អស់រយៈពេលជាច្រើនឆ្នាំកន្លងមក ខេត្ត Cà Mau បានកំណត់ឥណទានគោលនយោបាយថាជាដំណោះស្រាយដ៏សំខាន់មួយដើម្បីជំនួយឧបត្ថម្ភបងប្អូនប្រជាជនក្នុងការអភិវឌ្ឍសេដ្ឋកិច្ច និងលំនឹងជីវភាពរស់នៅ។ ជាពិសេស ដើមទុនប្រាក់កម្ចីអនុគ្រោះបានក្លាយជាទីបង្អែកយ៉ាងជាក់ស្តែងសម្រាប់ជនរួមជាតិភាគតិច រួមចំណែកបង្កើតជីវភាពរស់នៅ និងសម្រេចបាននូវការកាត់បន្ថយភាពក្រីក្រប្រកបដោយចីរភាពទៀតផង។
អ្នកមីង Trần Thị Bảy នៅសង្កាត់ Vĩnh Trạch ជួញដូរសំបកសត្វត្រចៀកកាំទទួលបានប្រាក់ចំណូលនឹងនរអាស្រ័យប្រសិទ្ធភាពនៃដើមទុនឥណទានអនុគ្រោះសម្រាប់ជនរួមជាតិ។
ពីមុន ដោយសារខ្វះផ្ទៃដីផលិត ជីវិតគ្រួសារអ្នកមីង Hữu Thị Dung នៅភូមិលេខ ៧ ឃុំ Tân Lộc មានការជួបលំបាកយ៉ាងខ្លាំង។ តែចាប់តាំងពីទទួលបានដើមទុនកម្ចីអនុគ្រោះមក គ្រួសារអ្នកមីងមនាលក្ខណៈពង្រីករបរចិញ្ចឹមសត្វ និងជួញដូរខ្នាតតូច ដើម្បីបង្កើនប្រាក់ចំណូលគ្រួសារ។ អាស្រ័យការខិតខំតកស៊ីពង្រីកសេដ្ឋកិច្ចគ្រួសារអ្នកមីង Dung សន្សឹមៗលំនឹងជីវភាពរស់នៅ។
អ្នកមីង Hữu Thị Dung បានចែករំលែកថា៖ កាលពីមុនមានការជួបលំបាកខ្លាំង តែអាស្រ័យបានបុលប្រាក់បង្កើតមុខរបរលក់ដូរកំប៊ិចកំប៉ុក និងបិតស្រាចិញ្ចឹមជ្រូកផងនោះ រៀងរាល់ឆ្នាំជាពីរទៅបីលើក សន្សឹមៗក៏ប្រឹតសំចៃបានប្រាក់ខ្លះសម្រាប់សង់ផ្ទះយ៉ាងធំទូលាយស្អាតផងដែរ”។
មិនត្រឹមតែគ្រួសាររបស់អ្នកមីង Dung ប៉ុណ្ណោះទេ ថែមទាំងគ្រួសារជនជាតិភាគតិចជាច្រើនក្នុងខេត្តក៏កំពុងមានភាពប្រសើរឡើងជាលំដាប់អាស្រ័យឥណទានគោលនយោបាយ។ ដល់ចុង ឆ្នាំ ២០២៥ បំណុលសរុបនៃកម្មវិធីឥណទានគោលនយោបាយនៅខេត្ត Cà Mau ឡើងដល់ជាង ៨.៤០០ ពាន់លានដុង ដោយមានរាប់ម៉ឺនគ្រួសារបានបន្តបុល។ ក្នុងនោះ ជនជាតិភាគតិចគឺជាមុខសញ្ញាដែលអាទិភាពក្នុងការទទួលផល។
ចាប់ពីប្រាក់កម្ចីដំបូង ទម្រង់ផលិត ជួញដូរជាច្រើនដែលមានប្រសិទ្ធភាពត្រូវបានបង្កើតឡើង និងអភិវឌ្ឍ រួមចំណែកដល់ការផ្លាស់ប្តូរផ្នត់គំនិតក្នុងការផលិតរបស់ប្រជាជន។ បងប្អូនមានមីង កាន់តែមានទំនុកចិត្តលើការវិនិយោគ និងរៀបចំផែនការអាជីវកម្មរបស់ខ្លួនប្រកបដោយភាពសកម្ម តាមរបៀបដែលមានលក្ខណៈជាប្រព័ន្ធ និងប្រកបដោយនិរន្តរភាពផងដែរ។
អ្នកមីង Trần Thị Bảy នៅភូមិ Vĩnh An សង្កាត់ Vĩnh Trạch បាននិយាយប្រាប់ថា៖ “ដំបូងឡើយ ខ្ញុំលក់តែសំបុកត្រចៀកកាំប៉ុណ្ណោះ ហើយក៏មិនដឹងពីរបៀបកែច្នៃវានោះដែរ។ ក្រោយមក ខ្ញុំបានទទួលប្រាក់កម្ចី ហើយបានរៀនបន្ថែមអំពីការចម្រាញ់វា។ ស្ថានភាពសេដ្ឋកិច្ចគ្រួសារខ្ញុំបានប្រសើរឡើងជាលំដាប់ ហើយវាក៏បានបង្កើតការងារធ្វើស្ថិរភាពសម្រាប់ស្ត្រីទាំងឡាយនៅភូមិតំបន់ភាគផងដែរ”។
យោងតាមប្រសាសន៍របស់លោកស្រី Nguyễn Thu Tư នាយិកាមន្ទីរជនជាតិ និងសាសនាខេត្ត Cà Mau ប្រជាជនជាទូទៅមិនត្រឹមជាមុខសញ្ញាអាស្រ័យផលប៉ុណ្ណោះទេ ថែមទាំងជាអ្នកចូលរួមបន្តផ្ទាល់ក្នុងការកសាងគម្រោងការអភិវឌ្ឍសេដ្ឋកិច្ចយ៉ាងសមស្របជាមួយលក្ខណៈជាក់ស្តែងរបស់គ្រួសារ និងភូមិភាគ។
ផ្តើមពីប្រភពទុនឥណទានអនុគ្រោះ អ្នកមិង ហ៊ឺវធីយុង បានវិនិយោគបើកហាងលក់ដូរកំប៊ិចកំប៉ុកនៅផ្ទះផងដែរ។
«តាំងពីដំបូងមក យើងខ្ញុំបានកំណត់ថា ប្រជាជនត្រូវតែជាតួអង្គសំខាន់ក្នុងដំណើរការឧបត្ថម្ភ ។ ផ្តើមពីការកសាងជីវភាពរស់នៅ រហូតដល់ការជំនួយឧបត្ថម្ភការបណ្តុះបណ្តាលវិជ្ជាជីវៈ បងប្អូនប្រជាជនចូលរួមដោយផ្ទាល់ ដូច្នេះការយល់ដឹងរបស់ពួកគេអំពីការផ្លាស់ប្តូរ និងការខិតខំប្រឹងប្រែងរបស់ខ្លួនដើម្បីរួចផុតពីភាពក្រីក្រគឺមានភាពច្បាស់លាស់ខ្លាំងណាស់» លោកស្រី Thu Tư បានសង្កត់ធ្ងន់បែបនេះ។
ក្រៅពីសមិទ្ធផលទាំងនេះ មតិជាច្រើនក៏បានបង្ហាញពីបំណងប្រាថ្នាចង់ឱ្យគោលនយោបាយឧបត្ថម្ភត្រូវបានពង្រីកបន្ថែមទៀត ដើម្បីឱ្យបងប្អូនប្រជាជនមានឱកាសកាន់តែច្រើនក្នុងការអភិវឌ្ឍផលិត។ ព្រះតេជគុណ Lâm Sơn ព្រះចៅអធិការវត្តវង្សស្រង់ ក្របីឃ្លៀច (Cao Dân) ឃុំ Tân Lộc បានស្នើឱ្យរដ្ឋអំណាចភូមិភាគបន្តបង្កលក្ខខណៈសម្រាប់បងប្អូនប្រជាជនបានខ្ចីប្រាក់កម្ចីអនុគ្រោះក្នុងអត្រាការប្រាក់ទាប ហើយក្នុងពេលជាមួយគ្នានេះ ត្រូវពង្រឹងការឧបរ្ថម្ភខាងបច្ចេកទេសក្នុងការផលិតកម្មកសិកម្ម និងជលផល ដើម្បីញាំងឱ្យជីវិតបងប្អូនប្រជាជនមានភាពប្រសើរឡើងថែមទៀត។
ផ្តើមពីទម្រង់នៃប្រភពទុនឥណទានគោលនយោបាយអនុគ្រោះ ជានច្រើនគ្រួសារបងប្អូនប្រជាជនមានឱកាសបានឆ្លងកាត់ការលំបាក កសាងជីវភាពរស់នៅលំនឹងល្អ ព្រមទាំងឆ្ពោះទៅកាន់ទិសដៅនៃគារកាត់បន្ថយក្រនិងលើកកម្ពស់គុណភាពរស់នៅទៀតផង៕
Lam Khánh - Tiến Luận
