អាស្រ័យការយកចិត្តទុកដាក់របស់បក្ស និងរដ្ឋ យោងតាមបណ្តាគោលនយោបាយឧបត្ថម្ភ រួមជាមួយនឹងប្រ ពៃណីសាមគ្គី ប្រឡងប្រណាំងស្នេហាជាតិ បងប្អូនជនជាតិភាគតិចនៅឃុំ Khánh Bình Tây ស្រុក Trần Văn Thời ក៏បានឆ្លងកាត់ការលំបាក ខិតខំតស៊ូដើម្បីឈានឡើងក្នុងការរស់នៅ រួមចំណែកកសាងប្រទេសជាតិមាតុភូមិ។
Khánh Bình Tây ជាឃុំនៃកោះមួយចែកចេញជា១២ភូមិ ក្នុងនោះមាន២ភូមិដែលជួបលំបាកពិសេសគឺភូមិ Cơi5B និង Đá Bạc A។ ដើម្បីរួមចំណែកលើកកំពស់ជីវភាពរស់នៅ និងផ្លាស់ប្តូររូបរាងតំបន់ជនរួមជាតិឃុំក៏បានជុំរុញយ៉ាងខ្លាំងការផ្សព្វផ្សាយ និងបំផុសបំផុលបងប្អូនជនរួមជាតិឲ្យអនុវត្តល្អគោលការណ៍ណែនាំ និងគោលនយោបាយរបស់បក្ស ក្រឹត្យច្បាប់របស់រដ្ឋ។ចាប់យកទាន់សភាពការណ៍ខាងសតិអារម្មណ៍បំណងប្រាថ្នារបស់មាមីងបងប្អូនចលនាអ្នករាល់គ្នាកាត់បន្ថយភាពលំបាក សកម្មក្នុងការពលកម្មផលិត និងជំរុញខ្លាំខ្លាលើការអភិវឌ្ឍន៍សេដ្ឋកិច្ច។
ការអភិរក្សភាសា និង អក្សរសាស្ត្រខ្មែរ ក៏ត្រូវបានរដ្ឋអំណាចឃុំយកចិត្តទុកដាក់ណាស់ដែរ។ ក្នុងរូបថត៖ ថ្នាក់រៀនអក្សរខ្មែរនារដូវវិស្សមកាលឆ្នាំ២០២៤នៅភូមិ Đá Bạc A។
ក្នុងរយៈពេល២ឆ្នាំ ២០២២ និង ២០២៣ ផ្តើមពីកម្មវិធីគោលដៅជាតិសម្រាប់ការអភិវឌ្ឍន៍សេដ្ឋកិច្ចសង្គមតំបន់ជនជាតិភាគតិច ឃុំ Khánh Bình Tây ក៏បានធ្វើការវិនិយោគកសាងផ្លូវ ថ្នល់ជិត១គីឡូម៉ែត្រ ព្រមទាំងឧបត្ថម្ភដីធារនិងផ្ទះស្នាក់នៅជូន៤គ្រួសារជនជាតិភាគតិចដែលក្រីក្រ និងផ្តល់ជូននូវប្រភេទពូជសត្វចិញ្ចឹម និងចំណីសត្វដល់១៥គ្រួសារផ្តល់ធុងដាក់សម្រាប់១០គ្រួសាររួមមានបណ្តាសំណង់ផ្សេងៗជាច្រើនទៀត។
យើងខ្ញុំបានទៅសួរសុខទុក្ខគ្រួសារបងស្រី Hồ Như Hận ជាជនជាតិខ្មែរនៅភូមិ Đá Bạc A ឈរក្នុងផ្ទះដ៏ធំទូលាយដែលបងស្រីមានក្តីសង្ឃឹមតាំងពីយូរ ហើយពេលនេះក៏ក្លាយជាការពិតផងនោះបងស្រីរំភើបនិយាយថា៖ "ខ្ញុំរៀបការនិងចេញរស់នៅដោយឡែកតាំងពីយូរឆ្នាំណាស់មកហើយ ជីវភាពជួបលំបាក មុខរបប្រចាំគឺស៊ីឈ្នួល សេដ្ឋកិច្ចគ្រួសារខ្វះខាតគ្រប់សព្វបែបយ៉ាងដូច្នេះហើយមិនអាចសន្សំប្រាក់សម្រាប់កែជួសជុលផ្ទះដែលទ្រុឌទ្រោមបាន។ ជាច្រើនឆ្នាំកន្លងមកនេះទាំង៤ នាក់កក្នុងគ្រួសារត្រូវរស់នៅក្នុងផ្ទះដ៏ទ្រុឌទ្រោម តូចចង្អៀតមិនអាចធានាសុវត្ថិភាពក្នុងរដូវភ្លៀងខ្យល់នោះទេ។ ខ្ញុំពិតជាសប្បាយចិត្តខ្លាំងណាស់ខណៈដែលបានបក្សនិងរដ្ឋយកចិត្តទុកដាក់ជំនួយឧបត្ថម្ភសង់ផ្ទះថ្មី។ មកទល់ពេលនេះ ផ្ទះខ្ញុំក៏សង់បានសម្រេចរួចរាល់គ្រួសារខ្ញុមក៏បានរើចូលស្នាក់នៅផ្ទះថ្មីផងដែរ។
ដោះស្រ័យការងារធ្វើជូនពលករជនបទ ពិសេសចំពោងបងប្អូននារីជនបទ នារីជនជាតិភាគតិច ក៏ត្រូវបានអនុវត្តយ៉ាងមានប្រសិទ្ធភាពដែលផ្តើមពីភូមិរបរធ្វើងៀតត្រីកន្ធនៅភូមិ Đá Bạc A។
លោក Lê Chí Toàn កម្មាភិបាលទទួលបន្ទុកខាងវប្បធម៌ និង ស្ថិតិឃុំបានចែករំលែកថា៖ "បច្ចុប្បន្ន ស្ថានភាពផលិត និងជីវភាពរស់នៅរបស់បងប្អូនជនជាតិភាគតិចក៏បានលំនឹងល្អ។ បងប្អូនជនរួមជាតិភាគច្រើនប្រកបរបរចិញ្ចឹមជីវិតដោយធ្វើស្រែ និងដាំដំណាំចិញ្ចឹមបសុសត្វ។ ជនរួមជាតិខ្មែរតែងពង្រីកប្រពៃណីកសាងសាមគ្គី និងសមភាពជនជាតិរួមចំណែករក្សាសន្តិសុខនយោបាយ និងសណ្តាប់ធ្នាប់សង្គមសកម្មក្នុងការពលកម្មផលិត និងអភិវឌ្ឍសេដ្ឋកិច្ចគ្រួសារ។អត្រាគ្រួសារក្របានបន្ថយចុះជាលំដាប់ជារៀងរាល់ឆ្នាំ។ បច្ចុប្បន្ន ឃុំមានគ្រួសារខ្មែរក្រីក្រចំនួន៤១៣គ្រួសារក្នុងនោះនៅមាន ១០គ្រួសារក្រនិងជាង៣០គ្រួសារប្រកៀកក្រផងដែរ"។
អាចនិយាយបានថាបណ្តាលទ្ធផលដែលសម្រេចបានក្នុងសកម្មភាពគិតគូរជីវភាពរស់នៅជូនបងប្អូនជនរួមជាតិភាគតិចនារយៈពេលកន្លង បានរួមចំណែកធ្វើឲ្យផ្លាស់ប្តូរខាងសម្រស់របស់តំបន់ជនជាតិភាគតិច លើកកម្ពស់ការរស់នៅទាំងស្មារតី និងសម្ភារៈជូនបងប្អូនប្រជាជនទូទាំងឃុំ Khánh Bình Tây ទាំងមូលផងដែរ។
ក្នុងរយៈពេលខាងមុខ ភូមិភាគនិងបន្តអនុវត្តល្អបណ្តាគោលនយោបាយឧបត្ថម្ភផ្សេងៗដែលយោងតាមលក្ខខណ្ឌនៃការកាត់បន្ថយការឧបត្ថម្ភដោយមិនគិតថ្លៃ ព្រមទាំងបង្កើនសមត្ថភាពរបស់ប្រជាជនក្នុងការចូលជិតខាងសេវាសង្គមជាមូលដ្ឋានដូចជា៖ "ការឧបត្ថម្ភថ្លៃសិក្សា គោលនយោបាយឥណទានសង្គមអនុគ្រោះគោលនយោបាយឧបត្ថម្ភអាគ្គិសនី លំនៅដ្ឋាន និងទឹកស្អាតស្របអនាម័យ ព្រមទាំងគោលនយោបាយសន្តិសុខសង្គមផ្សេងៗទៀត។ អភិវឌ្ឍន៍តាមពហុបែបរាល់បណ្តាទម្រង់ផលិតផ្សេងៗដែលមានការចូលរួមអំពីគ្រួសារក្រីក្រ គ្រួសារប្រកៀកក្រនិងគ្រួសារដែលទើបរួចចាកក្រ ជំ នួយការអភិវឌ្ឍន៍រាល់បណ្តាទម្រង់ផលិតជួញដូរសមស្របជាមួយអ្នកក្រីក្រ លោក Lê Chí Toàn ឲ្យដឹងដូច្នេះ៕
អត្ថបទនិងរូបថត៖ គ្វីញអាញ
