ពង្រីកស្មារតីជួយគ្នាទៅវិញទៅមក

បងប្អូនជនរួមជាតិ Khmer ទាំងឡាយនៅភូមិ Khai Hoang Vàm ឃុំ Quách Phẩm ស្រុក Đầm Dơi មិនត្រឹមតែលើកទឹកចិត្តគ្នាទៅវិញទៅមកដោយពាក្យសំដីប៉ុណ្ណោះទេ ថែមទាំងចែករំលែកបទពិសោធន៍រវាងគ្នានិងគ្នាខាងវិស័យសេដ្ឋកិច្ចដើម្បីឈានឡើងរួចចាកក្រទៀតផង។

តួយ៉ាងដូចជាលោក Lâm Văn Thẳng កើត​ឆ្នាំ​១៩៦៣ ជា​ប្រធាន​ភូមិ Khai Hoang Vàm។ ខ្លួនលោកផ្ទាល់បានឈានឡើងផ្តើមពីការលំបាកអាស្រ័យការចិញ្ចឹមបង្គា គ្រែងឈាម ក្តាម និងដាំឈើហូបផ្លែជាដើម។ ជាពិសេស លោកពូកែខាងចិញ្ចឹមគ្រែងឈាមទៀតផង គិតដោយឡែកក្នុងឆ្នាំ២០២៣ លោកចិញ្ចឹមពូជគ្រែងឈាមបាន២០០គីឡូក្រាម បន្ទាប់ពីចិញ្ចឹមបាន៧ខែ គិតចំណាយរួចរាល់ លោកនូវសលប្រាក់ចំណេញចាប់ពី៤០-៥០លានដុង។ ផ្តើមពីការធ្វើសេដ្ឋកិច្ចពូកែ និងរួចចាកក្រទទួលជោគជ័យ ទើបលោកទទួលបានការជឿទុកចិត្តអំពីបណ្តាគ្រួសារ Khmer ទាំងឡាយនៅភូមិភាគ។

លោកពូ Lâm Văn Thẳng បានរួចចាកក្រអាស្រ័យការចិញ្ចឹមគ្រែង។

លោក Thẳng បាន​ចែករំលែក​ថា៖ “គ្រួសារ​មាន​ជីវភាព​នឹងនរល្អ ដូច្នេះហើយទើបទទួលបានការទុកចិត្តអំពីសំណាក់មាមីងបងប្អូន។ ខ្ញុំ​ឃោសនាផ្សព្វផ្សាយបងប្អូនប្រជាជនទាំងឡាយក្នុងភូមិមិនឱ្យចូលរួមរាល់គ្រោះអបាយសង្គម មិនប្រព្រឹត្តិល្មើសច្បាប់ ព្រមទាំងចលនា បងប្អូនក្នុងការចិញ្ចឹមសត្វ ដាំដំណាំ ឬក៏ធ្វើសេដ្ឋកិច្ច ដើម្បីមានលក្ខណៈឈានឡើងក្នុងការរស់នៅ។ បងប្អូនប្រជាជនទាំង ឡាយ ខណៈពេលដែលមានអាសន្ន ឬក៏ត្រូវការជំនួយ គឺសុទ្ធតែបានទូរស័ព្ទមករកខ្ញុំផ្ទាល់។ ហើយសម្រាប់ប្រការណាមួយដែលមិនអាចធ្វើទៅរួច ខ្ញុំក៏ស្នើដល់ថ្នាក់លើជាបន្ទាន់ផងដែរ”។

​ផ្តើមពីបទពិសោធក្នុងការរួចចាកក្រផ្ទាល់ខ្លួន និងកិត្យានុភាពរបស់ខ្លួន លោក Thẳng ក៏បានចែករំលែក ជំនួយឧបត្ថម្ភ បង្កើតបង្អែកដ៏រឹងមាំសម្រាប់បងប្អូន Khmer ឈានឡើង។ មានគ្រួសារជនរួមជាតិ Khmer ជាច្រើន ដែលកាលពីមុនធ្លាប់រកព្រឹកខ្វះល្ងាច តែសព្វថ្ងៃមានប្រភពប្រាក់ចំណូលប្រចាំខែគ្រប់សម្រាប់ប្រើប្រាស់ប្រចាំថ្ងៃ និងចិញ្ចឹមកូនសិក្សារៀនសូត្រផងដែរ។ បង្កើតការរីកសាយ ភាយសម្រាប់ស្មារតីឈានឡើងរួចចាកក្រតៗគ្នា ផ្តើមពីគ្រួសារនេះចែករំលែកឱ្យគ្រួសារដទៃអំពីរបៀបរកស៊ី។​ ដូច្នេះហើយ ជាសន្សឹមៗភូមិ Khai Hoang Vàm ក៏ក៏ផ្លាស់ប្តូរសម្រស់មិនឈប់ឈរពីមួយថ្ងៃទៅមួយថ្ងៃ។

តួយ៉ាងដូចជាគ្រួសារបងស្រី Lâm Thị Thu Hai កើតឆ្នាំ១៩៧៤ ជាអ្នក ភូមិជាមួយ កាលពីមុនបងស្រីរួមជាមួយប្តីរបស់ខ្លួនប្រកបរបរស៊ីឈ្នួលដើម្បីរកប្រាក់ផ្គត់ផ្គង់ជីវភាពគ្រួសារប្រចាំថ្ងៃ ទាំងពីនាក់ប្តីប្រប្រពន្ធរស់នៅក្នុងផ្ទះដ៏តូចចង្អៀតមួយដែលឪពុកម្តាយបង្កើតបាន ចែកឱ្យ។ ប៉ុន្តែជាអកុសល បងស្រីកើតមានជំងឺប្ញសដូងរលាករលាក ដែលបណ្តោយឱ្យមុខរបស់បងស្រីត្រូវខូចទ្រង់ទ្រាយ និងសុខភាពរបស់ចុះខ្សោយ ដូច្នេះគ្រួសារបងត្រូវចំណាយប្រាក់ដើម្បីព្យាបាលជូនបង។ នៅពេលដែលសេដ្ឋកិច្ចចុះខ្សោយ បងស្រី Thu Hai ត្រូវបានលោក​ Lâm Vă Thẳng ជំរុញទឹកចិត្តឱ្យចិញ្ចឹមគ្រែង ព្រមទាំងបណ្តាគ្រួសារដៃទៀតដែលមានជីវភាពធូរធារជាង ដើម្បីជួយឧបត្ថម្ភខាងបច្ចេកក្នុងការចីញ្ចឹម ដូច្នេះហើយក៏ក្លាយជាទីបង្អែកដ៏រឹងមាំសម្រាប់ផ្នែកខាងស្មារតីរបស់គ្រួសារបង។ មិនតែងប៉ុណ្ណោះ ភូមិ ភាគថែមទាំងបានបង្កលក្ខណៈឱ្យបងស្រីបានបុលប្រាក់ចំនួន២៥លានដុង សម្រាប់អនុវត្តទម្រង់សេដ្ឋកិច្ចចាក់ក្រ ព្រមទាំងឧបត្ថម្ភគ្រែងចិញ្ចឹមផងដែរ។ បងស្រី​បាន​ជួលផ្ទៃដីចិញ្ចឹមដោយ​តម្លៃ៣០លាន​ដុង​ក្នុង​មួយ​ឆ្នាំ ហើយ​ក៏ខិតខំប្រឹងប្រែងរកស៊ី។ សព្វថ្ងៃ ប្រភបប្រាក់ចំណូលដែលផ្តើមពីការចិញ្ចឹម គ្រែង ក៏បានជួយស្តារជីវភាពគ្រួសារបងស្រី Thu Hai មានសភាពងាយស្រួលជាង។

អ្នកមីង Lâm Thị Thu Hai  (ទី២គិតពីឆ្វេង) រួចចាកក្រផ្រើមពីការយកចិត្តទុកដាក់ ជំនួយឧបត្ថម្ភរបស់រដ្ឋអំណាចភូមិភាគ និងមាមីងបងប្អូនក្នុងភូមិ។ 

បងស្រីមាន​ប្រសាសន៍៖ “ខ្ញុំ​សប្បាយ​ចិត្តខ្លាំង​ណាស់ ដោយសារ​តែ​ទទួលបានការឧបត្ថម្ភ​ពី​លោក Thẳng ព្រមទាំងបងប្អូន Khmer ទាំងឡាយនៅភូមិភាគដែលបានជួយឧបត្ថម្ភដោយអស់ពីចិត្ត។ អ្វី​ដែល​មិន​យល់ លោកThẳng នឹង​ពន្យល់​ជាសន្សឹមៗ ហើយ​ភូមិភាគក៏​មាន​វិស្វករសម្រាប់ជំនួយការងារផងដែរ ប្រសិន​បើ​មាន​បញ្ហា​ណាមួយក្នុង​ការ​ផលិត ដូច្នេះ​ខ្ញុំក៏មាន​សុវត្ថិភាព​​ណាស់ដែរ”។ 

មុននេះ ភូមិ​ Khai Hoang Vàm មាន​គ្រួសារ​ខ្មែរ​៣២គ្រួសារ ក្នុង​នោះ​មាន​ប្រជាជនចំនួន១៤១នាក់ ប៉ុន្តែ​គ្មាន​ទិសដៅ​សម្រាប់ឱ្យការរកស៊ីនោះទេ។ គ្រួសារណាមានផ្ទៃដីទូលាយគឺដាំបន្លែ គ្រួសារណាមានដីស្រះគឺចិញ្ចឹមបង្គា ចំណែកគ្រួសារដទៃទៀតប្រកបរបរស៊ីឈ្នួល ដូច្នេះហើយទើបជីវភាពជួបលំបាកខ្លាំង។ ទទួលបានការឧបត្ថម្ភរបស់រដ្ឋ បងប្អូនជនរួមជាតិ Khmerទាំងឡាយនៅទីនេះ ផ្តោតលើស្មារតីសាមគ្គី ជួយគ្នាទៅវិញទៅមក ព្រមទាំងការចលនា ផ្សព្វផ្សាយរបស់អ្នកមានប្រជាប្រិយ ពួកគេក៏ឈានឡើងរួចចាកក្រ និងមាន ទិដៅសម្រាប់ឱ្យការរកស៊ីរបស់ខ្លួនផងដែរ។

លោក Thẳng បានរំលឹកឡើងវិញ​ថា ៖ “ភូមិ​នេះ​មាន​ជន​ជាតិ​ភាគ​តិច​ច្រើន ប៉ុន្តែ​គ្មាន​គ្រួសារ​ក្រីក្រ​ទៀតនោះ​ទេ។ ម្នាក់ៗមានការជំរុញទឹកចិត្តគ្នាទៅវិញទៅមកក្នុងការធ្វើសេដ្ឋកិច្ច អ្នកដែលទទួលជោគជ័យ ជួយបង្ហាញណែនាំឱ្យអ្នកបន្ត ដើម្បីរួមគ្នាឈានឡើង។ មាន​គោលនយោបាយ​ជាច្រើន​របស់​រដ្ឋ​សម្រាប់ការយកចិត្តទុកដាក់ដល់ជីវភាពរស់នៅជូនបងប្អូនជនរួមជាតិ មានដូចជាដើមទុន ពូជសត្វចិញ្ចឹម និងឧបត្ថម្ភសាងសង់ផ្តះជាដើម”។

សេដ្ឋកិច្ចកើនឡើង បងប្អូនជនរួមជាតិ Khmer ទាំងឡាយនៅទីនេះកាន់តែមានទំនុកចិត្ត និងអនុវត្តយ៉ាងយកចិត្តទុកដាក់នូវរាល់គោលការណ៍ណែនាំ និងគោលនយោបាយរបស់បក្ស និងក្រឹត្យច្បាប់របស់រដ្ឋ។ ជាពិសេស​ខាងការងារ​បង្ការ​បទល្មើស និង​ការពារ​ភូមិ​ស្រុកក៏ត្រូវបានបងប្អូនជនរួមជាតិ Khmer រួមដៃ​គ្នា​រឹតបន្តឹង​សន្តិសុខផងដែរ​។ 

និយាយអំពីស្មារតីសាមគ្គីជួយគ្នាទៅវិញទៅមក ដើម្បីរួមគ្នាធ្វើសេដ្ឋកិច្ច ឈានឡើងរបស់បងប្អូនជនរួមជាតិ Khmer នៅភូមិ Khai Hoang Vàm  អនុប្រធានគណៈកម្មាធិការប្រជាជនឃុំ Quách Phẩm លោក Bùi Quang Thám ឱ្យដឹង៖ “ប្រជាជនទូទាំងភូមិបានរួមគ្នាពង្រីកស្មារតីជួយគ្នាទៅវិញទៅមកក្នុងការធ្វើសេដ្ឋកិច្ច កាត់បន្ថយក្រយ៉ាងមានប្រសិទ្ធភាព។ លោកពូ Lâm Văn Thẳng ហាក់បីដូចជាសង្វាក់ស្ពាន​តភ្ជាប់​សម្រាប់យើង​ខ្ញុំជាមួយបងប្អូនជន​ជាតិ​ភាគ​តិច​នៅ​ទី​នេះ​ឱ្យកាន់​តែមានភាព​ជិត​ស្និទ្ធ។ គណៈកម្មាធិការប្រជាជន ឃុំក៏ក្តាប់បាននូវគោលគំនិត និងរាល់ភាពលំបាករបស់មាមីងបងប្អូនដើម្បីមានវិធានការសម្រាប់ជំនួយឧបត្ថម្ភទាន់ពេល។ ផ្តើមពីនោះ បងប្អូនជនរួមជាតិ khmer ក៏មានការផ្លាស់ប្តូរគំនិតជាសន្សឹមៗ ព្រមទាំងប្តេជ្ញាចិត្តឈានឡើងរួចចាកក្រដើម្បីកសាងភូមិស្រុកឱ្យកាន់តែសម្បូររុងរឿងប្រសើរឡើង”៕

​

Lam Khánh