ជាគ្រួសារ Khmer ដែលឧស្សាហ៍ព្យាយាមធ្វើការរកស៊ី គឺគ្រួសារបងស្រី Lý Thị Nga ជាសមាជិកនៃសាខាសមាគមនារីភូមិ Tân Điền B ឃុំ Thanh Tùng ស្រុក Đầm Dơi តែងខិតប្រឹងប្រែងដើម្បីរួចចាកផុតពីភាពក្រីក្រ។ គ្រួសារបងតែជំរុញទឹកចិត្តកូនៗឱ្យខិតខំសិក្សារៀនសូត្រ និងពលកម្មផលិត រកការងារធ្វើដើម្បីមានប្រភពប្រាក់ចំណូលនឹងនរនាពេលអនាគត។
គ្រួសារបងស្រី Nga សង់បានផ្ទះដ៏ធំទូលាយមួយខ្នង ដោយសរុបតម្លៃទឹកប្រាក់ជាង៣០០លានដុង។
ខណៈពេលដែលទើបរៀបការ ចេញរស់នៅដោយឡែក ប្តីប្រពន្ធបងស្រី Lý Thị Nga ត្រូវបានឪពុកម្តាយចែកដីឱចំនួន៥កុង។ ថ្វីត្បិតតែមានដីផលិត តែផ្ទះដីតីចតួច ដូច្នេះហើយទើបគ្មានសមត្ថភាពឈានឡើងជីវភាពធុរធាដូចគេបាន។ ដោយគិតថា ខ្លួនយើងត្រូវមានគំនិតផ្លាស់ប្តូរក្នុងការរស់នៅ ប្តីប្របន្ធបងស្រី Nga រួមជាមួយកូនប្រុសក៏បានប្តេជ្ញាចិត្តចាកចោលស្រុក ចេញទៅធ្វើកម្មកររោងចក្រកែច្នៃអាហារជលផលនៅទីក្រុង Hồ Chí Minh។ បន្ទាប់ពីធ្វើការបានជាង៤ឆ្នាំ ស្រាប់តែកើតមានជំងឺអាសន្នរោគ Covid-19 ក្រុមគ្រួសារ បងស្រី Nga ក៏ត្រូវវិលត្រឡប់មកស្រុកកំណើតវិញ ដើម្បីផ្តើមអាជីព។ បន្ទាប់ពីសន្សំបានដើមទុនមួយចំនួន បងស្រី Nga ក៏ទិញដីបន្ថែម ព្រមទាំងជួលដីផលិតខ្លះទៀត។ សព្វថ្ងៃ គ្រួសារបងស្រីកំពុងផលិតដោយផ្ទៃដីប្រមាណជាង២៦កុងផងដែរ។
បងស្រី Nga បានឱ្យដឹង៖ ដោយបានឃើញពីការខិតខំប្រឹងប្រែងរបស់គ្រួសារខ្ញុំ រដ្ឋអំណាចភូមិភាគ និងសមាគមសហព័ន្ធនារីឃុំក៏បាន យកចិត្តទុកដាក់ និងផ្សាភ្ជាប់ជាមួយប្រភពទុន បច្ចេកទេស ដើម្បីគ្រួសារខ្ញុំអភិវឌ្ឍសេដ្ឋកិច្ចមានប្រសិទ្ធភាព។ ជាមួយផ្ទៃដី២៦ហិចតា ប្តីប្រពន្ធខ្ញុំបានអនុវត្តទម្រង់ចិញ្ចឹមបង្គា ក្តាមតាមបែបទំនើបឧស្សាហកម្ម រួមផ្សំជាមួយគ្រែងឈាម ផ្តល់ប្រភពចំណូលនឹងនរល្អ ផ្តើម ពីបណ្តាប្រភពទុន បន្ទាប់ពីគិតការចំណាយរួចរាល់ គ្រួសារខ្ញុំសន្សំបានប្រាក់ចំណេញចាប់ពី៦០-៧០លានដុង/ឆ្នាំ”។
គ្រួសារបងស្រី Nga តែងយកចិត្តទុកដាក់ និងជំរុញទឹកចិត្តកូនៗឱ្យខិតខំរៀន ដើម្បីអនាគតមានការងារធ្វើ លំនឹងជីវភាពរស់នៅ។
ក្រៅពីនោះ បង Lý Văn Thuỷ ត្រូវជាប្តីរបស់បងស្រី Nga ក៏មានការងារធ្វើបន្ថែមខាងក្រៅទៀត នោះគឺការងារខាងសាងសង់ផ្ទះ ធ្វើជាងកំបោរ និងបណ្តាកិច្ចការងារដែលសមស្របជាមួយកម្លាំងខ្លួន ដើម្បីរកប្រាក់ចំណូលបន្ថែមជូនគ្រួសារ។ ដោយសារបែបនេះហើយ កាលពីឆ្នាំ២០២៣ ប្តីប្រពន្ធបងក៏សង់បានផ្ទះមួយខ្នងយ៉ាងធំទូលាយស្អាត ដោយតម្លៃជាង៣០០លានដុងផងដែរ (ដោយបងធ្វីជាអ្នកចេញប្លង់ និងរចនាដោយផ្ទាល់)។
ដោយត្រូវបានទូន្មានតាំងពីតូច រួមជាមួយនឹងឆន្ទៈស្នងបន្តពីឪពុកម្តាយ កូនទាំង២នាក់របស់បងស្រី Nga ក៏ខិតខំប្រឹងប្រែងឈានឡើងដូចគ្នា។ ចំណែកកូនស្រីពៅ សព្វថ្ងៃកំពុងរៀនថ្នាក់ទី៧ ក្មួយក៏ខិតខំរៀនបានល្អណាស់ដែរដើម្បីសម្រេចនូវក្តីសង្ឃឹមរបស់ខ្លួន។
ដំបូងមានដីត្រឹមតែ៥កុងប៉ុណ្ណោះ គិតមកទល់ពេលនេះ គ្រួសារបងស្រី Nga មានផ្ទៃដីផលិតសរុបទាំងអស់២៦កុង និងមានប្រភពចំណូលនឹងនរល្អទៀតផង។
បងស្រី Nguyễn Hồng Dậm ប្រធានសមាគមសហព័ន្ធនារីឃុំ Thanh Tùng ឱ្យដឹង៖ ទូទាំងឃុំមានគ្រួសារ Khmer ជាង៣០០គ្រួសារ។ ប៉ុន្មានឆ្នាំកន្លង គណៈកម្មាធិការបក្ស គណៈកម្មាធិការប្រជាជនឃុំ និងសមាគម ព្រមទាំងសហជីពតែងយកចិត្តទុកដាក់អនុវត្តយ៉ាងល្អនូវរាល់បណ្តាគោលនយោបាយជនជាតិ បង្កលក្ខលក្ខណៈងាយស្រួលសម្រាប់មាមីងបងប្អូនឈានឡើងលំនឹងជីវភាព។ ដោយឡែកគ្រួសារ បងស្រី Nga វិញគឺជាគ្រួសារមួយក្នុងចំណោមគ្រួសារដែលមានឆន្ទៈខិតខំឈានឡើង ពោលគឺមិនទន្ទឹងរង់ចាំជំនួយនៃគោលនយោបាយរបស់បក្ស និងរដ្ឋទៀតនោះទេ ប្រការនេះគួរឱ្យស្ងើចសរសើរខ្លាំងណាស់។ គ្រួសារបងស្រីតែងប្តេជ្ញាចិត្តថា មិនទុកឱ្យធ្លាក់ខ្លួនក្រទៀតនោះទេ ត្រូវរកគ្រប់វិធីសាស្ត្រដើម្បីឈានឡើងកនុងការរស់នៅ។ សព្វថ្ងៃនេះ គ្រួសារបងស្រី Nga ក៏ក្លាយជាគ្រួសារធូរធារ មានផ្ទះសម្បែងត្រឹមត្រូវ រួមទាំងប្រាក់ចំណូលនឹងនរទៀតផង។ ផ្តើមពីនោះ គ្រួសារបងក៏សកម្មចូលរួមរាល់បណ្តាប្រពៃណីចលនាផ្សេងៗរបស់ភូមិភាគ ដូចជា៖ ការកសាងជនបទថ្មី ខិតខំពលកម្មផលិត ដើម្បីអភិវឌ្ឍន៍សេដ្ឋកិច្ចតាមលក្ខណៈពហុបែបនិងចិញ្ចឹមកូនសិក្សារៀនសូត្របានល្អទៀតផង៕
Loan Phương
