នៅតាមតំបន់ឆ្នេរសមុទ្រដែលជួបការលំបាកខ្លាំងដូចជាឃុំ Vĩnh Hậu ការទទួលបានសេវាថែទាំសុខភាពក្នុងស្រុកមិនត្រឹមតែកាត់បន្ថយបន្ទុកខាងប្រាក់ចំណាយប៉ុណ្ណោះទេ ថែមទាំងផ្តល់ប្រភពថែទាំសុខភាពដែលអាចជឿទុកចិត្តបានសម្រាប់គ្រួសារក្រីក្រជាច្រើន និងសហគមន៍ជនជាតិភាគតិចផងដែរ។
បុគ្គលិកពេទ្យ និងគ្រូពេទ្យនៃដំណាកើសុខាភិបាលឃុំ Vĩnh Hậu ណែនាំអ្នកជំងឺអំពីការតាមដានស្ថានភាពខាងរោគសាស្ត្រ និងថែទាំសុខភាពដោយខ្លួនឯកនៅផ្ទះ និងលេបថ្នាំតាមការណែនាំ។
អាយុកាន់តែចាស់ សុខភាពក៏ធ្លាក់ចុះ បន្ទាប់ពីរកប្រាក់ចិញ្ចឹមជីវិតអស់ជាច្រើនឆ្នាំ អ្នកមីង Đặng Bích Luỹ នៅភូមិ Vĩnh Mẫu ចាត់ទុកប័ណ្ណធានារ៉ាប់រងសុខភាពរបស់ខ្លួនជាជម្រកតែមួយគត់នៅពេលដែលខ្លួនកើតមានជំងឺ។ ប្តីចេញទៅនេសាទសមុទ្រអស់ជាច្រើនខែ ចំណែកកូនៗរបស់គាត់កំពុងជួបការលំបាកខាងថវិកា ដូច្នេះភាគច្រើនគាត់តែងទៅដំណាក់សុខាភិបាលឃុំដើម្បីពិនិត្យជំងឺ និងផ្តល់ឱសងព្យាលាើដោយឥតគិតប្រាក់។ អ្នកមីង Luỹ បានចែករំលែកថា៖ «អ្វីដែលផ្តល់ឱ្យខ្ញុំនូវភាពស្ងប់ចិត្ត មិនត្រឹមតែការថែទាំសុខភាពដោយឥតគិតប្រាក់ប៉ុណ្ណោះទេ ថែមទាំងការយកចិត្តទុកដាក់យ៉ាងអស់ពីចិត្តរបស់បុគ្គលិកពេទ្យនៅភូមិភាគផងដែរ»។
មិនត្រឹមតែអ្នកមីង Luỹ នោះទេ គឺមានគ្រួសារ Khmer ជាច្រើននៅក្នុងតំបន់ក៏ជម្រើសដំណាក់សុខាភិបាលឃុំជាកន្លែងផ្តល់សេវាថែទាំសុខភាពនៃជំហានដំបូងផងដែរ។ ភាពងាយស្រួលក្នុងការធ្វើដំណើរទៅមក និងស្ថិតនៅក្បែរផ្ទះរួមជាមួយគោលនយោបាយធានារ៉ាប់រងសុខភាពទូតាំងប្រជាជនក៏បានជួយបងប្អូនប្រជាជនកាត់បន្ថយសម្ពាធខាងប្រាក់ចំណាយ និងរយៈពេលធហវើដំណើរទៅមកនូវពេលដែលខ្លួនកើតមានជំងឺ។
ចាប់តាំងពីដើមឆ្នាំរហូតមកទល់ពេលនេះ ដំណាក់សុខាភិបាលឃុំ Vĩnh Hậu បានធ្វើការពិនិត្យ ព្យាបាលជាង ៣.០០០ លើក ក្នុងនោះមាន ១.០០០លើកបានចូលរួមពិគ្រោះយោបល់ជាមួយឱសថបុរាណ ព្រមទាំងករណីទៅជួបគ្រូពេទ្យក្រៅមន្ទីរពេទ្យជាច្រើនផងដែរ។ ទន្ទឹមនិងនោះ អង្គភាពនេះថែមទាំងបានជំរុញខ្លាំងខ្លាកម្មវិធីចាក់វ៉ាក់សាំងបើកទូលាយ និងការគ្រប់គ្រងជំងឺមិនឆ្លង ត្រួតពិនិត្យសុខភាពតាមសាលារៀន និងទំនាក់ទំនងខាងបង្ការជំងឺនៅតាមភូមិនីមួយៗផងដែរ។ ដោយឡែកយុទ្ធនាការចាក់វ៉ាក់សាំងបង្ការជំងឺកញ្ជ្រឹល ជំងឺ Rubella ជំងឺរលាកខួរក្បាល Nhật Bản និងជំងឺស្វិតដៃជើងលើកុមារនៅលើភូមិសាស្ត្រសុទ្ធតែសម្រេចបានអត្រាខ្ពស់។
វេជ្ជបណ្ឌិត ឯកទេស I Sơn Xà Quân ប្រធានដំណាក់សុខាភិបាលឃុំវិញហូវ បានឱ្យដឹងថា៖ “តំបន់នេះស្ថិតក្នុងតំបន់ដែលនូវជួបការលំបាកស្លាំង ដូច្នេះការថែទាំសុខភាពជូនបងប្អូនប្រជាជនតែងទទួលបានការអាទិភាព។ ក្រៅពីការធានារ៉ាប់រងសុខភាព ដំណាក់សុខាភិបាលថែមទាំងឡើងផែនការពិនិត្យសុខភាព និងជំងឺជាប្រចាំសម្រាប់ប្អូនកុមារ ព្រមទាំងមនុស្សចាស់ ជនពិការ និងបុគ្គលគាំពារសង្គមក្នុងរយៈពេលខាងមុខ”។
វេជ្ជបណ្ឌិតេកទេស I Sơn Xà Quân ប្រធានដំណាក់សុខាភិបាលឃុំ Vĩnh Hậu សួរសុខទុក្ខខាងរោគសាស្ត្រ និងពិគ្រោះយោបល់អំពីវិធីសាស្ត្រព្យាបាលជំងឺជូនអ្នកមីង Đặng Bích Luỹ នៅភូមិ Vĩnh Mẫu (ស្តាំ)។
ដើម្បីបង្កើនប្រសិទ្ធភាពនៃការថែទាំសុខភាពសហគមន៍ ដំណាក់សុខាភិបាលក៏បានឆ្លៀតយកបណ្តាញសង្គម និងក្រុម Zalo សម្រាប់អ្នកសហការ ដើម្បីផ្សព្វផ្សាយព័ត៌មាន និងណែនាំបងប្អូនប្រជាជនអំពីការបង្ការជំងឺឱ្យបានទាន់ពេលវេលា។ ផ្តើមពីការការខិតខំប្រឹងប្រែងរបស់កងកម្លាំងសុខាភិបាលមូលដ្ឋាន រហូតដល់គោលនយោបាយជាក់ស្តែងក្នុងការគិតគូរដល់គ្រួសារក្រីក្រ និងគ្រួសារជនជាតិភាគតិច។ល។ ទាំងអស់នេះកំពុងបានរួមចំណែកដល់ការបញ្ជាក់ពីតួនាទីនៃការថែទាំសុខភាពនៃជំហានដំបូង។
ការងារថែទាំសុខភាពជូនបងប្អូនប្រជាជននៅឃុំ Vĩnh Hậu ត្រូវបានបញ្ជាក់ច្បាស់ថាមិនត្រឹមជាភារកិច្ចជំនាញផ្ទាល់ខ្លួនប៉ុណ្ណោះទេ ថែមទាំងជាដំណើរការចែករំលែកដល់ប្រជាជនទាំងឡាយគ្រប់រូប ជាពិសេសបងប្អូនជនរួមជាតិភាគតិចដើម្បីងាយស្រួលបានចូលជិត និងពិនិត្យថែទាំសុខភាពដោយលក្ខណៈយុត្តិធម៌ និងទាន់ពេលវេលា៕
Kim Trúc - Anh Tuấn
