ភូមិលេខ២ ឃុំ Thới Bình ស្រុក Thới Bình មាន២៦គ្រួសារជនជាតិភាគតិច ប៉ុន្មានឆ្នាំកន្លង ភូមិនេះក៏គ្មានគ្រួសារក្រ និងក្បែរបន្ទាត់ក្រដែលជាជនជាតិភាគតិចទៀតនោះដែរ។ ប្រការដែលគួររីករាយថែមទៀតនោះគឺ មាមីងបងប្អូនទាំងឡាយនៅទីនេះ ពោលគឺមិនមានគំនិតទង្ទឹងរង់ចាំការជំនួយឧបត្ថម្ភអ្វីនោះឡើយ តែងខិតខំឈានឡើងដោយកម្លាំងខ្លួនឯង ដើម្បីកសាងជីវភាពគ្រួសារសុខសាន្ត និងសុភមង្គល។
ស្មារតីខិតខំឈានឡើងរបស់បងប្អូន Khmer បានរួមចំណែកធ្វើឱ្យផ្លាស់ប្តូរសម្រស់ភូមិស្រុកផងដែរ។
លោក Trương Văn Sự បានរៀបរាប់ថា៖ “យើងជាកសិករត្រូវចេះស៊ូទ្រាំរាល់ការលំបាក ទើបជីវភាពអាចឈានឡើងធូរធាបាន”។
លទ្ធផលដែលល្អទាំងនេះ ត្រូវបានឆ្លុះបញ្ចាំងតាមការគិត និងរបៀបធ្វើរបស់បងប្អូនគ្រប់រូប និងគ្រប់គ្រួសារផងដែរ។ តួយ៉ាងដូចជាគ្រួសារលោក Trương Văn Sự។ គ្រួសារមានបងប្អូនច្រើន បង Sự បានរៀបការ ហើយចេញរស់នៅដោយឡែក ព្រមទាំងបានឪពុកម្តាយចែកដីឱ្យប្រមាណ១០កុង ដូច្នេះហើយប្រសិនបើពឹងលើតែរបរចិញ្ចឹមបង្គារ និងក្តាមតែម្យ៉ាងនោះ គឺមិនអាចមានជីវភាពធូរធាបានឡើយ។ ដូច្នេះ ជាង២០ឆ្នាំកន្លង ប្តីប្រពន្ធបង ក៏បន្តចិញ្ចឹមជ្រូក ក្រពើ ប្រឹតសំចៃប្រាក់បានមួយចំនួនផងដែរ ផ្តើមពីនោះ ក៏សង់បានផ្ទះមួយខ្នងយ៉ាងធំទូលាយស្អាត ចិញ្ចឹមកូន៣នាក់សិក្សារៀនសូត្របានល្អ។ សព្វថ្ងៃ កូនច្បងទាំង២នាក់របស់បងក៏បានបញ្ចប់ការសិក្សាថ្នាក់មហាវិទ្យាល័យ ចំណែកកូនពៅកំពុងរៀនថ្នាក់ទី៩ផងដែរ។
បងស្រី Nguyễn Thị Nhiện បន្តការចិញ្ចឹមជ្រូកអស់រយៈកាល២០ឆ្នាំដែរហើយ ពេលណាក្នុងទ្រុងរបស់ខ្លួនក៏មានចិញ្ចឹមជាប្រចាំជាង១០ក្បាលផងដែរ។
បង Sự បានរៀបរាប់ថា៖ “យើងជាសិករត្រូវតែស៊ូទ្រាំរាល់ការលំបាកគ្រប់បែបយ៉ាងទើបជីវភាពបានធូរធារួច។ សព្វថ្ងៃ ខ្ញុំមានផ្ទៃដីទាំងអស់ចំនួន៤៥កុង ចិញ្ចឹមបង្កង បង្គាផង និងធ្វើស្រែផង ឆ្លៀតយកត្រីដែលមានក្នុងស្រះចិញ្ចឹមបង្គាសម្រាប់ជាចំណីសត្វក្រពើ។ ប៉ុន្មានថ្ងៃមុននេះ ខ្ញុំទើបលក់ក្រពើបានមួយលើក ដោយទឹកប្រាក់២០០លានដុង ហើយក៏ចិញ្ចឹមក្រពើកូនបន្តទៀតដែរ ចំណែកជ្រូក ពេលណាក៏មានចិញ្ចឹមជាងដប់ក្បាលផងដែរ”។
បងប្អូនជនរួមជាតិ Khmer នៅភូមិលេខ២ ឆ្លៀតយកផ្ទៃដីទំនេរសម្រាប់ដាំបន្លែ បង្កើនប្រភពប្រាក់ចំណូល។
មិនត្រឹមដោយឡែកគ្រួសារបង Sự ប៉ុណ្ណោះទេ គ្រួសារ Khmer ដទៃជាច្រើនទៀតក៏ជាគំរូយ៉ាងឆ្នើមខាងស្មារតីឈានឡើងផងដែរ។ ក្នុងនោះមានគ្រួសាររបស់លោក Trương Văn Thanh ជាមួយទម្រង់ចិញ្ចឹមបង្គា-ក្តាមគួបផ្សំជាមួយបន្លែ និងគ្រួសារអ្នកមីង Danh Thị Giềng មានកូនទៅធ្វើការនៅក្រៅខេត្ត។ ទាំងអស់គ្នាសុទ្ធតែបានបង្ហាញពីឆន្ទៈ និងបំណងប្រាថ្នាក្នុងការឈានឡើងសម្រាប់បងប្អូនជនរួមជាតិ Khmer ដូចគ្នា បង្កើតបរិយាកាសថ្មីសម្រាប់បុព្វហេតុនៃការអភិវឌ្ឍន៍មាតុភូមិ៕
Mộng Thường
