Khánh Hưng ជាឃុំមួយនៃតំបន់ទឹកសាបរបស់ស្រុក Trần Văn Thời។ ទូទាំងឃុំមានទាំងអស់ ១៥ភូមិ ដោយមានចំនួន៤.៣៣៩គ្រួសារ និង ចំនួនប្រជាជន១៨.០៨១នាក់ ក្នុងនោះមានគ្រួសារជនជាតិ ភាគតិចចំនួន៤១៦គ្រួសារ។ ប៉ុន្មានឆ្នាំកន្លងមកនេះ គណៈកម្មាធិការបក្សគ្រប់លំដាប់ថ្នាក់ ព្រមទាំងរដ្ឋអំណាចភូមិភាគតែងខិតខំយកចិត្តទុកដាក់បានយ៉ាងល្អចំពោះជីវភាពរស់នៅរបស់បងប្អូនប្រជាជននិយាយរួម ជនជាតិភាគតិចនិយាយដោយឡែក។
ជាមួយការយកចិត្តទុកដាក់របស់បក្ស និងរដ្ឋ រួមទាំងខេត្ត និងស្រុក ព្រមទាំងការដឹកនាំយ៉ាងពិសេសរបស់គណៈកម្មាធិការបក្ស ក្រុមប្រឹក្សាប្រជាជនឃុំ Khánh Hưng ក៏បានអនុវត្តល្អរាល់បណ្តាវិធានការ និងគោលនយោបាយយកចិត្តទុកដាក់ដល់ស្មារតីសម្ភារៈជូនជនរួមជាតិភាគតិច។
ជាមួយការគិតគូរដល់ជីវភាពរស់នៅជូនបងប្អូនជនរួមជាតិភាគតិច កម្មាភិបាលនិងប្រជាជនឃុំខាញហឹងក៏ត្រូវបានរដ្មន្ត្រី ប្រធានគណៈកម្មាធិការជនជាតិ ជូនប័ណ្ណសរសើរក្នុងមហាសន្និបាតតំណាងបណ្តាជនជាតិភាគតិចខេត្តលើកទី ៤ ឆ្នាំ២០២៤។ រូបថត៖ លោក Nguyễn Trường Giang ខាងឆ្វេង អនុប្រធានគណៈកម្មាធិការប្រជាជនឃុំ តំណាងទទួលប័ណ្ណសរសើររបស់រដ្ឋមន្ត្រី ប្រធានគណៈកម្មាធិការជនជាតិ។
លោក Nguyễn Trường Giang អនុប្រធានគណៈកម្មាធិការប្រជាជនឃុំ ឱ្យដឹង៖ "នាពេលថ្មីៗនេះ ឃុំបានជំរុញការឃោសនាផ្សព្វផ្សាយយ៉ាងទូលំទូលាយអំពីការងារជនជាតិ កម្មវិធីគម្រោងការ និងគោលនយោបាយជនជាតិ គៀរគរប្រជាជនអនុ វត្តគោលការណ៍ណែនាំរបស់បក្ស និងក្រឹត្យច្បាប់រដ្ឋ។ ផ្តើមពីនោះ មាមីងបងប្អូនក៏មានការផ្លាស់ប្តូរគ្រប់វិស័យ លើកកម្ពស់ចំណេះដឹងនិងស្មារតីប្រុងប្រយ័ត្នក្នុងការអភិវឌ្ឍន៍សេដ្ឋកិច្ច បង្កើនប្រភពប្រាក់ចំណូល ស្តារជីវភាពរស់នៅ"។
ឃុំ Khánh Hưng តែងបង្កលក្ខណៈដើម្បីបងប្អូនប្រជាជនបានចូលកៀកប្រភពទុនអភិវឌ្ឍន៍ផលិត។ ពង្រីកសក្តារនុពលរបស់ភូមិភាគ ផ្លាស់ប្តូរប្រភេទពូជឈើដាំ សត្វចិញ្ចឹមឱ្យមានការសមស្រប។ សកម្មក្នុងការប្រមូលផ្តុំធនធានវិនិយោគក សាងហេដ្ឋារចនាសម្ព័ន្ធចាំបាច់ ធ្វើពិពិធកម្មមួយចំនួនដងផ្លូវគមនាគមជនបទ ឧបត្ថម្ភស្តីពីលំនៅឋាន ដីធារសម្រាប់ស្នាក់នៅ ដើមទុនអភិវឌ្ឍន៍៍ផលិត។
ក្រៅពីការឆ្លៀតយកនូវសក្តានុពលសម្រាប់អភិវឌ្ឍន៍សេដ្ឋកិច្ចរបស់ឃុំ គឺផលិតកសិកម្ម ដាំដំណាំ ឃុំ Khánh Hưng តែងម្ចាស់ការក្នុងការស្វែងយល់ពីតម្រូវការខាងរៀនរបររបស់ពលកករទាំងឡាយ ផ្តើមពីនោះ ក៏បើកបណ្តាថ្នាក់បណ្តុះបណ្តាលមុខ របរ ដោះស្រាយការងារធ្វើជូនពលករ។ ឃុំក៏បានកៀរគរអនុវត្តយ៉ាងសព្វគ្រប់ និងទាន់សភាពការរាល់បណ្តាគោលន យោបាយ របបផ្សេងៗសម្រាប់គ្រួសារគោលនយោបាយ និងអ្នកមានសគុណ ព្រមទាំងគ្រួសារក្រីក្រមានជីវភាពជួបលំបាកពិ សេសល តាមការកំណត់ដើម្បីធានាសុខមាលភាពសង្គម។
ក្រៅពីការយកចិត្តទុកដាក់ខាងជីវភាពសម្ភារៈ ការអភិរក្សនិងពង្រីកនូវភាសានិងអក្សរសាស្ត្ររបស់ជនរួមជាតិ Khmer ក៏ត្រូវបានឃុំ Khánh Hưng អនុវត្តយ៉ាងល្អណាស់ដែរ។
លោក Nguyễn Trường Giang បានឱ្យដឹងបន្ថែមទៀតថា៖ "ជាទូទៅ ជីវភាពរស់នៅ ក៏ដូចជាលក្ខណៈនៃការអភិវឌ្ឍន៍សេដ្ឋកិច្ចរបស់ជនជាតិភាគតិចក្នុងប៉ុន្មានឆ្នាំកន្លងមានការអភិវឌ្ឍន៍ច្រើន កាត់បន្ថយការលំបាកជាសន្សឹមៗ និងឈានឡើងរួចចាកក្រទៀតផង។ ប្រសិនបើនៅចុងឆ្នាំ២០២០ មានគ្រួសារជនជាតិភាគតិចក្រីក្រចំនួន៥១គ្រួសារ និងគ្រួសារក្បែរបន្ទាត់ក្រ៣៤គ្រួសារផងនោះ គឺសព្វថ្ងៃនៅត្រឹម២៣គ្រួសារក្រ និង២២គ្រួសារក្បែរបន្ទាត់ក្រប៉ុណ្ណោះ។ រាល់បណ្តាសកម្មភាពវប្បធម៌ ទំនៀមទម្លាប់ប្រពៃណីក៏ត្រូវបានថែរក្សា និងអភិរក្ស"។
ដោយសារការអនុវត្តស្របគ្នានៃគោលនយោបាយ និងដំណោះស្រាយទាន់ពេលវេលា និងប្រកបដោយប្រសិទ្ធភាព ជីវភាពរស់នៅខាងសម្ភារៈ និងស្មារតីរបស់បងប្អូនប្រជាជនឃុំ Khánh Hưng ត្រូវបានកែលម្អការការពារជាតិ និងសន្តិសុខប្រទេសជាតិក៏ត្រូវបានរក្សាលំនឹង ហើយលទ្ធិប្រជាធិបតេយ្យនៅមូលដ្ឋានក៏ត្រូវបានលើកកម្ពស់ឥតឈប់ឈរ ប្រសិទ្ធភាពប្រតិបត្តិការរបស់រដ្ឋអំណាចមួយថ្ងៃកាន់តែស្អាតស្អំ និងរឹងមាំ។ ការយកចិត្តទុកដាក់ឧបត្ថម្ភរបស់គ្រប់បណ្តាគណៈផ្នែកភូមិភាគ ក៏បានពង្រឹងទំនុកចិត្តរបស់បងប្អូនជនរួមជាតិក្នុងការដឹកនាំរបស់បក្ស និងរដ្ឋ រួមចំណែកបង្កើនកម្លាំងមហាសាមគ្គីទូទាំងជនជាតិ រួមកម្លាំងកសាងប្រទេសជាតិមាតុភូមិ៕
គ្វីញអាញ