ឆ្នាំសិក្សាថ្មី ២០២៤-២០២៥ ក៏បានចាប់ផ្តើមជាផ្លូវការដែរហើយ។ រួមជាមួយបណ្តាសាលាដទៃទៀតក្នុងខេត្ត តាំងពីការត្រៀមរៀបចំបានល្អ និងធានាលក្ខណៈងាយស្រួលផងនោះ វិទ្យាល័យជនជាតិអន្តេវាសិកខេត្តក៏ត្រៀមរួចជាស្រេចសម្រាប់អនុវត្តល្អរាល់គោលដៅអភិវឌ្ឍន៍វិស័យសិក្សាអប់រំ និងលើកកម្ពស់គុណភាពបង្រៀន និងរៀន។
ឆ្នាំសិក្សាថ្មីនេះ វិទ្យាល័យជនជាតិអន្តេវាសិកខេត្ត មានសិស្សជាង៣០០រូប ចែកចេញជា១០ថ្នាក់។ ក្នុងនោះ ថ្នាក់ទី១០ មានសិស្សចំនួន១០៣រូប បណ្តាមុខសញ្ញាដែលត្រូវបានធ្វើការជម្រើស គឺជាកូនក្មួយជនរួមជាតិភាគតិចដែលកំពុងរស់នៅតាមភូមិ និងឃុំជួបលំបាកពិសេស ព្រមទាំងកូនរបស់គ្រួសារក្រីក្រ និងក្បែរបន្ទាត់ក្រជាជនជាតិភាគតិច។
លោកគ្រូ Ngô Vũ Linh នាយកសាលាវិទ្យាល័យជនជាតិអន្តេវាសិកខេត្ត ទូងស្គរផ្តើមបើកវគ្គបវេសនកាលឆ្នាំសិក្សាថ្មីកាលពីព្រឹកថ្ងៃទី៥ ខែកញ្ញា។
បណ្តាគោលនយោបាយឧបត្ថម្ភសិស្សសាលាជាកូនក្មួយជនជាតិភាគតិចក៨ត្រូវបានធ្វើការផ្សព្វផ្សាយទាន់សភាពការ និងស្របតាមបទប្បញ្ញត្តិ។ ដើមឆ្នាំសិក្សា ប្អូនៗក៏ទទួយលបានការឧបត្ថម្ភសៀវភៅ ឧបករសិក្សា ប្អូនៗដែលស្នាក់នៅក្នុងសាលាក៏ទទួលបានមុង ភួយ កន្ទេល ខ្នើយជាដើម ព្រមទាំងទទួលបាន៨០% នៃកម្រិតប្រាក់ខែមូលដ្ឋានទៀតផង។
ក្រៅពីការរៀបចំ និងវិនិយោគយ៉ាងសកម្មលើសម្ភារៈសិក្សា និងថ្នាក់រៀន សាលាក៏យកចិត្តទុកដាក់លើការបណ្តុះបណ្តាល និងអភិវឌ្ឍន៍វិជ្ជាជីវៈផងដែរ។ ការបណ្ដុះបណ្ដាលវិជ្ជាជីវៈផ្នែកខាងគរុកោសល្យសម្រាប់គ្រូបង្រៀនមុនឆ្នាំសិក្សាថ្មី ក៏ត្រូវបានសាលាអនុវត្តត្រឹមត្រូវតាមគម្រោងការ ដោយច្រើនទម្រង់ផ្សេងៗគ្នា ទាំងការជួបផ្ទាល់ និងតាមប្រព័ន្ធ Online ដើម្បីឆ្លើយ តបតម្រូវការលើកកម្ពស់ចំណេះដឹង និងបំណិនសម្រាប់គ្រូបង្រៀនដែលយោងតាមតាមកម្មវិធីអប់រំសាកលឆ្នាំ២០១៨។
កម្មវិធីសិល្បៈអំណរថ្ងៃបវេសនកាលរបស់ប្អូនៗសាលាវិទ្យាល័យជនជាតិអន្តេវាសិកខេត្ត ប្រព្រឹតិ្តឡើងកាលពីព្រឹកថ្ងៃទី៥ ខែកញ្ញា។
ដើម្បីបង្កើតបរិស្ថានខាងគរុកោសល្យបានភ្លឺស្វាង - បៃតង - ស្អាត - សុវត្ថិភាព មុនថ្ងៃបវេសនកាល គ្រូនិងសិស្សក៏បានធ្វើអនាម័យសម្អាតបន្ទប់រៀន ថ្នាក់រៀន កន្លែងស្នាក់នៅ។ ពិនិត្យមើលឧបករសម្រាប់ក្នុងការបង្រៀន ធានានូមូលដ្ឋានសម្ភារៈ ដើម្បីឆ្លើយតបតម្រូវការបង្រៀន និងរៀនក្នុងស្ថានភាពថ្មី។
លោក Dương Văn Sol ប្រធានតំណាងអាណាព្យាបាលសិស្សជូនរង្វាន់ដល់សិស្សសាលាពីររូបដែលទទួលបានលទ្ធផលខ្ពស់ក្នុងសម័យប្រឡងសញ្ញាបត្រមធ្យមសិក្សាទុតិយភូមិ ឆ្នាំ២០២៤។
ជាមួយការយកចិត្តទុកដាក់របស់ខេត្ត វិស័យសិក្សាអប់រំ និងការត្រៀមរៀបចំយ៉ាងល្អ និងហ្មត់ចត់របស់សាលា រួមជាមួយ នឹងការខ្នះខ្នែងដ៏អស់ពីចិត្តរបស់កងជួរគ្រូបង្រៀន និងសិស្សានុសិស្ស វិទ្យាល័យជនជាតិអន្តេវាសិកខេត្ត ឈានចូលឆ្នាំសិក្សាថ្មីប្រកបដោយទំនុកចិត្ត ជំរុញខ្លាំងខ្លានូវបណ្តាប្រពៃណីប្រឡងប្រណាំងបង្រៀនល្អ និងរៀនល្អ អនុវត្តបានល្អនូវរាល់ភាកិច្ចនៃការច្នៃប្រឌិត អភិវឌ្ឍ និងកែលម្អគុណភាពអប់រំ រួមចំណែកលើកកម្ពស់គុណភាពនៃវិស័យសិក្សាអប់រំ និងបណ្តុះបណ្តាលប្រភពធនធានមនុស្សក្នុងតំបន់ជនជាតិផាគតិចរបស់ភូមិភាគ៕
គ្វីញអាញ
