នៅឃុំ Tân Thuận ស្រុក Đầm Dơi រដ្ឋអំណាចភូមិភាគបានអនុវត្តការជំនួយឧបត្ថម្ភយ៉ាងល្អសម្រាប់បណ្តាគោលនយោបាយជនជាតិ ជាពិសេសបណ្តាកម្មវិធីគោលដៅជាតិ។ ទទួលបានការឧបត្ថម្ភផ្តុំកម្លាំងដែលផ្តើមពីគោលនយោបាយរបស់រដ្ឋ រួមជាមួយការជំនួយកម្លាំងរបស់សប្បុរសជន ជីវភាពបងប្អូនជនរួមជាតិក៏មានការផ្លាស់ប្តូរយ៉ាងសកម្មផងដែរ។
អ្នកស្រី Trần Yến Phương អនុប្រធានគណៈកម្មាធិការប្រជាជនឃុំ Tân Thuận ឱ្យដឹង៖ ទូទាំងឃុំនាពេលបច្ចុប្បន្នមាន២១៤គ្រួសារ Khmer ដោយមានចំនួនប្រជាជនប្រមាណជាង៩០០នាក់ រស់នៅប្រមូលផ្តុំភូមិទាំង២ (Lữ Hoa Thanh និង Hoà Hải)។ជីវភាពបងប្អូននៅទីនេះក៏មានភាពលំនឹងល្អ។ តែដោយសារខ្វះដីផលិត បងប្អូនប្រជាជនភាគច្រើនរស់អាស្រ័យលើរបរខាងនេសាទសមុទ្រេ ទើបមានការជួបលំបាកខ្លាំងខាងប្រភពចំណូល។
អាស្រ័យការឧបត្ថម្ភពីសប្បុរសជន បងស្រី Hạnh លក់ទឹកអំពៅ ជីវភាពបានលំនឹងល្អ។
តំណាក់កាល២០២០-២០២៥ ឃុំ Tân Thuận បានផ្សព្វផ្សាយយ៉ាងច្រើនគម្រោងកម្មវិធីគោលដៅជាតិសម្រាប់ការអភិវឌ្ឍសេដ្ឋកិច្ច-សង្គមតំបន់ជនជាតិភាគតិចនិងតំបន់ភ្នំ។ ក្នុងនោះ បណ្តាកម្មវិធីឧបត្ថម្ភមានដូចជាការសាងសង់ផ្ទះស្នាក់នៅ ផ្តល់ប្រភពទឹកសម្រាប់ប្រើប្រាស់ ផ្លាស់ប្តូរមុខរបរការងារធ្វើ ព្រមទាំងជំនួយឧបត្ថម្ភអភិវឌ្ឍន៍ផលិត (ឧបត្ថម្ភពូជសត្វចិញ្ចឹម) ក៏បានជួយជាច្រើនគ្រួសារឆ្លងកាត់លំបាក។ នៅភូមិជួបលំបាកពិសេសទាំង២ រួមមាន Đồng Giác និង Hoà Hải ដែលទទួលបានការវិនិយោគកសាងរចនាសម្ព័ន្ធ កែជួសជុលផ្លូវនិងសាងសង់អាគារវប្បធម៌សហគមទៀតផង។
យោងតាមស្ថិតិដែលបានធ្វើការពិនិត្យឡើងវិញរបស់ភូមិភាគ ឃុំនាពេលបច្ចុប្បន្ននៅមាន៩៧គ្រួសារក្រ និង៣៦គ្រួសារប្រកៀកបន្ទាត់ ក្រ ក្នុងនោះមាន៣៤គ្រួសារក្រ និង៥គ្រួសារប្រកៀកបន្ទាត់ក្រជាជនជាតិភាគតិច។ អត្រាគ្រួសារក្រក្នុងជនរួមជាតិនូវស្រូបខ្ពស់ មួយចំនួនដោយសារខ្វះដីផលិត នឹងមានទម្លាប់ខ្ចីដីអ្នកភូមិធ្វើ។ ប៉ុន្មានឆ្នាំកន្លង អាស្រ័យលើបណ្តាកម្មវិធីជំនួយឧបត្ថម្ភរបស់ភូមិភាគ និងការគាំទ្ររបស់សម្បុរសជន ជីវភាពមាមមីងបងប្អូនក៏មានការផ្លាស់ប្តូរគួរឱ្យកត់សម្គាល់។
ទទួលបានការឧបត្ថម្ភទឹកប្រាក់៥០លានដុង បង Thạch Ngọc Tuất (ស្តាំ) មានលក្ខណៈសង់បានផ្ទះមួយខ្នងយ៉ាងធំទូលាយស្អាត ព្រមទាំងលំនឹងចិត្តក្នុងការពលកម្មផលិតដើម្បីរួចចាកក្រទៀតផង។
ប្តីប្រពន្ធបង Sơn Lọt និងបងស្រី Võ Thị Hạnh នៅភូមិ Lưu Hoa Thanh មានកូន៤នាក់ កូនច្បងក៏បញ្ចប់ការសិក្សាថ្នាក់ទី១២ហើយដែរ ចំណែកកូនពៅវិញសព្វថ្ងៃនៅកំពុងរៀនថ្នាក់មតេយ្យ។ ពីមុន គ្រួសារគ្មានដីផលិត បងឡកក៏កើតមានជំងឺទើបមិនអាចធ្វើការងារអ្វីបាន ពោលគឺបានត្រឹមនៅផ្ទះជួយការងារប្រពន្ធ មើលថែកូន។ ពួកគាត់រស់អាស្រ័យលើរបរដាំបាយដំណើបលក់តាមដងផ្លូវ ប្រាក់ចំណូលរកបានមួយថ្ងៃប្រមាណ១០០ពាន់ដុង មិនគ្រប់សម្រាប់ផ្គត់ផ្គង់ជីវភាពគ្រួសារនៅទេ។ រយៈពេលពីរឆ្នាំកន្លង រដ្ឋអំណាចភូមិភាគក៏បានចលនាទឹកចិត្តសប្បុរសជនដើម្បីជំនួយឧបត្ថម្ភគ្រួសារបងនូវឡានកិនទឹកអំពៅមួយគ្រឿង។ ផ្តើមពីនោះ បងស្រី Hạnh លក់ទឹកអំពៅនៅក្បែរចំណត់ទូកដជិតផ្តះ អាចរកបានប្រាក់ចំណូលនឹងនរ ជួយគ្រួសារបងបានឆ្លងកាត់លំបាក ដើម្បីរួចចាកក្រ។
ក៏នៅភូមិ Lưu Hoa Thanh ដូចគ្នា គ្រួសារបង Thạch Ngọc Tuất និងបងស្រី Lương Thị Nói បានរដ្ឋអំណាចភូមិភាគជំនួយឧបត្ថម្ភផ្ទះមហាសាមគ្គីមួយខ្នង។ ផ្ទះនេះត្រូវបានសាងសង់យ៉ាងធំទូលាយស្អាត ដោយទទឹង៤ម៉ែត្រ ប្រវែង១១ម៉ែត្រនៅលើដីធារដែលម្តាយរបស់បងស្រីបានឱ្យ សរុបទឹកប្រាក់១៣០លានដុង ក្នុងនោះរដ្ឋជំនួយឧបត្ថម្ភ៥០លានដុង។ កាលពីមុននោះ គ្រួសាររស់នៅក្នុងផ្ទះបណ្តោះអាសន្ន រាល់ពេលមានព្យុះភ្លៀងម្តងៗតែងភ័យខ្លាចផ្ទះត្រូវដួលរលំឬក៏លេចលង់។ អាស្រ័យការឧបត្ថម្ភទាន់ហេតុការណ៍របស់បក្ស គ្រួសារក៏សង់បានផ្ទះមួយខ្នងយ៉ាងរឹងមាំ ប្តីប្រពន្ធបង Tuất ក៏សម្រេចចិត្តសូមចាកផុតពីបញ្ជីគ្រួសារក្រវិញ។ សព្វថ្ងៃពួកគេកំពុងប្រកបរបរខាងនេសាទ ប្រភពចំណូលក៏គ្រប់គ្រាន់។
អនុប្រធានភូមិ Lưu Hoa Thanh លោក Trần Minh Quyền ឱ្យដឹង៖ ភូមិមាន១.០០៥គ្រួសារដោយមានចំនួនប្រជាជន៣.៨០០នាក់ ក្នុងនោះមាន៨៥គ្រួសារជនជាតិភាគតិច។ ជីវភាពរស់នៅរបស់មាមីងបងប្អូន ភាគច្រើនពឹងលើរបរនេសាទសមុទ្រ កាលពីមុនអត្រាគ្រួសារក្រទីនេះនូវមានការស្រូបខ្ពស់។ អាស្រ័យបណ្តាគោលនយោបាយឧបត្ថម្ភរបស់រដ្ឋ មាមីងបងប្អូនក៏បានរួចចាកក្រ។ រដ្ឋអំណាចភូមិភាគក៏បានចលនា ឧបត្ថម្ភសង់ផ្ទះ បុលប្រាក់ ជំនួយមាមីងបងប្អូនមានឱកាសសម្រាប់ស្តារជីវភាពរស់នៅ។ សព្វថ្ងៃ ភូមិ Lưu Hoa Thanh នៅមាន៥៥គ្រួសារក្រ ក្នុងនោះមាន៨គ្រួសារក្រជាជនជាតិភាគតិច។
ប្តីប្រពន្ធបង Thạch Ngọc Tuất ប្រកបរបរខាងនេសាទសមុទ្រដើម្បីរកប្រាក់ផ្គត់ផ្គង់ជីវភាពប្រចាំថ្ងៃ។
ទោះបីជាដំណើរការខាងមុខនូវមានការជួបលំបាកខ្លាំង ប៉ុន្តែជាមួយការខិតខំប្រឹងប្រែងរបស់រដ្ឋអំណាចភូមិភាគ និងការជំនួយឧបត្ថម្ភដ៏អស់ពីចិត្តរបស់សប្បុរសធម៌ រួមនឹងឆន្ទៈតស៊ូឈានឡើងរបស់បងប្អូនប្រជាជន សង្ឃឹមថាជីវភាពរបស់បងប្អូនជនរួមជាតិនៅឃុំ Tân Thuận មួយថ្ងៃកាន់តែផ្លាស់ប្តូរគ្រប់វិស័យ៕
Hồng Phượng - Trầm Nghĩ
