បានតម្លៃខ្ពស់ បង្កើនកម្លាំងចិត្តសម្រាប់ការវិនិយោគឱ្យដូចថ្មីបន្តទៀត។មិនតែប៉ុណ្ណោះ ប្រាក់ចំណេញពីការលក់ស្រូវបានជួយមាមីងបងប្អូនប្រជាកសិករទទួលបុណ្យចូលឆ្នាំ Tết (ឆ្នាំមមី) ប្រកបដោយភាពសប្បាយរីករាយ និងកក់ក្តៅជាទីបំផុត៕
Lâm Đươl
