ប៉ុន្មានថ្ងៃមុនបុណ្យ Tết នេះ "ផ្សារទំនើប ០ ដុង" នៅសង្កាត់ Hiệp Thành ក៏បានអឹកធឹកបើកទ្វារ។ មិនមានការទិញ ឬលក់ដូរអ្វីនោះទេ។ ផ្ទុយទៅវិញ មានតែការដោះដូរទំនិញប៉ុណ្ណោះ ដែលនាំមកនូវស្នាមញញឹមដ៏រីករាយ សំណើចដ៏ក្អាកក្អាយ និងអារម្មណ៍សប្បុរសរបស់មនុស្ស។
មាមីងបងប្អូននាំគ្នាជ្រើសរើសខោអាវពី “ផ្សារទំនើប ០ ដុង”។
ជាមួយនឹងសារ "អ្នកណាសល់អ្វីគឺឱ្យ - អ្នកណាត្រូវការគឺយក" កម្មវិធីដែលរៀបចំដោយសមាគមសហព័ន្ធនារីសង្កាត់ Hiệp Thành បានក្លាចាត់តាំងក៏ក្លាយជាទីបង្អែកពេញដោយក្តីស្រឡាញ់សម្រាប់សមាជិកនារី និងកូនក្មួយជនរួមជាតិខ្មែរដែលមានជីវភាពជួបលំបាកក្នុងឱកាសបុណ្យ Tết។
ក្នុងបរិយាកាសដ៏កក់ក្តៅនេះ អ្វីៗគ្រប់យ៉ាងចាប់ពីសម្លៀកបំពាក់ រហូតដល់ថង់អង្ករ និងមីកញ្ចប់ត្រូវបានរៀបចំយ៉ាងស្អាត។ មនុស្សមកទីនេះមិនត្រឹមតែដើម្បីទទួលអំណោយប៉ុណ្ណោះទេ ថែមទាំងដើម្បីជ្រើសរើសរបស់របរដែលសមរម្យសម្រាប់គ្រួសាររបស់ខ្លួនផងដែរ។ ទង្វើមនុស្សធម៌នៃការគោរព និងចែករំលែកនេះ បានជួយលុបបំបាត់អារម្មណ៍នៃភាពអន់ខ្សោយ បង្កើនអត្ថន័យនៃអំណោយបន្ថែមទៀត។
ផ្តើមពីប្រភពនៃការចលនាសង្គម កម្មវិធីនេះបានបរិច្ចាគសម្លៀកបំពាក់ជាង ១.០០០ ឈុត អង្ករ ៤០០ គីឡូក្រាម និងមីកញ្ចប់ ៣០ ប្រអប់ សរុបទឹកច្រាក់ជាង ៦១ លានដុង។ តួលេខទាំងនេះមិនត្រឹមតែតំណាងឱ្យតម្លៃសម្ភារៈប៉ុណ្ណោះទេ ថែមទាំងបង្ហាញពីការអាណិតអាសូរ និងការខិតខំប្រឹងប្រែងរួមគ្នាសម្រាប់បុណ្យចូលឆ្នាំថ្មីឱ្យកាន់តែពេញចិត្តសម្រាប់អ្នកក្រទៀតផង។
ក្នុងចំណោមអ្នកដែលទទួលបានអំណោយ បងស្រី Thạch Thị Dương នៅភូមិ Biển Đông B សង្កាត់ Hiệp Thành ជាស្ត្រី Khmer ម្នាក់ដែលមានកូនតូចៗចំនួន ៥ នាក់ កំពុងប្រឈមមុខនឹងការលំបាកជាច្រើន បានជ្រើសរើសសម្លៀកបំពាក់មួយឈុតៗសម្រាប់កូនៗរបស់គាត់ដោយស្ងៀមស្ងាត់។ បងស្រី Dương បានចែករំលែកអារម្មណ៍ថា៖ “ខ្ញុំសូមថ្លែងអំណរគុណយ៉ាងស្មោះស្ម័គ្រចំពោះការយកចិត្តទុកដាក់របស់សមាគម និងសប្បុរសជនដែលបានជំនួយឧបត្ថម្ភគ្រួសារក្រលំបាកដូចខ្ញុំ។ បណ្តាថង់អង្ករ ប្រអប់មីកញ្ចប់ និងសម្លៀកបំពាក់ដែលបានបរិច្ចាគមិនត្រឹមតែជួយគ្រួសារខ្ញុំ និងបងប្អូននារីដទៃទៀតកាត់បន្ថយការលំបាកមុនថ្ងៃបុណ្យចូលឆ្នាំថ្មីប៉ុណ្ណោះទេ ថែមទាំងផ្តល់នូវកម្លាំងចិត្តទៀតដែរ ដើម្បីឈានឡើងក្នុងការរស់នៅ”។
លោកស្រី Trương Kim Khuyến ប្រធានសមាគមសហព័ន្ធនារីសង្កាត់ Hiệp Thành (ទីពីរគិតពីស្តាំ) និងតំណាងឱ្យសាខាសមាគមនារីនគរបាលសង្កាត់ជូនអង្ករ និងខោអាវដល់សមាជិកនារី និងប្អូនៗកូនក្មាយជនរួមជាតិដែលជួបលំបាក។
លោកស្រី Trương Kim Khuyến ប្រធានសមាគមសហព័ន្ធនារីសង្កាត់ Hiệp Thành បានមានប្រសាសន៍ថា៖ “កម្មវិធីនេះត្រូវបានរៀបចំឡើងដើម្បីអំណរបុណ្យចូលឆ្នាំថ្មី ត្រូវនឹងឆ្នាំមមី ២០២៦ ឆ្ពោះទៅការផ្គត់ផ្គង់េជីវភាពគ្រួសារ Khmer លើភូមិសាស្ត្រ។ ដើម្បីអនុវត្តទម្រង់នេះ សមាគមក៏សកម្មចលនាទឹកចិត្តសប្បុរសជន អាជីវកម្ម និងកម្មាភិបាល យុទ្ធជននគរបាលនារីប្រចាំសង្កាត់ដើម្បីរួមដៃគ្នាចូលរួមវិភាគទាន។ ផ្តើមពីនោះ សមាគមក៏សង្ឃឹមចង់បានរួមចំណែកបន្ថែមដើម្បីមាមីងបងប្អូនបានទទួលបុណ្យ Tết ប្រកបដោយក្តីសប្បាយរីករាយ ពេញលេញ និងកាន់តែមានអត្ថន័យថែមទៀត”។
សម្រាប់ការរស់នៅដែលពោរពេញដោយកង្វល់ “ផ្សារទំនើប ០ ដុង” បានបណ្តុះក្តីជំនឿលើសេចក្តីសប្បុរស និងការតភ្ជាប់ទឹកចិត្តរវាងគ្នានិងគ្នាឱ្យកាន់តែរឹតបន្តឹងថែមទៀត។ ផ្តើមពីទង្វើដ៏សាមញ្ញនៃសេចក្តីស្រឡាញ់ សហគមន៍ត្រូវបានភ្ជាប់គ្នា ដោយបន្ថែមនិទាឃរដូវដ៏មានអត្ថន័យមួយទៀតសម្រាប់គ្រួសារដែលប្រឈមមុខនឹងការលំបាក ខ្វះខាតផងដែរ៕
Kim Trúc
