នៅថ្ងៃទី១២ ខែឧសភា ឆ្នាំ២០២៦ គណៈកម្មាធិការប្រជាជនខេត្ត Cà Mau បានចេញផែនការលេខ ២៥៦/KH-UBND ស្តីពីការអនុវត្តភារកិច្ចដើម្បីប្រយុទ្ធប្រឆាំងនឹងការរុករកជលផល ខុសច្បាប់ មិនបានរាយការណ៍ និងមិនអនុវត្តតាមការកំណត់នៃ (IUU)។ ចំណុចសំខាន់មួយនៃផែនការថ្មីនេះ គឺតម្រូវការក្នុងការចេញ និងអនុវត្តគោលនយោបាយសម្រាប់ការផ្លាស់ប្តូរមុខរបរសម្រាប់អ្នកនេសាទទាំងឡាយដែលមានគោលបំណងអភិវឌ្ឍវិស័យជលផលប្រកបដោយចីរភាពរហូតដល់ឆ្នាំ២០៣០។
ឃុំ Sông Đốc គឺជាមណ្ឌលនៃរបររុករកត្រីដ៏ធំបំផុតរបស់ខេត្ត Cà Mau ដោយមានក្រុមកប៉ាលសមុទ្រជាង ១.២០០ គ្រឿង។
ពេលដែលធនធានឈានដល់ដែនកំណត់ និងតម្រូវការចាំបាច់
ផែនការលេខ ២៥៦/KH-UBND ជំនួសឱ្យផែនការលេខ ១៨៧/KH-UBND ដែលបានអនុម័តនៅដើមខែមេសា ឆ្នាំ២០២៦។ ប្រការនេះបានបង្ហាញពីភាពជាអ្នកដឹកនាំដ៏ម៉ឺងម៉ាត់ ទូលំទូលាយ និងសម្របសម្រួលរបស់ខេត្ត ដើម្បីឆ្លើយតបទៅនឹងបទប្បញ្ញត្តិអន្តរជាតិកាន់តែតឹងរ៉ឹង និងការធ្លាក់ចុះនៃប្រភពធនធានជលផលរបស់ភូមិភាគ។
ជាមួយលំហរសមុទ្រដែលមានប្រវែងប្រហែល ៣១០ គីឡូម៉ែត្រ និងប្រព័ន្ធមាត់សមុទ្រដ៏ធំ រួមមាន Rành Hào, Khánh Hội, Sông Đốc, Nhà Mát, Cà Mau បច្ចុប្បន្នគឺជាមជ្ឈមណ្ឌលផលិតជលផលសមុទ្រដ៏ធំជាងគេទូទាំងប្រទេស។ ទូទាំងខេត្តនាពេលបច្ចុប្បន្នមានក្រុមកប៉ាល់សមុទ្រចំនួន ៥.២០០ គ្រឿង សរុបថាមពលលើសពី ៨០០.០០០។ ទោះជាយ៉ាងណាក៏ដោយ សម្ពាធនៃការរុករកដែលផ្តើមពីការបំផ្លិចបំផ្លាញ (សំណាញ់អូស ឈ្នាងដង ជញ្ជាត់) បណ្តោយឱ្យសត្វធាតុដែលរស់នៅបាតសមុទ្រដល់កម្រិតកំណត់។ ការរុករកនេសាទត្រីកូនល្អិតហួសប្រមាណបណ្តោយឱ្យប៉ះពាល់ដល់ការកកើតរបស់វា ហើយរួមផ្សំជាមួយនឹងការបំពុលប្លាស្ទិកក្នុងមហាសមុទ្រ និងការប្រែប្រួលអាកាសធាតុ ធ្វើឱ្យប្រព័ន្ធអេកូឡូស៊ីសមុទ្រស្ថិតក្នុងស្ថានភាពធ្ងន់ធ្ងរ។
ប្រឈមមុខនឹងស្ថានភាពនេះ គណៈកម្មាធិការប្រជាជនខេត្តបានកំណត់ថា ការផ្លាស់ប្តូរវិធីសាស្ត្រនេសាទមិនមែនគ្រាន់តែជាការកាត់បន្ថយចំនួនកប៉ាល់សមុទ្រនោះទេ ប៉ុន្តែជាដំណើរការនៃការរៀបចំរចនាសម្ព័ន្ធឧស្សាហកម្មនេសាទឡើងវិញដោយមានការទទួលខុសត្រូវ។ គោលបំណងជាស្នូលគឺដើម្បីផ្លាស់ប្តូរអ្នកនេសាទពីវិធីសាស្ត្រនេសាទដែលបង្កគ្រោះថ្នាក់ទៅជាវិធីសាស្ត្រដែលមិនប៉ះពាល់ដល់បរិស្ថាន ឬទាំងស្រុងទៅសកម្មភាពមិនមែននេសាទ ដើម្បីធ្វើឱ្យមានតុល្យភាពរវាងអ្នករុករកនេសាទដោយសមត្ថភាពស្តារឡើងវិញតាមបែបធម្មជាតិ។
ធានា ១០០% អ្នកនេសាទមានការងារធ្វើស្ថិរភាព
ដើម្បីសម្រេចគោលដៅខាងលើឱ្យបានច្បាស់លាស់ មន្ទីរកសិកម្ម និងបរិស្ថានកំពុងរៀបចំគម្រោងការ ដើម្បីផ្លាស់ប្តូរវិធីសាស្ត្រនៃការរុករកជលផលមួយចំនួនដែលប៉ះពាល់អវិជ្ជមានដល់បរិស្ថានអេកូឡូស៊ីរហូតដល់ឆ្នាំ ២០៣០។
គោលនយោបាយថ្មីនេះនឹងអនុម័តលើគម្រោងការនៃសកម្មភាពយ៉ាងលម្អិតមួយរួមមាន៖ មុខសញ្ញា ខ្លឹមសារឧបត្ថម្ភ ភារកិច្ច និងប្រភពថវិកាយ៉ាងច្បាស់លាស់សម្រាប់តំបន់ភូមិភាគនីមួយៗ។ ខេត្តបានប្តេជ្ញាកែលម្អបរិយាកាសការងារ និងធានាថាអ្នកនេសាទ ១០០% ដែលប្តូរទៅមុខរបរថ្មីមានការងារធ្វើស្ថិរភាព និងប្រាក់ចំណូលធានាជីវភាពរស់នៅរៀងៗខ្លួន។
Cà Mau បានចុះកិច្ចសន្យាបង្កើនបរិស្ថានធ្វើការ និងធានា ១០០% អ្នកនេសាទផ្លាស់ប្តូរការងារធ្វើនឹងនរនិងប្រាក់ចំណូលនឹងនរសម្រាប់ជីវភាពរស់នៅ។
យោងតាមការជាក់ស្តែងរបស់ណ្តាភូមិភាគទាំងឡាយ ដំណើរការនេះកំពុងត្រូវបានរួមបញ្ចូលយ៉ាងមានប្រសិទ្ធភាពក្នុងគោលដៅអភិវឌ្ឍន៍សេដ្ឋកិច្ច-សង្គមសម្រាប់ដំណាក់កាល ២០២៥-២០៣០។
ឃុំ Sông Đốc គឺជាមជ្ឈមណ្ឌលនេសាទដ៏ធំជាងគេទូទាំងខេត្ត មានកប៉ាល់សមុទ្រជាង ១.២០០ គ្រឿង និងចំនួនរុករកជលផលប្រចាំឆ្នាំជាង ១៣០ តោន។ តំបន់នេះកំពុងត្រូវបានតម្រង់ទិសទៅរកការធ្វើទំនើបកម្មក្រុមកប៉ាល់សមុទ្ររបស់ខ្លួន និងអនុវត្តបច្ចេកវិទ្យាដែលមិនប៉ះពាល់ដល់បរិស្ថាន។ តំបន់នេះក៏បានណែនាំឱ្យខេត្តពង្រឹងការបណ្តុះបណ្តាលប្រភពធនធានមនុស្ស និងបង្កើនពាណិជ្ជកម្ម ដើម្បីផ្លាស់ប្តូរជាសន្សឹមៗទៅជាសេដ្ឋកិច្ចទីក្រុង និងកំពង់ផែ។
នៅឃុំ Khánh Lâm ក្នុងអាណត្តិកន្លងមក ភូមិភាគសម្រេច ១០០% កប៉ាលនេសាទសមុទ្រដែលត្រូវបានបំពាក់ដោយប្រព័ន្ធត្រួតពិនិត្យដំណើរការ (VMS)។ សម្រាប់ដំណាក់កាល ២០២៥-២០៣០ ឃុំបានកំណត់ការប្រមូលប្រភពធនធានដើម្បីអភិវឌ្ឍសេដ្ឋកិច្ចសមុទ្រនូវពេលយប់ សេវាកម្មដឹកជញ្ជូនតាមបណ្តោយទំនប់ឆ្នេរសមុទ្រភាគខាងលិច ទេសចរណ៍សមុទ្រ និងទេសចរណ៍អេកូឡូស៊ី ដើម្បីបង្កើតជីវភាពរស់នៅជំនួសសម្រាប់អ្នកនេសាទឡើងច្រាំង។
ការអនុវត្តបទប្បញ្ញត្តិច្បាប់យ៉ាងតឹងរ៉ឹង និងការកាត់បន្ថយការរុករកមិនត្រឹមតែការពារធនធានសម្រាប់មនុស្សជំនាន់ក្រោយប៉ុណ្ណោះទេ ប៉ុន្តែក៏ជាតម្រូវការជាមុនសម្រាប់ការបង្កើនកិត្យានុភាព និងពង្រីកទីផ្សារអាហារសមុទ្ររបស់ Cà Mau នៅលើឆាកអន្តរជាតិតាមរបៀបទំនើប ស៊ីវិល័យ និងសមស្របជាមួយធម្មជាតិ៕
Nguyễn Quốc
