រដូវប្រាំង អាកាសធាតុក្តៅអូសអន្លាយ បណ្តោយឱ្យមានការធ្លាក់ចុះយ៉ាងខ្លាំងនៃកម្រិតទឹកនៅតាមបណ្តាប្រឡាយ និងប្រភពទឹកក្រោមដី បង្កើនហានិភ័យនៃការជ្រាបចូលនៃទឹកប្រៃ និងខ្វះប្រភពទឹក។ ប្រឈមមុខជាមួយករណីនោះ គ្រួសារជាច្រើននៅ Cà Mau បានអនុវត្តវិធានការជាមុនដើម្បីកាត់បន្ថយផលប៉ះពាល់នៃការខ្វះទឹកផងដែរ។
អ្នកមីង Thạch Thị Rớ នៅភូមិ Đồng Tâm A ឃុំ Đầm Dơi (ឆ្វេង) ស្តុកទឹកភ្លៀងក្នុងធុងសម្រាប់ប្រើប្រាស់ក្នុងរដូវប្រាំង។
ជាអ្នករស់នៅក្នុងតំបន់ដែលមានការជ្រាបចូលនៃទឹកប្រៃពេញមួយឆ្នាំ គ្រួសាររបស់អ្នកមីង Thạch thị Rớ នៅភូមិ Đồng Tâm A ឃុំ Đầm Dơi ភាគច្រើនពឹងផ្អែកលើប្រភពទឹកអណ្តូងសម្រាប់ ប្រើប្រាស់ក្នុងស្រុក និងផលិតកសិកម្ម។ ក្នុងរដូវវស្សា គាត់បានវិនិយោគលើធុងប្លាស្ទិកដែលអាចស្តុកទុកប្រភពទឹកសម្រាប់ប្រើប្រាស់នៅពេលក្រោយក្នុងរដូវរាំងស្ថួត រួមផ្សំជាមួយនឹងការអនុវត្តការប្រើប្រាស់ទឹកដោយប្រឹតសំចៃ។
អ្នកមីង Thạch Thị Rớ បានឱ្យដឹង៖ “អាស្រ័យមានវិធីសាស្រ្តបែបនេះ រយៈពេលជាច្រើនឆ្នាំមកកន្លងមក គ្រួសារខ្ញុំមិនមានការព្រួយបារម្ភអំពីការខ្វះខាតទឹកក្នុងរដូវប្រាំងទៀតនោះទេ ផ្តើមពីនោះ ក៏បានកាត់បន្ថយបរិមាណនៃប៉ូមបញ្ចូលចំនួនទឹក និងប្រឹតសំចៃការចំណាយបានយ៉ាងច្រើនផងដែរ”។
គ្រួសារលោក Nguyễn Hữu Ánh រស់នៅអនុសសង្កាត់លេខ ១ សង្កាត់ Tân Thành បច្ចុប្បន្នចិញ្ចឹមត្រីខ្ចឹង និងត្រីខ្សាច់ដំរីក្នុងស្រះដែលមានផ្ទៃដីប្រមាណជាង ៦ ហិកតា។ ដោយសារអាកាសធាតុក្តៅខ្លាំងអូសអន្លាយនាពេលប៉ុន្មានឆ្នាំថ្មីៗនេះ រៀងរាល់មុនរដូវប្រាំង លោក Ánh តែងស្តុកទឹកសាបមុនកាលកំណត់សម្រាប់ផ្គត់ផ្គង់ឱ្យការចិញ្ចឹមត្រីរបស់ខ្លួន។ យោងតាមលោក Ánh ការស្តុកទឹកសាបបានជំនួយឱ្យស្រះទាន់ពេលវេលានៅពេលដែលកម្រិតទឹកធ្លាក់ចុះ កាត់បន្ថយផលប៉ះពាល់លើការធំធាត់របស់ត្រីខ្ចឹង និងត្រីក្សាច់ដំរីផងដែរ។
ដើម្បីមប្រើឱ្យការផលិតសម្រាប់រដូវប្រាំង គ្រួសារជាច្រើនបានអនុវត្តវិធីសាស្រ្តស្រោចទឹកដោយប្រឹតសំចៃផងដែរ ជួយកាត់បន្ថយការប្រើប្រាស់ចំនួនទឹកផង នឹងធានាផលដំណាំមានការលូតលាស់ល្អ និងមានស្ថេរភាព។
គ្រួសារបងស្រី Nguyễn Thị Đoàn នៅភូមិ Cơi ៦ A ឃុំ Đá Bạc បានផ្សារភ្ជាប់ជាមួយនិងរបរដាំបន្លែជាង ៥ ឆ្នាំមកហើយ ប៉ុន្តែដោយសារជួបលំបាកក្នុងការស្រោចស្រពសម្រាប់រដូវប្រាំង ផ្ទៃដីផលិតក៏មានកម្រិត។ នៅចុងឆ្នាំ ២០២៤ គ្រួសារបងស្រីត្រូវបានគម្រោង "ទឹកគឺជាជីវិត" ជំនួយឧបត្ថម្ភដំឡើងប្រព័ន្ធស្រោចស្រពប្រឹតសំចៃទឹកដោយស្វ័យប្រវត្តិ ធ្វើឱ្យការស្រោចស្រពកាន់តែមានភាពងាយស្រួល និងជួយកាត់បន្ថយការប្រើប្រាស់កម្លាំងពលកម្ម និងប្រភពទឹកបានយ៉ាងច្រើនទៀតផង។
ប្រជាជនម្ចាស់ការស្តុកទឹកក្នុងស្រះដើម្បីបម្រើឱ្យការស្រោចចម្ការឈើហូបផ្លែ និងបន្លែបង្ការក្នុងរដូវរាំងស្ងួត។
យោងតាមលោក Phạm Văn Mười អនុប្រធានមន្ទីរកសិកម្ម និងបរិស្ថានខេត្ត Cà Mau វិស័យកសិកម្មបានណែនាំប្រជាកសិករឆ្លៀតប្រើប្រាស់ប្រភពទឹកភ្លៀងឱ្យបានច្រើនបំផុត ព្រមទាំងវិនិយោគធុងសម្រាប់ស្តុកទឹក ស្រះទឹក និងប្រើប្រាស់ទឹកតិចតួចក្នុងការរស់នៅប្រចាំថ្ងៃ អនុវត្តទម្រង់ស្រោចទឹកដោយប្រឹតសំចៃសម្រាប់ក្នុងការផលិត ដើម្បីកាត់បន្ថយការប្រើប្រាស់ទឹក។ ទន្ទឹមនិងនោះ វិស័យនេះក៏កំពុងកែសម្រួលកាលវិភាគសម្រាប់ឱ្យការដាំដុះយ៉ាងសមស្របជាមួយស្ថានភាពជាក់ស្តែង។ ស្របឱកាសនោះ ក៏មានផែនការសីកស្តារព្រែកប្រឡាយ ធារាសាស្រ្ត និងសម្របសម្រួលខាងប្រព័ន្ធលូបង្ហូតទឹកធំ និងតូចនៅលើភូមិសាស្ត្រខេត្ត ដើម្បីធានាប្រភពទឹកសម្រាប់បម្រើឱ្យការផលិតខណៈពេលដែលកើតមានករណីរាំងស្ងួតនិងជ្រាបប្រៃ៕
Cẩm Nhi
