រយៈពេលប៉ុន្មានឆ្នាំកន្លងមកនេះ វត្តខ្វែងបបែលចាស់ (Cái Giá Chót) ឃុំ Hưng Hội បានក្លាយទីបង្អែកខាងស្មារតីដ៏រឹងមាំផងដែរ ដោយរួមដំណើរការជាមួយប្អូនៗកូនក្មួយជនរួមជាតិ Khmer ក្នុងដំណើរការបង្កើនប្រជាបញ្ញា។ ដែលលេចធ្លោជាងគេនោះគឺសកម្មភាពផ្តល់អាហារូបករណ៍ និងជំនួយកម្លាំងដល់សិស្សនិស្សិតដែលកំពុងសិស្សានៅតាមបណ្តាមហាវិទ្យាល័យទាំងក្នុង និងក្រៅខេត្តផងដែរ។
ព្រះឧបជ្ឈាយ៍ Tăng Sa Vong ព្រះចៅអធិការវត្តខ្វែងបបែលចាស់ (Cái Giá Cũ) ផ្តល់អាហារូបករណ៍ និងអំណោយដល់ប្អូនៗសិស្សនិស្សិតជាកូន Khmer ដើម្បីលើកទឹកចិត្តឱ្យខិតខំសិក្សារៀនសូត្រ។
ក្នុងឱកាសបុណ្យចូលឆ្នាំថ្មីប្រពៃណីកន្លងហើយ វត្តខ្វែងបបែលចាស់ (Cái Giá Chót) បានរៀបចំពិធីជួបជុំ និងផ្តល់អាហារូបករណ៍ ១៧ ចំណែក និងអំណោយចំនួន ១២ ចំណែកសម្រាប់សិស្សដែលមានជីវភាពជួបលំបាកជាកូនក្មួយជនរួមជាតិ Khmer ដែលកំពុងសិក្សានៅមហាវិទ្យាល័យ Bạc Liêu។ នេះមិនត្រឹមជាផ្នែកខាងតម្លៃសម្ភារៈប៉ុណ្ណោទេ រាល់អាហារូបករណ៍ និងអំណោយមួយចំណែកៗថែមទាំងជាប្រភពនៃកម្លាំងចិត្តសម្រាប់សិស្សនិស្សិតគ្រប់រូបលំនឹងស្មារតីបន្តាការសិក្សារៀនសូត្ររបស់ខ្លួនទៀតផង។
ប្អូន Thạch Tuyết Ngân ជានិស្សិតផ្នែកខាងវិទ្យាសាស្ត្រសង្គមនៃមហាវិទ្យាល័យ Bạc Liêu បានចែករំលែកថា៖ “នេះជាឆ្នាំទីពីរហើយដែលប្អូនបានទទួលអាហារូបករណ៍របស់វត្ត។ អំណោយនេះក៏ជាប្រភពនៃការលើកទឹកចិត្តសម្រាប់ប្អូនកាន់តែខិតខំសិក្សារៀនសុត្របន្ថែមទៀតនាពេលអនាគត”។
ឱកាសវិស្សមកាលជារៀងរាល់ឆ្នាំ វត្តខ្វែងបបែលចាស់តែងមានបើកថ្នាក់បង្រៀនអក្ស Khmer ជូនប្អូនៗកូនក្មួយជនរួមជាតិនៅភូមិភាគ។
មិនត្រឹមជួយឧបត្ថម្ភសិស្សនិស្សិតតែប៉ុណ្ណោះទេ វត្តខ្វែងបបែលចាស់ (Cái Giá Chót) ថែមទាំងសកម្មចាត់តាំងបើកថ្នាក់បង្រៀនអក្សរ Khmer រដូវវិស្សមកាលសម្រាប់ប្អូនៗនៅភូមិភាគទៀតផង។ សកម្មភាពនេះបានរួមចំណែកដ៏សំខាន់ក្នុងការអភិរក្ស និងពង្រីកនូវអត្តសញ្ញាណវប្បធម៌ អក្សរសាស្ត្ររបស់ជនរួមជាតិ Khmer សម្រាប់បញ្ញវន្តជំនាន់ក្រោយៗទៀតផងដែរ។
ព្រះឧបជ្ឈាយ៍ Tăng Sa Vong ព្រះចៅអធិការវត្ត មានថេរដីការថា៖ “ការផ្តល់អាហារូបករណ៍ដល់និស្សិត Khmer ដែលមានស្ថានភាពលំបាកត្រូវបានរក្សាខ្ជាប់ជារៀងរាល់ឆ្នាំ។ បន្តទៀត វត្តនឹងពង្រីកទូលាយសម្រាប់បុគ្គលដែលត្រូវការជំនួយឧបត្ថម្ភ ពោលគឺមិនត្រឹមតែជាមហាវិទ្យាល័យ Bạc Liêu នោះទេ គឺត្រូវឆ្ពោះទៅនៃការជំនួយនិស្សិតដែលកំពុងសិក្សានៅតាមបណ្តាមហាវិទ្យាល័យដូចជា Cần Thơ និងទីក្រុង Hồ Chí Minh ជាដើម្ប ដើម្បីមានការជំនួយប្អូនៗបានទាន់ពេលវេលាក្នុងឱកាសបុណ្យទានប្រពៃណីដែលធ្វើយ៉ាងណាឱ្យមានពេលសមស្រប”។
ព្រះសង្ឃវត្តខ្វែងបបែលចាស់ (Cái Giá Cũ) ជាគ្រូបង្រៀនដោយផ្ទាល់ជូនប្អូនៗកូនក្មួយជនរួមជាតិ។
តាមរយៈសកម្មភាពជាក់ស្តែង និងមានអត្ថន័យនេះ វត្តខ្វែងបបែលចាស់ (Cái Giá Cũ) មិនត្រឹមតែបានរួមចំណែកដល់ការលើកកម្ពស់កម្រិតបញ្ញារបស់ប្រជាជនប៉ុណ្ណោះទេ ថែមទាំងផ្សព្វផ្សាយស្មារតីនៃការរៀនសូត្រ និងការទទួលខុសត្រូវសហគមន៍ក្នុងជនរួមជាតិ Khmer ផងដែរ។ អាហារូបករណ៍ដែលផ្តល់ជូននៅថ្ងៃនេះ គឺជាគ្រាប់ពូជនៃចំណេះដឹងដែលកំពុងត្រូវបានចិញ្ចឹមបីបាច់ថែរក្សា ហើយសង្ឃឹមដែរថាវានឹងដុះបន្លកក្លាយជាអនាគតភ្លឺស្វាងសម្រាប់យុវជនជំនាន់ក្រោយគ្រប់រូបផងដែរ៕
Trung Kiên
