រាល់ពេលចាក់វ៉ាក់សាំងម្តងៗ បងស្រី Sơn Thị Ra Ty នៅអនុសង្កាត់ Biển Đông B តែងនាំកូនរបស់ខ្លួនទៅកាន់ដំណាក់សុខាភិបាលសង្កាត់ Hiệp Thành តាមកាលវិភាគ។ សម្រាប់បងស្រី ការពិនិត្យតាមដានសុខភាពរបស់កូនៗនៅក្នុងស្រុកគឺមានភាពងាយស្រួលខ្លាំងណាស់ និងធានាបាននូវទំនុកចិត្ត ព្រោះអីមានវេជ្ជបណ្ឌិត និងគិលានុបដ្ឋាយិកាដែលតែងអស់ពីចិត្តជួយណែនាំ និងតាមដានបន្ទាប់ពីចាក់វ៉ាក់សាំងរួច។ នេះក៏ជាអារម្មណ៍ដ៏ល្អទូទៅសម្រាប់មនុស្សជាច្រើនផងដែរ ដោយសារការថែទាំសុខភាពនៅថ្នាក់មូលដ្ឋានកំពុងឆ្លើយតបល្អតាមតម្រូវការនៃការថែទាំសុខភាពបឋមកាន់តែខ្លាំងឡើង។
បណ្តាទារកទាំងឡាយត្រូវបានវេជ្ជបណ្ឌិតនៃដំណាក់សុខាភិបាលសង្កាត់ Hiệp Thành ពិនិត្យសុខភាពយ៉ាងលម្អិតមុនពេលចាក់វ៉ាក់សាំង។
ដំណាក់សុខាភិបាលសង្កាត់ Hiệp Thành ត្រូវបានបង្កើតឡើងពីដំណាក់សុខាភិបាលទាំង ៣ រួមមាន៖ Nhà Mát, Hiệp Thành និង Vĩnh Trạch Đông។ ដំណាក់សុខាភិបាលនេះតែងសកម្មប្រតិបត្តិការជាប្រចាំនៅទីតាំងទាំង ៣ ជាមួយនឹងបុគ្គលិកពេទ្យជាង ៣0 នាក់ និងបណ្តាញអ្នកសហការដែលគ្របដណ្តប់លើតំបន់ភូមិភាគទាំងមូល។ មិនត្រឹមតែវិសាលភាពនៃសេវាកម្មត្រូវបានពង្រីកប៉ុណ្ណោះទេ ប៉ុន្តែការធ្វើឱ្យប្រព័ន្ធមានភាពសាមញ្ញក៏បានជួយអនុវត្តសេវាថែទាំសុខភាពស្របគ្នាផងដែរ បង្កើតបានលក្ខណៈសម្រាប់ប្រជាជន ជាពិសេសជនរួមជាតិភាគតិច ដើម្បីទទួលបានសេវាថែទាំសុខភាពចាប់ផ្តើមពីកម្រិតបឋម។
ចាប់ពីពាក់កណ្តាលឆ្នាំ២០២៥ រហូតមកដល់បច្ចុប្បន្ន ដំណាក់សុខាភិបាលបានធ្វើការពិនិត្យ និងព្យាបាលជំងឺជាង ១៨ ពាន់លើក។ រួមមានជាង ៦ ពាន់នាក់ដែលបានចូលរួមពិនិត្យព្យាបាលជំងឺដោយធានារ៉ាប់រងសុខភាពសុខភាព និងពិគ្រោះយោបល់អំពីឱសថបុរាណជាង ២ ពាន់នាក់ផងដែរ។ ទន្ទឹមជាមួយការព្យាបាល កម្មវិធីចាក់វ៉ាក់សាំងបើកទូលាយ និងការថែទាំសុខភាពម្តាយ និងទារក ការបង្ការជំងឺ និងការអប់រំសុខភាព ការទំនាក់ទំនងត្រូវបានរក្សាជាប្រចាំ រួមចំណែកដល់ការបង្កើនចំណេះដឹងអំពីការបង្ការជំងឺក្នុងសហគមន៍។
ជារៀងរាល់ខែ ក្រុមអ្នកសហការសុខភាពថ្នាក់មូលដ្ឋានបានចុះទៅជួបគ្រួសារនីមួយៗ ដើម្បីលើកជំរុញទឹកចិត្តកុមារឱ្យទទួលការចាក់វ៉ាក់សាំងបានទាន់ពេលវេលា ព្រមទាំងរំលឹកស្ត្រីមានផ្ទៃពោះឱ្យពិនិត្យសុខភាពមុនពេលសម្រាលកូនជាប្រចាំ និងផ្សព្វផ្សាយព័ត៌មានអំពីការបង្ការ និងគ្រប់គ្រងជំងឺគ្រុនឈាម និងជំងឺមេរោគឆ្លងផ្សេងៗដទៃទៀត។ ជាលទ្ធផល ឪពុកម្តាយជាច្រើនបាននាំកូនៗរបស់ខ្លួនមកចាក់វ៉ាក់សាំងយ៉ាងពេញលេញ និងទាន់ពេលវេលា រួមចំណែកបង្កើនអត្រាគ្របដណ្តប់ការចាក់វ៉ាក់សាំងកើនឡើងនៅភូមិភាគ។
ក្រុមសហការសុខាភិបាលមូលដ្ឋាននៃដំណាក់សុខាភិបាលសង្កាត់ Hiệp Thành បានទៅដល់លំនៅឋានរបស់ប្រជាជនដើម្បីដាស់តឿនពីកាលវិភាគក្នុងការចាក់វ៉ាក់សាំងតាមកំណត់ និងផ្សព្វផ្សាយបង្ការ ប្រឆាំងជំងឺ។
យោងតាមវេជ្ជបណ្ឌិត Lê Văn Hiến នាយកស្ថានៃដំណាក់សុខាភិបាលសង្កាត់ហ៊ី Hiệp Thành តំបន់នេះមានប្រជាជន Khmer រស់នៅច្រើន ដែលភាគច្រើនត្រូវបានគ្របដណ្តប់ដោយធានារ៉ាប់រងសុខភាព បង្កើក្ខណៈអំណោយផលសម្រាប់ការពិនិត្យសុខភាព និងព្យាបាលជំងឺ។ ដំណាក់សុខាភិបាលក៏បានពង្រឹងការផ្សព្វផ្សាយរបស់ខ្លួនតាមរយៈប្រព័ន្ធផ្សព្វផ្សាយសង្គម ក្រុម Zalo និងលេខកូដ QR ដើម្បីភ្ជាប់ទំនាក់ទំនងជាមួយអ្នកស្រុក ធ្វើឱ្យការទទួលបានសេវាថែទាំសុខភាពកាន់តែឆាប់រហ័ស និងងាយស្រួលថែមទៀត។
ដើម្បីឧបត្ថម្ភគាំទ្រជាក់ស្តែងសម្រាប់មនុស្សចាស់ ជនពិការ មនុស្សចាស់ឯកោ និងគ្រួសារ Khmer ដែលជួបលំបាកក្នុងការថែទាំសុខភាព ដំណាក់សុខាភិបាលនេះក៏បានបង្កើតក្រុមគ្រូពេទ្យចល័តដើម្បីចុះទៅតាមអនុសង្កាត់ និងតាមសង្គមគ្រួសារដោយផ្ទាល់។ មិនត្រឹមតែការពិនិត្យជំងឺ និងផ្តល់ឱសថព្យាបាលដោយមិនគិតប្រាក់តាមការធានារ៉ាប់រងសុខភាពប៉ុណ្ណោះទេ ក្រុមថែមទាំងបានផ្តល់ដំបូន្មានអំពីការបង្ការជំងឺ ណែនាំអំពីការចាក់វ៉ាក់សាំង និងផ្សព្វផ្សាយព័ត៌មានអំពីគោលនយោបាយសុខុមាលភាពសង្គមទាក់ទងទៅនឹងសុខភាពទៀតផង។
តាមរយៈសកម្មភាពជាក់ស្តែងទាំងនេះ ប្រព័ន្ធថែទាំសុខភាពថ្នាក់មូលដ្ឋាននៅសង្កាត់ Hiệp Thành កំពុងបញ្ជាក់ពីតួនាទីឈានមុខរបស់ខ្លួនក្នុងការបង្ការជំងឺ និងថែទាំសុខភាពសម្រាប់ប្រជាជនជាសន្សឹមៗទៀតផង។ ការនាំយកសេវាថែទាំសុខភាពឱ្យកាន់តែខិតជិតប្រជាជន រួមចំណែកដល់ការកែលម្អគុណភាពរស់នៅ និងកសាងសហគមន៍ប្រកបដោយសុខភាពល្អមាំមួនផងដែរ៕
Kim Trúc - Anh Tuấn
