ប៉ុន្មានឆ្នាំកន្លង ការផ្សព្វផ្សាយកម្មវិធីគោលដៅជាតិកសាងជនបទថ្មីនៅឃុំ An Trạch បានរួមចំណែកលើកកម្ពស់ជីវភាពសម្ភារៈ និងស្មារតីរបស់បងប្អូនប្រជាជននៅភូមិភាគ។ ពិសេស មានផ្ទះថ្មីរាប់រយខ្នងដែលបានសាងសង់ដោយកម្មវិធីជួយគ្រួសារក្រីក្រជាចនមានផ្ទះស្នាក់នៅល្អត្រឹមត្រូវទៀតផង។
ផ្ទះថ្មីរបស់អ្នកមីង Phan Thị Ken (កណ្តាល)។
មកលេងផ្ទះថ្មីរបស់លោក Trần Văn Xia នៅភូមិ Thành Thưởng B ទើបបានឃើញច្បាស់ពីអត្ថន័យដ៏ធំធេងនៃផ្ទះថ្មីមួយខ្នងសម្រាប់គ្រួសារអ្នកក្រីក្រ។ លោក Xia ពិការតាំងពីខ្លួននៅតូច ការរស់នៅប្រចាំថ្ងៃគឺពឹងលើអ្នកជិតខាង។ ជីវភាពរស់នៅផ្អែកលើការជំនួយប្រចាំខែពីរដ្ឋ ដូច្នេះហើយ ខណៈពេលដែលផ្ទះទ្រុឌទ្រោម មានបំណងកែជួសជុលឬសង់ថ្មីក៏គ្មានសមត្ថភាពនោះដែរ។
អ្នកមីងTrần Thị Mỹ Ngọc ត្រូវជាបងស្រីបង្កើតរបស់លោក Xia បានចែករំលែកថា៖ «ពីមុនផ្ទះចាស់ដែលធ្វើពីឈើ និងប្រក់ស្លឹកប្រចាំភូមិភាគក៏ត្រូវទ្រុឌទ្រោម។ ឱ្យតែពេលភ្លៀងធ្លាក់ម្តងៗ ក៏ត្រូវលិចលង់ ហើយគ្មានសមត្ថភាពកែជួសជុល។ សំណាងដែរបានរដ្ឋជំនួយឧបត្ថម្ភទឹកប្រាក់ ៦០ លានដុង គ្រួសាររួមបន្ថែមដើម្បីសង់ផ្ទះមួយខ្នងយ៉ាងរឹងមាំផងដែរ។ មានផ្ទះថ្មីសម្រាប់ស្នាក់នៅ ខ្ញុំពិតជាសប្បាយរីករាយណាស់ជូនគ្រួសារប្អូនរបស់ខ្ញុំផងដែរ»។
រួមជាមួយក្តីសប្បាយរីករាយនោះ គ្រួសារលោក Phan M inh Chì នៅភូមិ Hoàng Minh A ទទួលបានការឧបត្ថម្ភពីកម្មវិធីគោលដៅជាតិសម្រាប់កសាងជនបទថ្មីដោយទឹកប្រាក់ចំនួន ៦០ លានដុង។ សម្រាប់ទឹកប្រាក់នេះរួមជាមួយការឧបត្ថម្ភបន្ថែមពីសាច់ញាតិ លោក ជីក៏សង់បានផ្ទះមួយខ្នងតម្លៃប្រហែល ១២០ លានដុង។
“ផ្ទះចាស់មួយខ្នងដែលទ្រុឌទ្រោម ជិតនឹងដួលរលំ។ ឥឡូវទទួលបានផ្ទះថ្មី ខ្ញុំពិតជាសប្បាយចិត្តខ្លាំងណាស់។ ដោយបានរដ្ឋអំណាចភូមិភាគយកចិត្តទុកដាក់បែបនេះ មានអ្វីពីសេសជាងទៀត” លោក Chì ឱ្យដឹងដូច្នេះ។
គ្រួសារអ្នកមីង Phan Thị Khen នៅភូមិ Nhân Đức B ក៏ទើបតែផ្លាស់ទៅរស់នៅផ្ទះថ្មីផងដែរ។ ស្ថានភាពគ្រួសារជួបការលំបាកខ្លាំង គ្មានដីផលិត និងគ្មានលំនៅដ្ឋាននឹងនរ។ ដោយសារស្ថានភាពនេះ រដ្ឋអំណាចភូមិភាគក៏បានប្រមូលផ្តុំការឧបត្ថម្ភសាងសង់ផ្ទះមួយខ្នង ទន្ទឹមនិងនោះ ប្អូនប្រុសរបស់អ្នកមីង Khen បានឱ្យដីធារសម្រាប់សង់ផ្ទះផងដែរ។
លោក Phan Minh Chì រីករីយក្នុងគេហដ្ឋានថ្មីដ៏ធំទូលាយរបស់ខ្លួន។
អ្នកមីង Khen រំភើបចិត្តនិយាយថា៖ “ឥឡូវ បើទោះបីជាមានភ្លៀង ក្តៅយ៉ាងណាក្តី ក៏គ្រួសារខ្ញុំលែងភ័យបារម្ភដែរ។ យើងខ្ញុំសូមអរគុណរដ្ឋអំណាចភូមិភាគជាខ្លាំងដែលបានយកចិត្តទុកដាក់ជួយឧបត្ថម្ភយើងខ្ញុំុំ”។
លោក Đặng Minh Pháp ប្រធានគណៈកម្មាធិការប្រជាជនឃុំ An Trạch បានមានប្រសាសន៍ថា៖ “កាលពីមុន ដោយសារមូលនិធិពីកម្មវិធីគោលដៅជាតិសម្រាប់ការកសាងជនបទថ្មី ឃុំ An Trạch បានអនុវត្តការឧបត្ថម្ភលំនៅដ្ឋានប្រកបដោយប្រសិទ្ធភាពសម្រាប់អ្នកទទួលផលគោលនយោបាយ អ្នកមានសគុណលើបដិវត្តន៍ គ្រួសារក្រីក្រ និងគ្រួសារប្រកៀកបន្ទាត់ក្រ។ បច្ចុប្បន្ន ភូមិភាគនៅតែបន្តពិនិត្យឡើងវិញនូវស្ថានភាពលំនៅដ្ឋានរបស់បងប្អូនប្រជាជនក្នុងតំបន់ ដោយប្តេជ្ញាចិត្តធានាថាគ្មាននរណាម្នាក់ត្រូវបានទុកចោលឡើយ ជួយគ្រួសារដែលមានស្ថានភាពលំបាកឱ្យតាំងទីលំនៅ និងរកប្រាក់ចិញ្ចឹមជីវិតបានឆាប់រហ័សតាមដែលអាចធ្វើទៅបាន”។
ផ្ទះថ្មីដ៏ធំទូលាយរបស់លោក Xia លោក Chì និងអ្នកមីង Khen គឺជាភស្តុតាងនៃប្រសិទ្ធភាពជាក់ស្តែងរបស់កម្មវិធីគោលដៅជាតិសម្រាប់ការកសាងជនបទថ្មី។ ការរួមកម្លាំងរបស់រដ្ឋអមណាចភូមិភាគ រាល់បណ្តាប្រភពជំនួយពីសង្គម និងការខិតខំប្រឹងប្រែងដើម្បីឈានឡើងរបស់បងប្អូនប្រជាជន នឹងបន្តបង្កើតសន្ទុះដើម្បីលុបបំបាត់ផ្ទះបណ្តោះអាសន្ន និងផ្ទះទ្រុឌទ្រោម ជួយគ្រួសារដែលមានជីវភាពខ្វះខាតឱ្យអភិវឌ្ឍសេដ្ឋកិច្ចរៀងខ្លួន ដើម្បីសុខសាន្តចិត្តអភិវឌ្ឍសេដ្ឋកិច្ច ឈានឡើងក្នុងការរស់នៅ៕
Thuỳ Liên - Duy Phong
