ជាច្រើនឆ្នាំកន្លង ប្រជាកសិករនៅសង្កាត់ Hiệp Thành ភាគច្រើនប្រកបរបរដាំបន្លែបង្ការរយៈពេលខ្លី ប្រសិទ្ធភាពមិនសូវខ្ពស់ ហើយការនាំចេញក៏មិននឹងនរ។ ប្រឈមមុខជាមួយបញ្ហានោះ ការលេចមុខរបស់ខ្ទឹមក្រហមប្រភេទ F1 Maserati បានបើកចេញនូវក្តីសង្ឃឹមសម្រាប់តំបន់ដីវាលស្រែឆ្នេរសមុទ្រនេះឯង។
បណ្តាអាជីវកម្មចងសម្ព័ន្ធ និងឯកទេសបរទេសមានចំណាប់អារម្មណ៍ជាមួយទិន្នផលនិងគុណភាពចំពោះប្រភេទពូជខ្ទឹមក្រហម F1 Maserati។
សម្រាប់ទម្រង់បង្ហាញដែលអនុវត្តដោយសហករណ៍កសិកម្ម Lộc Tím Farm សង្កាត់ Hiệp Thành សហការជាមួយអាជីវកម្មដើម្បីផ្សព្វផ្សាយ បណ្តាចម្ការខ្ទឹមក្រហម F1 Maserati ដែលមានការលូតលាស់ល្អ និងពណ៌ស្វាយដ៏ស្រស់ស្អាត បានទាក់ទាញមនុស្សជាច្រើនចូលរួម សិក្សាស្វែងយល់ និងអនុវត្តតាម។ យោងតាមការផលិតជាក់ស្តែងបានឱ្យឃើញថា ពូជខ្ទឹមក្រហមនេះមិនត្រឹមតែសម្របខ្លួនបានល្អទៅនឹងដីក្នុងតំបន់ប៉ុណ្ណោះទេ ថែមទាំងមានភាពធន់នឹងសត្វល្អិត ព្រមទាំងជំងឺបានល្អ កាត់បន្ថយការចំណាយក្នុងការថែទាំទៀតផង។
យោងតាមការវាយតម្លៃរបស់អង្គភាពស្រាវជ្រាវ និងផលិត ប្រភេទពូជខ្ទឹមក្រហម F1 Maserati ផ្តល់ទិន្នផលចាប់ពី ៣៥-៤០ តោនក្នុងមួយហិកតា ខ្ពស់ជាប្រមាណ ៣០% ប្រៀបនឹងប្រភេទពូជចាស់។ ខ្ទឹមមានមើមធំល្អ ព័ណ៌ស្រស់ស្អាត ធានាសុវត្ថិភាព គុណភាព សមស្របតាមត្រូវការរបស់ភ្ញៀវអតិថិជននាពេលបច្ចុប្បន្ន ព្រមទាំងឆ្លើយតបតម្រូវការរបស់ទីផ្សារនាំចេញទៀតផង។
សមាជិកសហករណ៍ អាជីវកម្ម និងរដ្ឋអំណាចភូមិសាស្រ្ត អញ្ជើញមកទស្សនាទម្រង់បង្ហាញរបស់សហករណ៍កសិកម្ម Lộc Tím Farm។
លោក Lâm Danh Nhân ប្រធានគណៈកម្មាធិការប្រជាជនសង្កាត់ Hiệp Thành បានសង្កត់ធ្ងន់ថា៖ ប្រទេទខ្ទឹម F1 Maserati មិនត្រឹមតែផ្តល់ប្រសិទ្ធភាពសេដ្ឋកិច្ចចំពោះមុខប៉ុណ្ណោះទេ ប៉ុន្តែថែមទាំងបើកទិសដៅសម្រាប់អភិវឌ្ឍន៍យូរអង្វែងសម្រាប់ភូមិភាគផងដែរ។ ប្រសិនបើទម្រង់នេះត្រូវបានអនុវត្តជាប្រព័ន្ធផ្សារភ្ជាប់ជាមួយនឹងការរៀបចំតំបន់ដាំដុះ និងការកែច្នៃ សង្កាត់ Hiệp Thành អាចឈានទៅបង្កើតភូមិរបរដែលផ្សារភ្ជាប់ជាមួយផលិតផលពីខ្ទឹមក្រហម កសាងម៉ាកសញ្ញា OCOP ដែលមានតម្លៃ និងលើកកម្ពស់ចំណូលជូនប្រជាជន។
លោក Sơn Sen សមាជិកសហករណ៍កសិកម្ម Lộc Tím Farm បានសម្តែងថា៖ “កសិករយើងខ្ញុំមានក្តីរំភើបយ៉ាងខ្លាំង នៅពេលបានឃើញផ្ទាល់ភ្នែកនូវប្រសិទ្ធភាពនៃពូជថ្មីនេះ។ ខ្ទឹមលូតលាស់ល្អ ងាយស្រួលថែទាំ ហើយមានអង្គភាពប្រមូលទិញថេរ ដែលជួយឱ្យបងប្អូនហ៊ានពង្រីកផ្ទៃដីដាំដុះឆ្ពោះទៅរកការផលិតដ៏យូរអង្វែង”។
សហករណ៍កសិកម្ម ឡុកទីម Farm និងក្រុមហ៊ុន Linh Đan Ninh Thuận ចុះហត្ថលេខាលើកិច្ចសន្យាផ្គត់ផ្គង់ពូជ និងធានាប្រមូលទិញផលិតផលខ្ទឹមក្រហម។
ផ្តើមពីទម្រង់បង្ហាញដំបូង ខ្ទឹមក្រហមប្រភេទ F1 Maserati កំពុងបញ្ជាក់ជាបណ្តើរៗថាជាដំណាំដែលមានសក្តានុពលថ្មីនៅ Hiệp Thành។ នាពេលខាងមុខ ប្រ សិនបើត្រូវបានពង្រីកការដាំដុះតាមលក្ខណៈបច្ចេកទេសត្រឹមត្រូវ ពូជខ្ទឹមនេះសន្យថានឹងក្លាយជាគ្រឹះដ៏សំខាន់សម្រាប់ការអភិវឌ្ឍកសិកម្មប្រកបដោយនិរន្តរភាព រួមចំណែកកសាងម៉ាកសញ្ញាកសិផលដាច់ដោយឡែកសម្រាប់តំបន់ដីឆ្នេរមាត់សមុទ្រ៕
Kim Trúc
