សម្រាប់ជនរួមជាតិ Khmer វត្តអារាមគឺជា "បេះដូង" របស់ភូមិស្រុក។ ប្រសិនបើព្រះវិហារជាកន្លែងដ៏ពិសិដ្ឋបំផុតនោះគឺបណ្តាសំណង់ផ្សេងៗដទៃទៀតដូចជាខ្លោងទ្វារ និងរបង។ល។ គឺសុទ្ធសឹងជាជាមុខមាត់ ជាព្រំដែនដ៏ពិសិដ្ឋសម្រាប់ការរាំងស្កាត់រវាងការរស់នៅធម្មតាជាមួយនឹងលោកិយចេញពីអាណាចក្របរិសុទ្ធនៃវត្តអារាមនីមួយៗផងដែរ។ វត្តព្រែកពក (Đồng Tranh) ភូមិ Đồng Tranh ឃុំ Vĩnh Thuận ខេត្ត An Giang គឺជាឧទាហរណ៍យ៉ាងច្បាស់លាស់មួយ។
ពិធីកាត់ខ្សែបូរសម្ពោធឆ្លងខ្លោងទ្វារ របងនិងសមិទ្ធផលនានានៅវត្តព្រែកពក (Đồng Tranh)។
វត្តអង្គមេត្រីសិរីព្រឹក្សា ព្រែកពក (Đồng Tranh) ជាវត្ត Khmer បុរាណមួយ នឹងជាទីបង្អែក ជំនឿខាងវិញ្ញាណសម្រាប់សហគមន៍ពុទ្ធសាសនាថេរវាទ Khmer នៅក្នុងតំបន់។ ជាមួយតម្រូវការសម្រាប់ការសិក្សា រួមទាំងសកម្មភាពសាសនា និងបំណងប្រាថ្នាក្នុងការបង្កើតទីកន្លែងដ៏ឧឡារិក និងប្រកបដោយនិរន្តរភាព ព្រះសង្ឃ និងគណៈកម្មការវត្តក៏បានផ្តើមឃោសនាចលនាកសាងខ្លោងទ្វារ និងរបងដើម្បីធានាបរិវេណសិក្សារៀនសូត្ររបស់ព្រះសង្ឃ។
បន្ទាប់ពីការសាងសង់អស់រយៈកាលជិត ៣ ឆ្នាំ កាលពីព្រឹកថ្ងៃទី ៧ ខែឧសភា ព្រះសង្ឃ គណៈកម្មការ គ្រូអាចារ្យក៏បានរៀបចំពិធីកាត់ខ្សែបូរដើម្បីសម្ពោធសមិទ្ធផលទាំងនេះ ដោយ សរុបថវិកាអស់ជិត ២ ពាន់លានដុងផងដែរ។
បណ្តាចៅអធិការតំណាងឱ្យនានាវត្តទាំងក្នុងនោងក្រៅខេត្ត និមន្តចូលរួមប្រសិទ្ធពរ និងជូនអំណោយក្នុងពិពីបុណ្យ។ (ក្នុងរូបថត៖ ព្រះតេជគុណ យ័ញយុង (ឆ្វេង) ទទួលអំណោយពីព្រះតេជគុណ Hữu Nhiều ព្រះចៅអធិការវត្តសិរីមង្គល ជ្រុងខ្មែរ ឃុំហូធីគី ខេត្តកាម៉ាវ)។
យោងតាមព្រះតេជគុណ Danh Dung ព្រះចៅអធិការវត្តព្រែកពក (Đồng Tranh) ការបញ្ចប់គម្រោងនេះគឺជាសក្ខីភាពមួយសម្រាប់ផ្នែកខាងស្មារតីនៃ "ព្រះពុទ្ធសាសនាអមដំណើរការជាមួយជនជាតិ "។ វាគឺជាលទ្ធផលនៃការរួមចំណែកមិនឈប់ឈរពីទឹកចិត្តសប្បុរសជន សាមគ្គីភាពរបស់អ្នកកាន់ព្រះពុទ្ធសាសនា និងការយកចិត្តទុកដាក់ពីរដ្ឋអំណាចភូមិភាគ។ ចំពោះឥដ្ឋមួយផ្ទាំងៗគឺសុទ្ធសឹងជាទងផ្កាសម្រាប់យកថ្វាយព្រះ។ បណ្តាសមិទ្ធផលទាំងនេះមិនត្រឹមតែស្ថិតស្ថេរតាមពេលវេលាប៉ុណ្ណោះទេ ប៉ុន្តែវាក៏ជាកន្លែងសម្រាប់ថែរក្សាខ្លឹមសារនៃវប្បធម៌ Khmer សម្រាប់មនុស្សជំនាន់ក្រោយផងដែរ។
ពុទ្ធបរិស័ទយ៉ាងច្រើនកុះករអញ្ជើ្ជញចូលរួមពិធីកាត់ខ្សែបូ។
"សមិទ្ធផលដែលបានកសាងសម្រេចជាស្ថាពរ គឺជាសេចក្តីរីករាយយ៉ាងធំ ប៉ុន្តែក៏ជាកាតព្វកិច្ចសម្រាប់យើងខ្ញុំក្នុងការថែរក្សា ការពារ និងលើកកម្ពស់តម្លៃរបស់វាផងដែរ។ ចាប់ពីពេលនេះតទៅ វត្តអង្គមេត្រីសិរីព្រឹក្សា ព្រែកពក (Đồng Tranh) នឹងមិនត្រឹមតែជាកន្លែងសិក្សាសម្រាប់ព្រះសង្ឃប៉ុណ្ណោះទេ ថែមទាំងបានក្លាយជាដំបូលផ្ទះរួម ជាទីបង្អែកខាងវិញ្ញាណដ៏រឹងមាំសម្រាប់ប្រជាពុទ្ធបរិស័ទក្នុងភូមិស្រុក រួមគ្នាថែរក្សា និងផ្សព្វផ្សាយខ្លឹមសារវប្បធម៌ដ៏ល្អផូរផង់របស់បងប្អូនជនរួមជាតិខ្មែរនៅភូមិភាគ" ព្រះតេជគុណ Danh Dung បានបញ្ជាក់បែបនេះ៕
Chanh Đa
