ប៉ុន្មានឆ្នាំកន្លងមកនេះ សាលាវិទ្យាល័យជនជាតិអន្តេវាសិក Cà Mau បានបង្កើតវិធីសាស្រ្តបង្រៀន និងរៀនរបស់ខ្លួនជាបន្តបន្ទាប់។ ផ្តើមពីនោះក៏បានលើកកម្ពស់គុណភាពអប់រំ បង្កើតបរិយាកាសអំណោយផលសម្រាប់សិស្សានុសិស្សសិក្សា និងអភិវឌ្ឍយ៉ាងទូលំទូលាយផងដែរ។
ម៉ោងរៀនរបស់ប្អូនៗនៃវិទ្យាល័យជនជាតិអន្តេវាសិក Cà Mau។
ឆ្នាំសិក្សា ២០២៥-២០២៦ វិទ្យាល័យជនជាតិអន្តេវាសិក Cà Mau មានសិស្សចំនួន ២៤៧ នាក់។ ភាគច្រើនប្អូនៗសុទ្ធតែជាអ្នកមកពីតំបន់ដាច់ស្រយាល លក្ខណៈរៀនសូត្រនូវមានការជួបលំបាកខ្លាំង។ ដូច្នេះ សាលាផ្តោតការយកចិត្តទុកដាក់ជាពិសេសលើការកសាងបរិយាកាសសិក្សាដែលមានស្ថិរភាព និងរួសរាយរាក់ទាក់។ ខណៈពេលដែលធានាបានល្អនូវលក្ខខណៈរស់នៅ និងកន្លែងស្នាក់នៅល្អនៅក្នុងសាលាផងនោះ ដើម្បីធានាឱ្យសិស្សអាចលំនឹងចិត្តក្នុងការសិក្សា។
ប្អូន Hữu Gia Linh សិស្សថ្នាក់ទី ១១C3 បានចែករំលែកថា៖ “ពេលដែលសិក្សានៅសាលា ប្អូន ខ្ញុំតែងទទួលបានការយកចិត្តទុកដាក់ និងជំនួយឧបត្ថម្ភយ៉ាងសកម្មក្នុងការរស់នៅ និងការសិក្សារៀនសូត្រ ជួយឱ្យប្អូនកាន់តែមានទំនុកចិត្ត និងភ្ជាប់ទំនាក់ទំនងជាមួយសាលា នាំឱ្យមានវឌ្ឍនភាពគួរឱ្យកត់សម្គាល់ក្នុងការសិក្សា ជាពិសេសភាសា Khmer”។
បច្ចុប្បន្ន សាលាមានកម្មាភិបាលចំនួន ៥០ នាក់ រួមទាំងលោកគ្រូ អ្នកគ្រូ និងបុគ្គលិកផ្សេងទៀត។ គ្រូបង្រៀនគ្រប់រូបបានអនុវត្តបច្ចេកវិទ្យាព័ត៌មានក្នុងការបង្រៀន ផ្តើមពីនោះក៏បង្កើនសកម្មភាពបទពិសោធន៍ បង្ហាញណែនាំអាជីព និងបណ្តុះបណ្តាលជំនាញខាងការរស់នៅ សម្រាប់សិស្សផងដែរ។
យោងតាមលោកគ្រូ Ngô Vũ Linh នាយកវិទ្យាល័យជនជាតិអន្តេវាសិក Cà Mau ក្នុងរយៈពេលប៉ុន្មានឆ្នាំកន្លងមកនេះ សាលាតែងសកម្មជំរុញការផ្លាស់ថ្មីរាល់វិធីសាស្ត្រសម្រាប់ក្នុងការបង្រៀនដោយផ្តោតលើការលើកកម្ពស់គំនិតផ្តួចផ្តើម និងភាពច្នៃប្រឌិតរបស់សិស្ស។ ការអនុវត្តបច្ចេកវិទ្យាព័ត៌មានត្រូវបានបង្កើន ជួយឱ្យមេរៀនកាន់តែមានភាពរស់រវើក និងងាយយល់ទៀតផង។ ក្នុងពេលជាមួយគ្នានេះ ថ្នាក់រៀនបន្ថែមត្រូវបានបន្តជាប្រចាំ ដើម្បីជំនួយឧបត្ថម្ភ សិស្សដែលមានកម្រិតខ្សោយខាងចំណេះដឹង ដោយហេតុនេះហើយបានធ្វើអោយប្រសើរឡើងនូវគុណភាពអប់រំ។ អត្រាបញ្ចប់ការសិក្សាក្នុងប៉ុន្មានឆ្នាំកន្លងមកនេះ សម្រេចបានជិត ១០០% ផងដែរ។ ក្នុងសម័យប្រឡងសិស្សពូកែថ្នាក់ខេត្តកន្លងហើយ សាលាមានសិស្សម្នាក់សម្រេចបានពានរង្វាន់លើកទឹកចិត្តខាងវិញ្ញាសារភូមិសាស្ត្រ។
លោកគ្រូ Ngô Vũ Linh នាយកសាលាវិទ្យាល័យជនជាតិអន្តេវាសិក ផ្តល់អាហារូបករណ៍របស់មូលនិធិជំរុញការសិក្សា Võ Văn Kiệt ខេត្ត Cà Mau ដល់សិស្សដែលក្រលំបាករៀនបានពូកែ ដើម្បីជាការលើកទឹកចិត្តសម្រាប់ប្អូនៗបន្តខិតខំសិក្សារៀនសូត្រ។
សិស្ស Hữu Triều Khiêm ជាសិស្សថ្នាក់ទី ១០C2 បាននិយាយថា៖ “ទោះបីជាពេលវេលារៀនសារឡើងវិញមិនសូវមានច្រើនក៏ដោយ តែអាស្រ័យការណែនាំ បង្ហាត់បង្ហាញរបស់លោកគ្រូ អ្នកគ្រូ និងការខិតខំប្រឹងប្រែងរបស់ខ្លួនឯង ប្អូនក៏សម្រេចបានលទ្ធផលល្អ។ ប្អូននឹងបន្តខិតខំថែមទៀតដើម្បីលទ្ធផលកាន់តែប្រសើរឡើងនាពេលអនាគត”។
លោកគ្រូ Ngô Vũ Linh បានឱ្យដឹង៖ ទោះបីជាលទ្ធផលនូវមានកម្រិតក៏ដោយ តែទាំងនេះក៏ជាលទ្ធមួយដែលគួរឱ្យកត់សម្គាល់ និងលើកទឹកចិត្តសម្រាប់សាលាដែលមានការទទួលយកសិស្សមិនស្មើគ្នា។ សាលានឹងបន្តច្នៃប្រឌិតខាងវិធីសាស្រ្តបង្រៀន បង្កើនការអនុវត្តបច្ចេកវិទ្យាឌីជីថល និងខិតខំសម្រេចបានសមិទ្ធផលកាន់តែខ្ពស់ថែមទៀត និងបង្កើនគុណភាពខាងវិស័យអប់រំទាំងមូលផងដែរ។
ដោយមានការខិតខំប្រឹងប្រែងជាបន្តបន្ទាប់របស់កម្មាភិបាលកងជួរគ្រូបង្រៀន និងស្សានុសិស្ស វិទ្យាល័យជនជាតិអន្តេវាសិក Cà Mau កំពុងធ្វើឱ្យប្រសើរឡើងនូវគុណភាពអប់រំទាំងស្រុងជាសន្សឹមៗ។ នេះមិនត្រឹមតែផ្តល់មូលដ្ឋានគ្រឹះសម្រាប់ការអភិវឌ្ឍសិស្សជនជាតិភាគតិចប៉ុណ្ណោះទេ ថែមទាំងរួមចំណែកយ៉ាងសំខាន់ក្នុងការបណ្តុះបណ្តាលប្រភពធនធានមនុស្សសម្រាប់តំបន់នាពេលអនាគតទៀតផង៕
Thiên Diệp
