ទន្ទឹមនឹងការអភិវឌ្ឍន៍សេដ្ឋកិច្ច បងប្អូនជនរួមជាតិ Khmer ទាំងឡាយលើភូមិសាស្ត្រខេត្តកាម៉ាវថែមទាំងបានយកចិត្តទុកដាក់កសាងសុភមង្គលគ្រួសារ និងអនុវត្តល្អការរស់នៅតាមបែបវប្បធម៌ ស៊ីវិល័យក្នុងសមាគម ក្លាយជាស្នូលដ៏សំខាន់ និងសកម្មចំពោះការអភិវឌ្ឍន៍រួមរបស់ភូមិភាគទៀតផង។
រួមគ្នាខិតខំអនុវត្តល្អការងារ
ដោយទទួលបានការឧទ្ទេសនាមរបស់សមាគមសហព័ន្ធនារីស្រុក Trầ Văn Thời ស្តីពីគ្រួសារខ្មែរដែលឆ្នើមៗ យើងខ្ញុំក៏បានជួបសំណេះ សំណាលជាមួយគ្រួសារបងស្រី Lý Hoà Ly ជាគ្រូបង្រៀននៃអនុវិទ្យាល័យជនជាតិអន្តេវាសិក Danh Thị Tươi នៅឃុំ Khánh Bình Tây។
អ្នកគ្រូ Ly តែងយកចិត្តទុកដាក់អប់រំខាងវិស័យវប្បធម៌ប្រពៃណីរបស់ជនរួមជាតិ។
ចំណាប់អារម្មណ៍ដំបូងពេលបានជួបបងស្រី Ly គឺការរាក់ទាក់ និងរូបភាពជានារីម្នាក់ដែលតេងខិតខំជម្នះរាល់ការលំបាកគ្រប់សព្វបែបយ៉ាង។ បងស្រីបញ្ចប់ថ្នាក់បរិញ្ញាបត្រគរុកោសល្យផ្នែកខាងគណិតវិទ្យា សាកលវិទ្យាល័យ កឹងធើ (Cần Thơ) ឆ្នាំ២០១០ បងស្រីបាន វិលត្រឡប់មកស្រុកកំណើតវិញ លះបង់នូវកម្លាំងវ័យក្មេងរបស់ខ្លួន ដើម្បីបុព្វហេតុនៃការបណ្តុះបណ្តាធនធានមនុស្ស រហូតមក ទល់សព្វថ្ងៃ។
ក្រៅពីការបង្រៀន អ្នកគ្រូ Ly ក៏ជាប្រធានក្រុមគ្រប់គ្រងសិស្ស មើលការខុសត្រូវសម្រាប់សិស្សដែលស្នាក់នៅសាលា។ បងស្រីតែងតែបំពេញកិច្ចការរបស់ខ្លួនបានយ៉ាងល្អ។ ទោះបីជាក្នុងតយនាទីណាក៏ដោយ អ្នកគ្រូក៏តែងសម្រេចល្អនូវរាល់ភារកិច្ចរបស់ខ្លួន។ ជាពិសេស អ្នកគ្រូត្រូវបានក្រសួងសិក្សាអប់រំ និងបណ្តុះបណ្តាលជូនប័ណ្ណសរសើរដោយមានស្នាដៃឆ្នើមខាងវិស័យអប់រំសិស្សកូនក្មួយជនជាតិភាគតិចនៅតំបន់ឆ្ងាយដាច់ស្រយាលតំបន់សេដ្ឋកិច្ចជួបលំបាក។
ស្វាមីរបស់បងស្រី Ly គឺបង Phạm Văn Bạch ក៏ជាជនជាតិខ្មែរដូចគ្នាបច្ចុប្បន្នមានមុខតំណែងជាអនុប្រធានគណៈកម្មាធិការរណសិរ្សមាតុភូមិ Việt Nam ឃុំ Khánh Hưng។ បងបាច់តែងជាគំរូនិងអស់ពីចិត្តចំពោះកិច្ចការងារផ្សព្វផ្សាយរាល់បណ្តាប្រពៃណីចលនារបស់រណសិរ្សឆ្ពោះទៅតំបន់ប្រជុំជន និងមានចិត្ត ស្រោះស្រាយទៀតផង។ ប្រពៃណីទូទាំងប្រជាជនសាមគ្គីកសាងជីវភាពវប្បធម៌ នៅទីនេះក៏ត្រូវបានបងប្អូនប្រជាជនគាំទ្រយ៉ាងអស់ពីចិត្តរួមចំណែក ជួយឱ្យឃុំខាញ់ហឹងសម្រេចបទដ្ឋានជនបទថ្មី។
ប្តីប្រពន្ធស្រុះចិត្តគ្នា បង Thạch Thái Quân និងបងស្រី Lý Thị Út តែងលើកទឹកចិត្តគ្នាដើម្បីកសាងជីវភាពគ្រួសារសុភមង្គល។
នៅសាលាបងស្រី Ly ជាគ្រូបង្រៀនដ៏វាងវៃ មានច្រើនគំនិតផ្តួចផ្តើម និងគំនិតល្អៗក្នុងការអនុវត្តកិច្ចការងារ។ សម្រាប់គ្រួសារវិញ បងស្រីជាភរិយាដ៏ល្អ និងជាម្តាយដែលពោរពេញដោយចិត្តសាស្ត្រ បងស្រីតែងរំលឹកដាស់តឿនស្វាមីនិងកូនៗរបស់ខ្លួន។គ្រួសារបងមានកូន២នាក់ សព្វថ្ងៃកំពុងរៀនថ្នាក់ទី៧ និងទី៤។ កូនទាំងពីរសុទ្ធរៀបានល្អ និងស្តាប់បង្គាប់ឪពុកម្តាយ ជាសិស្សរៀនបានពូកែច្រើនឆ្នាំចាបន្តបន្ទាប់។
បងស្រី Ly មានប្រសាសន៍៖ ខ្លួនខ្ញុំផ្ទាល់ខ្ញុំតែងគិតថា អ្វីដែលទទួលបានលទ្ធផលល្អត្រូវតែមានដំណើរការអត់ធ្មត់រយៈកាលយូរអង្វែង។ក្នុងសង្គម គ្រួសារក៏ដូច្នេះដែរ ដើម្បីរក្សានូវសុភមង្គល យើងរាល់គ្នាត្រូវយកចិត្តទុកដាក់ផ្តួចផ្តើមគ្រួសាររបស់ខ្លួន។
ប្តីប្រពន្ធស្រុះចិត្តគ្នា
បែរមកគ្រួសារបង Thạch Thái Quân និងបងស្រី Lý Thị Út វិញនៅភូមិលេខ៨ ឃុំ Khánh Bình Đông ស្រុក Trần Văn Thời ពោលគឺមិនសូវមានអ្នកគិតថា កាលពីមុនគ្រួសារបងធ្វើប្រកបរបស៊ីឈ្នួលគេគ្រប់ទិសទី។ តែទោះបីជាមានការជួបលំបាកវេទនាយ៉ាងណាក្តី ប្តីប្រ ពន្ធបងតែងជួយលើកទឹកចិត្តគ្នាទៅវិញទៅមក ដើម្បីរួមគ្នាឆ្លងកាត់លំបាក មានលក្ខណៈចិញ្ចឹមកូនសិក្សារៀនសូត្របានល្អ។
ការកសាងសុភមង្គលគ្រួសារ គឺជាកម្លាំងចិត្ត ដែលជួយឱ្យប្តីប្រពន្ធរបស់បង Quân និងបងស្រី Út ក្លាយជាគ្រួសារធូរធា និងជាគំរូសម្រាប់គ្រួសារដទៃទៀតយកតម្រាប់តាម។ ខណៈពេលដែលបងក្វឹងចេញទៅស្រែម្តងៗ បងស្រី Út នៅផ្ទះចិញ្ចឹមមលើថែកូនៗនិងដាំចម្ការ ឱ្យចំណីត្រី រួចការងារ បងទាំងពីរក៏រួមគ្នាដាំបាយ និងរៀបចំសម្អាតផ្ទះ។
ខ្ញុំគិតថា ការកសាង និងរក្សាសុភមង្គលគ្រួសារតាមពិតមិនពិបាកនោះទេ។ ប្ដីប្រពន្ធគ្រប់គ្នានរណាក៏តែងមានទាស់តែងខ្វែងគំនិតគ្នាដែរ ដូចនេះហើយ យើងរាល់គ្នាត្រូវចេះអត់គ្នាទៅវិញទៅមក ដើម្បីឆ្លងកាត់រាល់ឧបស័គ្គ ពោលគឺមិនត្រូវមានការឈ្លោះប្រកែកគ្នាកាន់តែមានឈ្លោះប្រកែកកាន់តែមានរឿង ធំដល់សង្គមគ្រួសារ បងស្រីអ៊ុកមានប្រសាសន៍បែបនេះ។
បងស្រី Nguyễn Thị Thuỳ Linh ប្រធានសមាគមសហព័ន្ធនារីស្រុក Trần Văn Thời ឱ្យដឹង៖ "ជាមួយនឹងសកម្មភាពជាក់ស្តែងជាច្រើន បណ្តាក្លឹបទម្រង់ក្រុមដែលស្តីពីការទប់ស្កាត់ និងបង្ការប្រយទ្ធប្រឆាំងអំពើហិង្សាក្នុងគ្រួសារ គ្រួសារសុភមង្គលគឺជាអាស័យដ្ឋានដែលផ្តល់នូវទំនុកចិត្តខ្លាំងណាស់។ សមាគមសហព័ន្ធនារី ក៏បាននិងកំពុងបានរួមចំណែកក្នុងការអនុវត្តការងារសមភាពយេនឌ័រឲ្យមានកាន់ តែមានប្រសិទ្ធភាពព្រមទាំងកសាងគ្រួសារសុខសាន្ត និងសុភមង្គលតរៀងទៅ"។
គ្រួសារជាកោសិការសង្គម គ្រួសារល្អទើបសង្គមរីកចម្រើន។ ក្នុងដំណើរការកសាងសុភមង្គលគ្រួសារ បណ្តាគ្រួសារទាំងឡាយតែងចែក រំលែកគ្នាទៅវិញទៅមកប្រការដែលសំខាន់ទៀតនោះគឺរស់នៅស្មើភាពចេះគោរពស្រឡាញ់គ្នាទៅវិញទៅមក។ផ្តើមពីនោះរួមចំណែកបង្កើនភាពសុខសាន្ត បង្កបរិស្ថានវប្បធម៌ដ៏រឹងមាំសម្រាប់សហគមផងដែរា៕
Mộng Thường
