ឃុំ Thanh Tùng ស្រុក Đầm Dơi ខេត្ត Cà Mau ជាភូមិភាគដែលមានបងប្អូនជនរួមជាតិរស់នៅច្រើន កុះករ ស្ថិតក្នុងតំបន់ភូមិភាគ III ហើយកំពុងមានការផ្លាស់ប្តូរជាវិជ្ជមានសម្រាប់ការអភិវឌ្ឍន៍សេដ្ឋកិច្ច-សង្គម។
ទូទាំងឃុំ មាន៣២៤គ្រួសារជនជាតិភាគតិច ដោយមានប្រជាជនចំនួន១.៩០០នាក់។ ក្នុងរយៈពេល២ឆ្នាំផ្សព្វផ្សាយកម្មវិធីទិសដៅជាតិ ឃុំក៏កាត់បន្ថយបាន២៣គ្រួសារក្រ និង៧គ្រួសារក្បែរបន្ទាត់ក្រផងដែរ ធ្វើឱ្យចំនួនគ្រួសារក្រទូទាំងឃុំបន្ថយចុះនូវត្រឹម៦៦ គ្រួសារប៉ុណ្ណោះ ក្នុងនោះមាន៤១គ្រួសារជាជនជាតិភាគតិចផងដែរ។
បណ្តាដងផ្លូវទាំងឡាយក៏ត្រូវបានចាក់បេតុង ហើយរថយន្តចូលទៅដល់ភូមិ ជួយលើកស្ទួយជីវភាពបងប្អូនប្រជា ជនផងដែរ។
លោក Lê Thế Anh អនុប្រធានគណៈកម្មាធិការប្រជាជនឃុំ Thanh Tùng ឱ្យដឹង៖ កាលពីមុននេះ តំបន់ជនជាតិភាគតិចតែងសាភ្ជាប់ជាមួយនិងបណ្តារូបភាពផ្ទះស្បូវកម្សត់ ផ្លូវថ្នល់ក៏សុទ្ធសឹងជាល្បាប់។ សព្វថ្ងៃផ្លូវត្រូវបានចាក់បេតុង រថយន្តទៅដល់គ្រប់បណ្តាភូមិ ដូច្នេះហើយក៏ជួយលើកស្ទួយជីវភាពបងប្អូនប្រជាជនផងដែរ។
បណ្តាគម្រោងឧបត្ថម្ភ ក៏បានផ្តល់នូវការផ្លាស់ប្តូរគួរឱ្យកត់សម្គាល់ចំពោះហេដ្ឋារចនាសម្ព័ន្ធរបស់ឃុំ ជាពិសេសតំបន់ដែលមានជនជាតិភាគតិចរស់នៅច្រើនកុះករ។ គម្រោងជាច្រើនត្រូវបានអនុវត្តដូចជា៖ សាងសង់ផ្ទះឧបត្ថម្ភការផ្លាស់ប្តូរអាជីព និងការផ្តល់ទឹកប្រើប្រាស់ក៏បានរួមចំណែកលើកកម្ពស់គុណភាពរស់នៅជូនបងប្អូនប្រជាជនផងដែរ។ គិតត្រឹមខែសីហា ឆ្នាំ២០២៤ ឃុំកសាងសម្រេច និងប្រគល់ផ្ទះចំនួន១០ខ្នងជូនគ្រួសារ Khmer ក្រីក្រ សរុបដើមទុនវិនិយោគចំនួន៤៤០លានដុង។ លើសពីនោះ មាន១៤គ្រួសារ Khmer ដែលបានទទួលការឧបត្ថម្ភផ្លាស់ប្តូរមុខរបរការងារធ្វើ ជួយឱ្យគ្រួសារមានប្រភពប្រាក់ចំណូលនឹងនរល្អ។
អ្នកមីង Thạch Thị Hường នៅភូមិ Tân Điền B ជាគ្រួសារជនជាតិ Khmer មួយរូបក្នុងចំណោមគ្រួសារដទៃទៀតដែលបានឈានឡើងលំនឹងជីវភាពអាស្រ័យការឧបត្ថម្ភផ្ទះ និងផ្លាស់ប្តូរមុខរបរការងារ។ អ្នកមីង Thạch Thị Hường មានប្រសាសន៍៖ "ខ្ញុំសូមអំណរគុណយ៉ាងជ្រាលជ្រៅចំពោះរដ្ឋអំណាចដែលបានយកចិត្តទុកដាក់ឧបត្ថម្ភគ្រួសារខ្ញុំ។ ខ្ញុំបានឧបត្ថម្ភសាងសង់ផ្ទះ មានដើមទុន សម្រាប់ចិញ្ចឹមជ្រូក និងប្រកបរបរលក់ដូរកំប៊ិចកប៉ុក។ ទោះបីជាគ្រួសារបានរួចចាកក្រតែជីវភាពនៅមានការជួបលំបាកច្រើន ដូច្នេះហើយសាលក៏បានឃោសនាចលនាដើម្បីជូនកង់ និងសៀវភៅសិក្សា បង្កលក្ខណៈសម្រាប់កូនក្មួយរបស់ខ្ញុំបានសិក្សារៀនសូត្រកាន់តែប្រសើរឡើងឡើង"។
ដោយទទួលបានការឧបត្ថម្ភក្នុងការចិញ្ចឹមជ្រូក អ្នកមីង Thạch Thị Hường ក៏មានលក្ខណៈបន្តការចិញ្ចឹមហ្វូងជ្រូកជាច្រើន ដងផងដែរ។
ទន្ទឹមជាមួយការឧបត្ថម្ភដែលផ្តើមពីប្រភពទុនមជ្ឈឹម និងភូមិភាគ ប្រភពទុនឥណទានគោលនយោបាយក៏បានជំនួយរាល់បណ្តាកម្មវិធីទិសដៅជាតិ ងាយស្រួលក្នុងការអនុវត្តផ្សព្វផ្សាយផងដែរ។ ដូចជាករណីរបស់បង Trần Văn Đen នៅភូមិ Tân Điền B ដោយសារបានបុលទុនអំពីធនាគារគោលនយោបាយសង្គម បងក៏បានវិនិយោគចិញ្ចឹមគ្រែងឈាមផ្តល់នូវប្រភពប្រាក់ចំណូលល្អប្រសើរ។
លោក Đen ឱ្យដឹង៖ "ពេលដែលបុលបា្រក់បានចំនួន៥០លានដុង ខ្ញុំក៏ទិញពូជគ្រែងឈាមសម្រាប់យកមកចិញ្ចឹម រហូតមកទល់សព្វថ្ងៃ ក៏ប្រមូលផលបានមួយលើកដែរហើយ ដោយទទួលបានប្រាក់កម្រៃជាង១០០លានដុង។ បច្ចុប្បន្ន កំពុងចិញ្ចឹមលើកបន្តបានរយៈពេលជិត២ខែដែរហើយ។
លោក Thế Anh បានចែករំលែកទៀតថា៖ "សកម្មភាពផ្សព្វផ្សាយស្តីពីគោលនយោបាយឧបត្ថម្ភយ៉ាងយកចិត្តទុកដាក់ ក៏បានជួយលើកកម្ពស់ចំណេះដឹងរបស់កម្មាភិបាល Khmer ផងដែរ។ អាស្រ័យបែបនេះហើយ ទើបជីវភាពបងប្អូនជនរួមជាតិភាគតិចមួយថ្ងៃកាន់តែបានលើកកម្ពស់ កូនក្មួយមានលក្ខណៈបានសិក្សារៀនសូត្រល្អ។ ការយល់ដឹង និងឆន្ទៈខិត ខំឈានឡើងរបស់បងប្អូនប្រជាជនក៏មានការផ្លាស់ប្តូរ ហើយតែងខិតខំប្រកបរបររកស៊ីដើម្បីឈានឡើងរួចចាកក្រជាបណ្តើរៗផងដែរ"។
ដោយសារការស្រុះស្រួលកំនិត្យគ្នារវសងរដ្ឋអំណាចភូមិភាគ និងបងប្អូនប្រជាជនឃុំ Thanh Tùng បាននិងកំពុងបានក្លាយជាតំបន់ដែលមានភាពរីកចម្រើនយ៉ាងសកម្ម ដោយសសង្ឃឹមថានាពេលអនាគតនិងមានភាពភ្លឺស្វាងសម្រាប់បងប្អូនជនជាតិភាគតិចទាំងឡាយនៅទីនេះ៕
Phúc Duy
