ប៉ុន្មានថ្ងៃនេះ កសិករតំបន់ជនជាតិ Khmer កំពុងប្រញាប់ប្រញាល់ប្រមូលផលស្រូវរដូវវស្សា។ ភាពរីករាយនៃការប្រ មូលផលគឺអាចមើលឃើញយ៉ាងច្បាស់ដែលបង្ហាញលើទឹកមុខរបស់មាមីងបងប្អូនប្រជាកសិករគ្រប់រូប។
នាំយកនូវមា៉ស៊ីនគោយន្តសម្រាប់ការប្រមូលផលស្រូវនៅឃុំ Tân Lộc ស្រុក Thới Bình។
រដូវប្រមូលផលស្រូវនៅតាមតំបន់ភូមិស្រុក Khmer ប្រៀបបានដូចរដូវដែលពោរពេញដោយភាពរុងរឿង។ នៅលើវាលស្រែស្រូវទុំលឿងដ៏ធំល្វឹងល្វើយ ប្រជាកសិករទាំងឡាយសប្បាយអឹងកង និងរួមគ្នាឆ្លៀតយកអាកាសធាតុអំណោយផល ដើម្បីពន្លឿននៃការប្រមូលផលស្រូវ។
អា្រសយ័ប្រពលវប្បកម្មបានល្អ ទិន្នផលស្រូវសម្រេចចាប់ពី៦-៧តោន/ហិកតា។
ឆ្នាំនេះស្រូវបានផល បណ្តាផ្ទៃដីមួយចំនួនដែលប្រពលវប្បកម្មស្រូវ និងមានទិន្នផលខ្ពស់ សម្រេចចាប់ពី៦-៧តោន/ហិកតាកន្លែងខ្លះកើនដល់៨តោន/ហិកតា តម្លៃស្រូវដែលត្រូវបានឈ្មួញទិញគឺ៧.៩០០-៨.២០០ដុង/គីឡូក្រាម។
ស្រូវដែលទើបច្រូតរួចក៏មានឈ្មួញមកទិញដល់ទីកន្លែង។
លោក Hữu The នៅឃុំ Tân Lộc ស្រុក Thới Bìnhរីករាយប្រាប់ថា៖ "ឆ្នាំនេះ ដោយទទួលបានការណែនាំ និងជំនួយខាងបច្ចេកទេសពីកម្មាភិបាលទទួលបន្ទុកការងារខាងវិស័យកសិកម្មរបស់ឃុំតាំងពីការត្រាំគ្រាប់ពូជរហូតដល់បាញ់ថ្នាំសម្លាប់សត្វល្អិត បូករួមទាំងអាកាសធាតុអំណោយផលផងនោះ ក៏ធ្វើឲ្យទិន្នផលស្រូវសម្រេបបរិមាណផលខ្ពស់ផងដែរ"។
លោក Hữu The (អ្នកពាក់មួកសុវត្ថិភាព) ជញ្ជូនស្រូវតាមទូកដើម្បីជៀសវាងកុំឱ្យស្រូវត្រូវទទឹកសើម។
ភាពជោគជ័យសម្រាប់រដូវស្រូវឆ្នាំនេះ កាន់តែបង្កើតនូវទំនុកចិត្ត និងកម្លាំងចិត្តសម្រាប់បងប្អូនប្រជាកសិករពោរពេញដោយក្តីរំភើបរីករាយ និងត្រៀមខ្លួនជាបន្ទាន់សម្រាប់ឱ្យរដូវស្រូវប្រាំងបន្តទៀត។ ទន្ទឹមនឹងការប្រមូលផលស្រូវរដូវវស្សាផ្នែកខាងកសិ កម្មខេត្តបានបង្កើនការណែនាំ់គ្រប់បណ្តាភ្នាក់ងារមុខងារ ដើម្បីត្រៀមជី ពូជស្រូវ ហើយគ្រប់បណ្តាភូមិភាគក៏កំពុងជីកស្តារប្រឡាយទឹក បូមប្រឡាយ ដើម្បីធានាបានល្អសម្រាប់រដូវស្រូវប្រាំង៕
Lâm Đươl
