រយៈពេលប៉ុន្មានឆ្នាំកន្លងមកនេះ ជីវភាពរបស់បងប្អូនជនរួមជាតិ Khmer បានប្រសើរឡើងជាលំដាប់។ រួមជាមួយនឹងការផ្លាស់ប្តូរនេះ នារីខ្មែរជាច្រើនបានក្លាហានជម្នះរាល់ឧបសគ្គ ពង្រីកស្មារតីពឹងផ្អែកលើខ្លួនឯងក្នុងការពលកម្មផលិត សន្សឹមៗម្ចាស់ការក្នុងការធ្វើសេដ្ឋកិច្ចគ្រួសារ រួមចំណែកកសាងជីវភាពមានស្ថិរភាព និងសុភមង្គល។
អ្នកមីង Trần Thanh Thương ឆ្លៀតយកផ្ទៃដីភ្លឺស្រែសម្រាប់ដាំឃ្លោក ននោង ដើម្បីបង្កើនប្រភពប្រាក់ចំណូលគ្រួសារ។
អ្នកមីង Trần Thanh Thương នៅភូមិ Kinh Đứng B ឃុំ Khánh Hưng គឺជាឧទាហរណ៍សម្រាប់ខាងស្មារតីខិតខំឧស្សាហ៍ព្យាយាមក្នុងការពលកម្មផលិត។ ពីមុន គ្រួសារគាត់ជួបលំបាកខ្លាំងផ្នែកខាងសេដ្ឋកិច្ច ប្តីទៅធ្វើការរកស៊ីឆ្ងាយ ដូច្នេះអ្នកមីង Thương ត្រូវទទួលរ៉ាប់រងខុគ្រប់កិច្ចការងារក្នុងគ្រួសារ។
ដោយមិនរាថយចំពោះការលំបាកទាំងពួង អ្នកមីង Thương តែងខិតខំថែទាំស្រែចម្ការរបស់គ្រួសារយ៉ាងយកចិត្តទុកដាក់ ផ្តើមពីនោះក៏ឆ្លៀតយកផ្ទៃដីតាមភ្លឺស្រែសម្រាប់ដាំល្ពៅ ឃ្លោក ដើម្បីបង្កើនប្រាក់ចំណូល។ ប្រាក់ចំណូលដែលទទួលបានពីស្រូវ និងដំណាំផ្សេងៗទៀតបានជួយធ្វើឱ្យសេដ្ឋកិច្ចគ្រួសាររបស់អ្នកមីងមានស្ថិរភាព ហើយកូនៗរបស់គាត់បានទទួលការអប់រំពេញលេញ។ ក្នុងអំឡុងពេលបុណ្យតេតថ្មីៗនេះ ហើយគ្រួសារក៏បានជួសជុលផ្ទះឡើងវិញយ៉ាងធំទូលាយស្អាតផងដែរ។
បន្ទាប់សិក្សាឯកទេសផ្នែកខាងអេឡិចត្រូនិច និងទូរគមនាគមន៍ បងស្រី Dương Ngọc Linh នៅ ភូមិលេខ ៣ ឃុំ Cái Đôi Vàm បានជ្រើសរើសធ្វើការនៅតាមក្រុងនោះទេ បែរជាសម្រេចចិត្តត្រឡប់មកស្រុកកំណើតវិញរួមជាមួយប្តីរបស់ខ្លួនគឺបង Thạch Minh Thái ដើម្បីផ្តើមអាជីព។
ដោយសង្ឃឹមថានឹងមានប្រភពប្រាក់ចំណូលស្ថិរភាព ព្រមទាំងមានពេលវេលាដើម្បីមើលថែគ្រួសារ ប្តីប្រពន្ធបងស្រីបានសម្រេចចិត្តបើកហាងបាយតូចមួយ។ ថ្ងៃដំបូងលក់ដូរ មានការជួបលំបាកខ្លាំងដោយចំនួនភ្ញៀវមិនសូវមានច្រើន។ ទោះជាយ៉ាងណាក៏ដោយ ជាមួយស្នាដៃដ៏ប៉ិនប្រសព្វ និងស្មារតីខ្នះខ្នែងក្នុងការរៀនសូត្រ បងស្រី Linh តែងសិក្សាស្រាវជ្រាវរូបមន្តថ្មីៗជានិច្ច និងរៀនបទពិសោធន៍ ដើម្បីកែលម្អគុណភាពខាងមុខម្ហូបរបស់ខ្លួន។ អាស្រ័យហេតុនេះហើយ ហាងបាយក៏សន្សឹមៗមានការទាក់ទាញភ្ញៀវច្រើនផងដែរ ការលក់ដូរមួយថ្ងៃកាន់តែបានលំនឹង ផ្តល់មកនូវប្រភពចំណូលសមរម្យសម្រាប់គ្រួសារ។
យោងតាមលោក Phạm Văn Bạch លេខាសាខាបក្សភូមិ Kinh Đứng B ឃុំ Khánh Hưng ប៉ុន្មានឆ្នាំកន្លងមកនេះ ការយល់ដឹងរបស់បងប្អូននារីខ្មែរស្តីពីការអភិវឌ្ឍសេដ្ឋកិច្ចគ្រួសារក៏មានការផ្លាស់ប្តូរជាវិជ្ជផងដែរ។ មានបងប្អូននារីជាច្រើនលែងមានផ្នត់គំនិតមិនពឹងផ្អែកលើជំនួយឧបត្ថម្ភទៀតនោះទេ ពោលគឺម្ចាស់ការពលកម្មផលិត ជួញដូរ ជួយធ្វើឱ្យជីវភាពរស់នៅរបស់មួយថ្ងៃកាន់តែមានស្ថេរភាព។
អាស្រ័យការខិតខំ និងស្មារតីក្លាហានហានគិត ហានធ្វើ បងស្រី Dương Ngọc Linh (អាវខ្មៅ) កំពុងសន្សឹមៗកសាងជីវភាពសុខក្សេមក្សាន្តនៅស្រុកកំណើតរបស់ខ្លួនផងដែរ។
លោក Tô Tấn Nghiệp អនុប្រធានគណៈកម្មាធិការប្រជាជនឃុំ Cái Đôi Vàm បានឱ្យដឹង៖ ភូមិភាគបានសហការជាមួយនិងបណ្តាអង្គការចាត់តាំងជាទូទៅ ដើម្បីផ្សព្វផ្សាយជាច្រើនកម្មវិធីឧបត្ថម្ភ មានដូចជា៖ បង្កលក្ខណៈសម្រាប់បងប្អូននារីបានចូលជិតការបុលប្រាក់អាទិភាព ព្រមទាំងជំនួយឧបត្ថម្ភអភិវឌ្ឍផលិត និងជួញដូរខ្នាតតូចជាដើម។ ដោយសារបែបេនះហើយ ក៏បានជួយបងប្អូននារីជាច្រើនមានលក្ខណៈសម្រាប់វិនិយោគក្នុងការដាំដុះ និងចិញ្ចឹមសត្វឬក៏លក់ដូរកំប៊ិចកំប៉ុក សន្សឹមៗបង្កើនប្រភពប្រាក់ចំណូល និងស្តារជីវភាពគ្រួសារ។
ផ្តើមស្រែស្រូវ និងដីដាំចម្ការ រហូតដល់ការបើកហាងបាយតូចនៅជនបទ បងប្អូននារី Khmer មួយថ្ងៃកាន់តែមានភាពស្វាហាប់ មានទំនុកចិត្ត និងសកម្មក្នុងការអភិវឌ្ឍសេដ្ឋកិច្ច។ តាមរយៈនៃការឧស្សាហ៍ព្យាយាម ឆន្ទៈ និងការរួមដំណើរការរបស់រដ្ឋអំណាចភូមិភាគ ពួកគេមិនត្រឹមរួមចំណែកកសាងជីវភាពសុខក្សេមក្សាន្តប៉ុណ្ណោះទេ ថែមទាំងបង្កើតការផ្លាស់ប្តូរជាវិជ្ជមានក្នុងសហគមន៍ផងដែរ។ សម្រាប់ជំហានដ៏រឹងមាំទាំងនេះបានរួមចំណែកដល់ការលើកកម្ពស់មុខមាត់ថ្មីនៃតំបន់ជនរួមជាតិ Khmer ក្នុងដំណើរនៃការអភិវឌ្ឍ និងការធ្វើសមាហរណកម្មទៀតផង៕
Nguyễn Đào - Chí Thức
