ផ្តើមពីវង្គារនៃតំបន់ទឹកប្រៃ រហូតដល់គ្រាប់អង្ករ ST២៥ សរីរាង្គ យុវជនខេត្តកាម៉ាវកំពុងចាប់ផ្តើមអាជីវកម្មដោយគំនិតថ្មី យកគុណភាពបង្គើតពាណិជ្ជសញ្ញា និងការតភ្ជាប់ផលិតកម្មធ្វើជាគ្រឹះ ដើម្បីឆ្ពោះទៅរកការលើកកម្ពស់តម្លៃផលិតផលកសិកម្ម និងកែលម្អជីវភាពរស់នៅជូនប្រជាជន។
បង ង្វៀនទ្រឿងហាយ ទទួលបានការលើកសរសើរស្ដីពី “យុវជនរស់នៅល្អថ្នាក់ខេត្តឆ្នាំ ២០២៦” (អ្នកទីប្រាំបួនរាប់ពីឆ្វេង)។
ឆ្នាំ ២០២១ ពេលចាប់ផ្តើមប្រមូលទិញវត្ថុធាតុដើម បង ង្វៀនទ្រឿងហាយ សមាជិកគណៈកម្មាធិការនៃសមាគមសហព័ន្ធយុវជនវៀតណាមខេត្តកាម៉ាវ បានជួបប្រទះការលំបាកជាច្រើនដោយសារតម្លៃមានការប្រែប្រួល និងទីផ្សារកន្លែងលក់ចេញមិនសូវមានស្ថេរភាព។ យល់ឃើញថាការលក់បង្គាមិនទាន់បានទាញយកតម្លៃទាំងស្រុង លោកក៏សម្រេចចិត្តប្តូរទិសដៅទៅលើការកែច្នៃស៊ីជម្រៅ និងបង្កើតពាណិជ្ជសញ្ញាផ្ទាល់ខ្លួនវិញ។
ផ្តើមពីផលិតផលដំបូងបង្អស់ បង ហាយ បានអភិវឌ្ឍជាជំហានៗនូវបង្គាក្រៀម ប្រហិតបង្គា នំបង្កងបំពង និងបង្គាបង្កងបង្កក ដោយយកចិត្តទុកដាក់លើគុណភាពវត្ថុធាតុដើម សុវត្ថិភាពចំណីអាហារ កញ្ចប់វេចខ្ចប់ និងពង្រីកបណ្តាញចែកចាយជាដើម។
“ពាណិជ្ជសញ្ញាត្រូវតែបានបង្កើតឡើងពីគុណភាពពិតៗ ភាពគួរឱ្យជឿទុកចិត្ត និងភាពស៊ីសង្វាក់សម្រាប់ផលិតផលនីមួយៗ” បង ហាយ ចែករំលែក។
អាស្រ័យការតស៊ូផ្លាស់ប្តូរថ្មី ក្រុមហ៊ុនទទួលខុសត្រូវមានកម្រិតពាណិជ្ជកម្ម និងនាំចេញ-នាំចូលអាហារសមុទ្រ ទ្រឿងហាយ សម្រេចបានប្រាក់ចំណូលប្រមាណ ១០ ពាន់លានដុងក្នុងមួយឆ្នាំ។ ផលិតផលបង្គាក្រៀមត្រូវបានទទួលស្គាល់ជា OCOP ៣ ផ្កា បានទទួលស្គាល់ថាជាផលិតផលកសិកម្មជនបទគំរូថ្នាក់ខេត្តទៀតផង។ ក្នុងឆ្នាំ ២០២៥ បង ហាយ បានទទួលពានរង្វាន់ លឿងឌិញគួផងដែរ។ ពេលខាងមុខ បងមានទិសដៅស្តង់ដារកម្មវិធីផលិត ជំរុញពាណិជ្ជកម្មអេឡិចត្រូនិច ពង្រីកទីផ្សារ និងឈានចូលជាជំហានៗដើម្បីឆ្ពោះទៅរកការនាំចេញ។
បង ហ្វិញយ្វីថុង កើតឆ្នាំ ២០០២ នាយកសហករណ៍ថាញ់កុង អនុប្រធានសមាគមសហព័ន្ធយុវជនវៀតណាមឃុំធើយប៊ិញ បានជ្រើសរើសប្រភេទពូជស្រូវសម្រាប់ជាទិសដៅអភិវឌ្ឍន៍។ ក្រោយពីបញ្ចប់ការសិក្សាផ្នែកច្បាប់ បង ថុង បានវិលត្រឡប់មកស្រុកកំណើតវិញ បន្តសម្រេចក្តីប្រាថ្នារបស់គ្រួសារ និងកែទម្រង់សកម្មភាពសហករណ៍ដែលបានបង្កើតឡើងកាលពីឆ្នាំ ២០១៨។
បង ហ្វិញយ៉ីថុង អនុប្រធានសហព័ន្ធយុវជនវៀតណាមឃុំធើយប៊ិញ ទទួលប័ណ្ណសរសើរដែលយកយន្តូបនីយកម្មចូលក្នុងការផលិតស្រូវដើម្បីបង្កើនតម្លៃស្រូវ បង្គា។
ផ្តើមពីផ្ទៃដីបំពាក់គ្រឿងយន្តដំបូងប្រមាណ ៣០ ដល់ ៤០ ហិកតា របស់គ្រួសារ អាស្រ័យដោយការតស៊ូ ចលនា និងសហការជាមួយអង្គភាពជំនាញ ទម្រង់នោះត្រូវបានប្រជាកសិករទទួលយកជាបន្តបន្ទាប់។ រហូតមកទល់ពេលនេះ ផ្ទៃដីអនុវត្តគ្រឿងយន្តសម្រេចបានប្រមាណ ៣៥០ ហិកតាផងដែរ។
ប្រការដែលគួរឱ្យរំលឹកផងដែរថា សហករណ៍បានអភិវឌ្ឍប្រភេទពូជស្រូវ ST២៥ តាមស្ដង់ដារសរីរាង្គ ដោយមានផ្ទៃដីចំនួន ៥០ ហិកតា បានទទួលស្គាល់ជាសរីរាង្គនៅឃុំធើយប៊ិញ។ សហករណ៍ក៏បានសហការជាមួយអាជីវកម្មដើម្បីដាក់ឱ្យដំណើរការទទួលស្គាល់បង្គា AFC ដោយសង្ឃឹមថានឹងជួយឱ្យអ្នកចិញ្ចឹមបង្គាទាំងឡាយអាចលក់ផលិតផលបានក្នុងតម្លៃខ្ពស់ជាងទីផ្សារប្រមាណ ១០%។
“ប្រសិនបើចង់អភិវឌ្ឍសហករណ៍ គឺត្រូវតែផ្លាស់ប្តូរវិធីសាស្ត្រ បំពាក់គ្រឿងយន្ត និងលើកកម្ពស់គុណភាពផលិតផលកសិកម្ម។ ពេលណាគ្រាប់អង្ករ និងបង្គាសម្រេចបានស្ដង់ដារខ្ពស់ជាងមុន ទើបប្រជាជនមានឱកាសលក់ផលិតផលបានដោយតម្លៃល្អជាង” បង ថុង ចែករំលែក។
បច្ចុប្បន្ន សហករណ៍ថាញ់កុង បានបង្កើតការងារធ្វើជូនយុវជនប្រមាណជាង ៥០ នាក់ ដោយទទួលបានប្រាក់ចំណូលប្រចាំឆ្នាំប្រមាណចាប់ពី ៣០០ ដល់ ៥០០ លានដុង៕
អត្ថបទនិងរូប៖ ឡាមខាញ់
