វត្តវង្សស្រង់ ក្របីឃ្លៀច (Cao Dân) មានទីតាំងស្ថិតនៅឃុំ Tân Lộc មិនត្រឹមជាមជ្ឈមណ្ឌលសម្រាប់សកម្មភាពវប្បធម៌ និងសាសនារបស់បងប្អូនប្រជាពុទ្ធបរិស័ទ Khmer ប៉ុណ្ណោះទេ ថែមទាំងជាសមិទ្ធផលខាងសិល្បៈដ៏ពិសេសមួយដែលបង្ហាញពីស្ថាបត្យកម្មដ៏ប្លែកភ្នែកនៃព្រះពុទ្ធសាសនាថេរវាទ Khmer ផងដែរ។
ផ្លូវចេញពីព្រះវិហារនៃវត្តវង្សស្រង់ ក្របីឃ្លៀច (Cao Dân) ក៏បង្កើតបានភាពស្រស់ស្អាតផងដែរ។
ក្នុងលំហរបៃតងដ៏ស្រស់ស្អាត វត្តក្របីឃ្លៀច (Cao Dân) ត្រូវបានហ៊ុំព័ទ្ធដោយជញ្ជាំងឆ្លាក់ដោយដៃយ៉ាងល្អិតល្អន់។ បង្គោលភ្លើងដែលរចនាយ៉ាងប្រណិតមានរូបចម្លាក់ពស់នាគរាជ ដែលជានិមិត្តសញ្ញាការពារដ៏ពិសិដ្ឋក្នុងវប្បធម៌ Khmer។ រូបចម្លាក់ក្បាលពស់នាគរាជ ជាមួយនឹងខ្សែកោងដ៏ស្រស់ស្អាត និងចម្លាក់ដ៏ស្មុគស្មាញពីដងខ្លួនរហូតដល់ក្បាល បង្កើតបានជាសម្រស់ផ្នែកសិល្បៈ និងរចនាដ៏អស្ចារ្យតាមបែបប្រពៃណីផងដែរ។
ផ្លូវចូលទៅកាន់ព្រះវិហារ បង្កើតបានបរិយាការយ៉ាងស្រស់ស្អាត និងមានតុល្យភាព។ ព្រះវិហារមានភាពលេចធ្លោជាមួយនឹងដំបូលខ្ពស់សន្លឹម ឆ្លុះបញ្ចាំងពីរចនាបថស្ថាបត្យកម្មលក្ខណៈនៃវត្តព្រះពុទ្ធសាសនាថេរវាទ។ ការរួមបញ្ចូលគ្នានៃពណ៌ប្រពៃណីដូចជាពណ៌លឿង ក្រហម និងបៃតង បង្កើតបានជាស្ថាបត្យកម្មទាំងមូលនៃភាពរស់រវើក និងឧឡារិក។
រាល់រូបចម្លាក់សត្វដ៏ពិសិដ្ឋនីមួយៗ សុទ្ធសឹងជាការរួមបញ្ចូលរវាងការគោរពបូជា និងស្នាដៃដ៏ប៉ិនប្រសប់របស់សិល្បករទាំងឡាយក្នុងស្រុក។
ក្រៅពីតម្លៃផ្នែកស្ថាបត្យកម្ម និងសិល្បៈ វត្តវង្សស្រង់ ក្របីឃ្លៀច (Cao Dân) ក៏រក្សាបានតម្លៃវប្បធម៌ដ៏យូរអង្វែងរបស់បងប្អូន Khmer នៅ Cà Mau ផងដែរ។ បណ្តាក្បូរក្បាច់រចនានីមួយៗនៅលើជញ្ជាំងព្រះវិហារ សាលា កុដិ រូបចម្លាក់សត្វដ៏ពិសិដ្ឋនីមួយៗ គឺជាចំណុចកំពូលនៃការគោរពបូជា និងស្នាដៃដ៏ប៉ិនប្រសប់របស់សិប្បករក្នុងស្រុក។
ព្រះវិហារមានភាពលេខធ្លោ ដោយមានដំបូលយ៉ាងខ្ពស់សន្លឹមប្រកបដោយអត្តសញ្ញាណវប្បធម៌នៃព្រះពុទ្ធសាសនាថេរវាទ។
ភាពស្ងប់ស្ងាត់នៃទីធ្លារួមផ្សំជាមួយនឹងស្ថាបត្យកម្មដ៏ប្រណិត ធ្វើឱ្យវត្តវង្សស្រង់ ក្របីឃ្លៀច (Cao Dân) ក្លាយជាគោលដៅសម្រាប់ភ្ញៀវទេសចរណ៍ និងពុទ្ធបរិស័ទជិតឆ្ងាយស្វែងរកសន្តិភាពផ្លូវចិត្ត ខណៈពេលទទួលបានការយល់ដឹងកាន់តែស៊ីជម្រៅអំពីបេតិកភណ្ឌផ្នែកស្ថាបត្យកម្មខាងវិញ្ញាណដ៏មានតម្លៃរបស់បងប្អូនប្រជាជន Khmer នៅ Cà Mau៕
Thạch Đờ Ni
