បន្ទាប់ពីការរៀបចំឡើងវិញនូវរដ្ឋបាល ឃុំ Khánh Lâm ទទួលបានលក្ខណៈអភិវឌ្ឍន៍ថ្មី ប៉ុន្តែក៏បានប្រឈមមុខនឹងបញ្ហាជាច្រើនក្នុងការកាត់បន្ថយភាពក្រីក្រប្រកបដោយចីរភាព ជាពិសេសនៅតាមបណ្តាភូមិដែលមានជនរួមជាតិភាគតិចរស់នៅច្រើន។ ទោះជាយ៉ាងណាក្តី ដោយសារការឯកភាពគ្នារវាងឆន្ទៈបក្ស និងទឹកចិត្តប្រជាជន មុខមាត់តំបន់នេះកំពុងផ្លាស់ប្តូរយ៉ាងសកម្មផងដែរ។
បងស្រី Nguyễn Thị Cầm ខិតខំតស៊ូឆ្លងកាត់លំបាក ដើម្បីអភិវឌ្ឍសេដ្ឋកិច្ចគ្រួសារបន្ទាប់ពីទទួលបានការឧបត្ថម្ភលុបបំបាត់ផ្ទះបណ្តោះអាសន្ន។
រយៈពេលនៃការរៀបចំឡើងវិញនូវរដ្ឋបាល ឃុំ Khánh Lâm មានគ្រួសារក្រីក្រចំនួន ៣៣០ គ្រួសារ ស្មើនឹង ៤,៥២% ព្រមទាំង ១២២ គ្រួសារប្រកៀកបន្ទាត់ក្រ ស្មើនឹង ១,៦៧%។ ក្នុងនោះ គ្រួសារក្រីក្រ និងប្រកៀកបន្ទាត់ក្រមានចំនួន ១០៨ គ្រួសារជាជនជាតិភាគតិច ស្មើនឹង ១៤,៧១%។ ប្រឈមមុខនឹងស្ថានភាពនេះ គណៈកម្មាធិការបក្ស និងគណៈកម្មាធិការប្រជាជនឃុំបានផ្តោតលើការធ្វើសមាហរណកម្មកម្មវិធីគោលដៅជាតិប្រកបដោយប្រសិទ្ធភាព ដោយផ្តល់អាទិភាពដល់ការលុបបំបាត់ផ្ទះបណ្តោះអាសន្ន និងផ្ទះទ្រុឌទ្រោម ឧបត្ថម្ភជីវភាពរស់នៅ ជួយប្រជាជនតាំងទីលំនៅ អភិវឌ្ឍសេដ្ឋកិច្ច និងឈានឡើងចាកផុតពីភាពក្រីក្រ។
នៅភូមិលេខ១៦ ជាតំបន់ដែលមានអត្រាគ្រួសារជនជាតិភាគតិចក្រីក្ររស់នៅច្រើនបំផុតរបស់ឃុំ ករណីរដូចបងស្រី Nguyễn Thị Cầm គឺជាភស្តុតាងសម្រាប់ប្រសិទ្ធភាពនៃការកាត់បន្ថយក្រប្រកបដោយចីរភាព។ បងស្រីពិការរាងកាយ ចំណែកស្វាមីរបស់ខ្លួនតែងចេញទៅសមុទ្រឆ្ងាយផ្ទះជាប្រចាំ ជីវិតគ្រួសារជួបលំបាកខ្លាំង។ បន្ទាប់ពីទទួលបានការឧបត្ថម្ភលំនៅដ្ឋានពីកម្មវិធីលុបបំបាត់ផ្ទះបណ្តោះអាសន្ន និងបង្កលក្ខណៈសម្រាប់អភិវឌ្ឍជីវភាពរស់នៅ បងស្រីបានបើកហាងលក់ដូរកំប៊ិចកំប៉ុក រួមទាំងទទួលប៉ះដេរខោអាវនៅផ្ទះ ដើម្បីក្លាយជាម្ចាស់សេដ្ឋកិច្ច។
លោកស្រី Cầm និយាយដោយក្តីរំភើបថា៖ «ផ្ទះថ្មីគឺជាបង្អែកជួយឱ្យខ្ញុំលំនឹងស្មារតី និងប្តេជ្ញាចិត្តក្នុងការពលកម្មផលិតដើម្បីឈានឡើងរួចចាកក្រ»។
រួមជាមួយនឹងការឧបត្ថម្ភផ្ទះ ប្រភពទុនអនុគ្រោះ និងការផ្ទេរបច្ចេកវិទ្យាបានជួយគ្រួសារជនជាតិភាគតិចជាច្រើនឱ្យវិនិយោគយ៉ាងក្លាហានលើការផលិត និងធ្វើឱ្យជីវិតរបស់ពួកគេមានស្ថេរភាពនៅលើទឹកដីស្រុកកំណើតរបស់ខ្លួន។ គ្រួសារបង Phan Văn Hoá នៅភូមិ លេខ ១៦ គឺជាគំរូដ៏ឆ្នើមមួយ។ ផ្តើមពីគ្រួសារក្រីក្រមួយដែលត្រូវធ្វើការជាកម្មករនៅក្រៅខេត្ត ពេលត្រឡប់មកស្រុកកំណើតវិញ ប្រពន្ធបងទទួលបានការឧបត្ថម្ភផ្ទះមួយខ្នង ព្រមទាំងដើមទុនសម្រាប់ផលិតស្រូវនិងចិញ្ចឹមសត្វ។ រហូតមកដល់បច្ចុប្បន្ន ស្ថានភាពសេដ្ឋកិច្ចរបស់គ្រួសារបានប្រសើរឡើង។ មិនត្រឹមតែមានលក្ខំៈបានរួចផុតពីភាពក្រីក្រប៉ុណ្ណោះទេ បង Hoá ថែមទាំងសកម្មក្នុងការចែករំលែកបទពិសោធន៍ផលិតរបស់ខ្លួនជាមួយអ្នកជិតខាងផងដែរ។
កម្មាភិបាលឃុំ Khánh Lâm ពិនិត្យប្រសិទ្ធភាពរាល់បណ្តាទម្រង់នៃជីវភាពរស់នោរបស់បងប្អូនប្រជាជនតំបន់ជនជាតិផាគតិច។
សមមិត្ត Trần Văn Sỹ លេខាសាខាបក្ស និងជាប្រធានភូមិលេខ ១៦ បានមានប្រសាសន៍ថា៖ “ផ្តើមពីភូមិសាស្ត្រដែលមានអត្រាគ្រួសារ Khmer ក្រីក្រច្រើនបំផុតរបស់ឃុំ ដល់ចុងឆ្នាំ២០២៥ ទូទាំងភូមិនូវត្រឹម ៤៥ គ្រួសារក្រ និងប្រកៀកបន្ទាត់ក្រប៉ុណ្ណោះ ក្នុងនោះ រួមទាំងគ្រួសារជនជាតិភាគតិចចំនួន ២១ គ្រួសារផងដែរ”។
យោងតាមលោក Nguyễn Kiến Chúc អនុប្រធានគណៈកម្មាធិការប្រជាជនឃុំ Khánh Lâm ក្នុងឆ្នាំ ២០២៥ សកម្មភាពនៃការកាត់បន្ថយក្រសម្រេចលើសពីគោលដៅដែលបានកំណត់។ នៅចុងឆ្នាំ ចំនួនគ្រួសារក្រីក្រនឹងថយចុះនូវត្រឹម ២១៧ គ្រួសារ ស្មើនឹង ២,៧៩% និងគ្រួសារប្រកៀកបន្ទាត់ក្រថយចុះនូវត្រឹម ៩៥ គ្រួសារ ស្មើនឹង ១,២២%។ ផ្តើមពីកត្តានេះ ឆ្នាំ២០២៦ ឃុំនឹងបន្តខិតខំកាត់បន្ថយអត្រាភាពក្រីក្រពហុវិមាត្រលើសពីគោលដៅរបស់ខេត្ត និងនាំអត្រាភាពក្រីក្រក្នុងឃុំទាំងមូលឱ្យធ្លាក់ចុះមកក្រោម ២% នៅឆ្នាំ២០៣០។
ទោះបីនូវជួបការលំបាកជាច្រើននៅខាងមុខក៏ដោយ ជាមួយនឹងផ្ទះដែលទើបសាងសង់ថ្មី ទម្រង់នៃជីវភាពរស់នៅជោគជ័យត្រូវបានពង្រីកទូលាយ និងស្មារតីនៃការខិតខំពឹងផ្អែកលើកម្លាំងខ្លួនឯងមួយថ្ងៃកាន់តែត្រូវបានពង្រីកទូលាយក្នុងសហគមន៍ជនជាតិ បង្កើតជាទម្លាប់នៃការផ្លាស់ប្តូរនៅតាមតំបន់ជនរួមជាតិខ្មែររបស់ឃុំ Khánh Lâm នឹងបន្តផ្តល់លទ្ធផលជាវិជ្ជមាននៅក្នុងដំណាក់កាលថ្មី៕
Kiều Nương
