ក្នុងរយៈកាល៥ឆ្នាំកន្លង ផ្តើមពីការយកចិត្តទុកដាក់របស់បក្សនិងរដ្ឋ រួមជាមួយការខិតខំប្រឹងប្រែងឈានឡើងរបស់បណ្តាជនជាតិ ជីវភាពជនរួមជាតិភាគតិចទាំងឡាយលើភូមិសាស្ត្រក្រុង Cà Mau មួយថ្ងៃកាន់តែមានភាពរីកចម្រើនគ្រប់វិស័យ អត្រាគ្រួសារក្រក្នុងជនរួមជាតិភាគតិចបានបន្ថយចុះគួរឲ្យកត់សម្គាល់។
ទូទាំងក្រុង Cà Mau មាន៦០.២១០គ្រួសារ និងចំនួនប្រជាជនទាំងអស់២២៩.៧៨៩នាក់។ បន្ទាប់ពីជនជាតិ Kinh ដែលមានចំនួនច្រើនជាងគេបង្អស់នោះ ថែមទាំងមាន១២ជនជាតិភាគតិចកំពុងរស់នៅលាយឡំលើភូមិសាស្ត្រនៃអនុសង្កាត់ មានចំនួន ២.៣១៣ គ្រួសារ និងប្រជាជន៩ពាន់នាក់ រួមមានដូចជា៖ ជនជាតិ Hoa ១.៥៨៣គ្រួសារ/៦.២០៧ប្រជាជន។ ជនជាតិខ្មែរ៦៨៣គ្រួសារ/២.៦៦៥ប្រជាជន ព្រមទាំងបណ្តាជនជាតិភាគតិចមួយចំនួនផ្សេងៗទៀត។ បងប្អូនជនរួមជាតិ Khmer ភាគច្រើនប្រកបរបរកសិករ លក់ដូរកំប៊ិចកំប៉ុកនិងធ្វើការស៊ីឈ្នួល មានច្រើនបំផុតនៅសង្កាត់១ និង តាមបណ្តាឃុំ៖ An Xuyên, Tắc Vân, Hoà Thành។ ចំណែកជនជាតិចិនវិញរស់នៅភាគរាយស្មើគ្រប់តាមបណ្តាសង្កាត់និងឃុំ ច្រើនបំផុត នៅសង្កាត់២ សង្កាត់៤ ស្កាត់៩និងឃុំ Tắc Vân មុខរបរប្រចាំគឺជួញដូរសេវាកម្មនិងឧស្សាហ៍កម្ម។
លោក Vương Văn Sáng ប្រធានការិយាល័យជនជាតិក្រុង Cà Mau ឲ្យដឹង៖ “ជនរួមជាតិភាគតិចទាំងឡាយលើភូមិសាស្ត្រក្រុងតែងមានប្រវេណីសាមគ្គី ជិតស្និទ្ធ ស្រឡាញ់រាប់អាននិងជួយគ្នាទៅ វិញទៅមកក្នុងការពលកម្មផលិត ដើម្បីលំនឹងជីវភាព។ ប៉ុន្មានឆ្នាំ កន្លង ក្រោមការយកចិត្តទុកដាក់របស់គ្រប់បណ្តាថ្នាក់ ព្រមទាំង រដ្ឋអំណាចភូមិភាគក្នុងការអនុវត្តរាល់បណ្តាគោលនយោបាយជនជាតិ ជីវភាពបងប្អូនជនជាតិភាគតិចក៏មានភាពរីកចម្រើនជាសន្សឹមៗ។ ចំណូលមធ្យមនៃមនុស្សម្នាក់ៗតែងកើនជាលំដាប់ ឆ្នាំ ២០១៩រួមមាន៩០លានដុង ដល់ឆ្នាំ២០២៣កើនដល់ ១១២លាន ដុង កើនមធ្យមរៀងរាល់ឆ្នាំមានចំនួន៦,៤៥%។ មានភាពអភិវឌ្ឍន៍ គ្រប់សព្វបែបយ៉ាងទាំងទម្រង់ផលិតទាំងមុខរបរ។ មានគ្រួសារ ជាច្រើនតែងខិតខំពលកម្មផលិត សន្សំសំចៃដើម្បីពង្រីកមុខរបរលក់ដូរ រួមចំណែកធ្វើមានសម្រាប់គ្រួសាររៀងៗខ្លួននិងភូមិភាគ ផងដែរ បង្កការងារធ្វើថ្មីជូនពលករ”។
បណ្តាសកម្មភាពវប្បធម៌ជំនឿរបស់បងប្អូនជនជាតិភាគតិចលើភូមិសាស្ត្រក្រុង កាម៉ាវក៏បានអនុវត្តយ៉ាងត្រឹមត្រូវតាមការកំណត់ ព្រមទាំងទទួលបានការ អភិរក្សនិងពង្រីកប្រកបដោយលក្ខណៈវប្បធម៌ជាតិទៀតផង។
សកម្មភាពគិតគូរជូនអ្នកក្រីក្រក៏ត្រូវបានសង្គមយកចិត្តទុកដាក់និងព្រួតដៃជានិច្ច។ក្នុងរយៈកាល៥ឆ្នាំកន្លងក្រុងកាម៉ាវចលនាទឹប្រាក់បាង២១ពាន់លាន ដុងនៃមូលនិធិដើម្បីអ្នកក្រឧបត្ថម្ភសង់និងកែជួសជុលផ្ទះមហាសាមគ្គីជូនអ្នកក្រីក្របាន៤៣៤ខ្នង។ សហការជាមួយសមាគមជនជាតិ Hoa និងវត្តមុនីវង្សាបុប្ផារាម ព្រមទាំងឃោសនាចលនាសប្បុរសជនឧបត្ថម្ភសង់ផ្ទះ១៥ខ្នងសម្រាប់ជូនគ្រួសារក្រ និងប្រកៀកបន្ទាត់ក្រ គ្រួសារជួបលំបាកពិសេស មនុស្សចាស់គ្មានទីពឹងពាក់ កុមារកំព្រារ មនុស្សវិកលចរិត ជនពិការ ព្រមទាំងឧបត្ថម្ភស្វានម៉ាស៊ីនទឹកចំនួន១០គ្រឿង ដោយសរុបទឹកប្រាក់ប្រមាណ២,៩ពាន់លាន ដុង។
លោក Vương Văn Sáng រីករាយឲ្យដឹង៖ “ដោយច្រើនវិធានការយ៉ាងសកម្មៗក្នុងការកាត់បន្ថយក្រ មកទល់សព្វថ្ងៃអត្រាគ្រួសារ ក្ររបស់ក្រុងកំពុងត្រូវបានបន្ថយចុះនូវត្រឹម០,២១%។ ចំពោះជនជាតិភាគតិចនាពេលបច្ចុប្បន្ន អត្រាគ្រួសារក្រនូវត្រឹម០,២៥%។ ការអនុវត្តគោលនយោបាយឧបត្ថម្ភសម្រាប់គ្រួសារ Khmer ក៏បានស៊ី ជម្រៅក្នុងការរស់នៅ មានគ្រួសារជាច្រើនបានប្រើប្រាស់យ៉ាងមាន ប្រសិទ្ធភាពចំពោះប្រភពទុនឧបត្ថម្ភរបស់នាយករដ្ឋមន្ត្រីនៃរដ្ឋាភិបាល ដូច្នេះហើយទើបជីវភាពមួយថ្ងៃកាន់តែលើកកម្ពស់ មិនតែ ប៉ុណ្ណោះថែមទាំងមានលេចធ្លោយគំរូឆ្នើមជាច្រើនដែលឆ្លងកាត់លំបាកក្នុងការពលកម្មផលិត”។
ក្រៅពីការអនុវត្តសេដ្ឋកិច្ច ផ្នែកខាងសកម្មភាពវប្បធម៌ អប់រំ កិច្ចការសង្គមក៏មានភាពជឿនលឿនណាស់ដែរ។ ក្រុងតែងយក ចិត្តទុកដាក់ដល់សកម្មភាពនៃការអភិរក្សនិងពង្រីកតម្លៃវប្បធម៌របស់បណ្តាជនជាតិភាគតិចលើភូមិសាស្ត្រ។ បងប្អូនជនជាតិចិននិងខ្មែរតែងយកចិត្តទុកដាក់ចំពោះការអភិរក្សភាសា និងអក្សរសាស្ត្ររបស់ជនរួមជាតិ ត្រូវបានភូមិភាគបង្កលក្ខណៈដើម្បីចាត់តាំងបើកថ្នាក់បង្រៀនអក្សរខ្មែរជូនកូនក្មួយជនរួមជាតិនិងអ្នកមានតម្រូវការ។ មណ្ឌលវប្បភាសាយុគតាយរបស់ជនជាតិចិនត្រូវបានបង្កើតកាលពីឆ្នាំ២០០៩ គិតមកទល់សព្វថ្ងៃកំពុងបន្តសកម្មភាពជាប្រចាំ ក្នុងរយៈកាល៥ឆ្នាំកន្លង មណ្ឌលក៏ចាត់តាំងបើកថ្នាក់បង្រៀនបានជាង៥៤ថ្នាក់ មានសិក្ខាកាម៧០០រូបចូលរួមសិក្សា។
ទន្ទឹមនិងនោះផងដែរ ហេដ្ឋារចនាសម្ព័ន្ធរបស់ក្រុងក៏ទទួលបានការវិនិយោគ ព្រមទាំងវិសិដ្ឋកម្ម។ សន្តិសុខនយោបាយ និងសណ្តាប់ធ្នាប់សង្គមក៏រក្សាបានលំនឹង។ ទាំងនេះសុទ្ធតែបាន បញ្ចាក់ច្បាស់អំពីគោលនយោបាយមិនផ្លាស់ប្តូររបស់បក្សនិងរដ្ឋចំពោះជនជាតិភាគតិច។ លើកទឹកចិត្តនិងស្តារឡើងវិញនូវឆន្ទៈនៃការពង្រីកកម្លាំងមហាសាមគ្គីទូទាំងជនជាតិលើភូមិសាស្ត្រក្រុង Cà Mau៕
Quỳnh Anh
