រៀនសូត្រនិងធ្វើតាមគំរូសតិអារម្មណ៍ សីលធម៌និងឥរិយាបទ Hồ Chí Minh មិនត្រឹមជាគោលនយោបាយប៉ុណ្ណោះទេ ថែមទាំងក្លាយជាដំណើរការសម្រាប់វិវឌ្ឍខ្លួនឯងឱ្យកាន់តែល្អប្រសើរខាងស្មារតីនៃការរស់នៅរបស់ប្រជាជន Cà Mau គ្រប់រូប ជាពិសេសបងប្អូនជនរួមជាតិ Khmer។ សម្រាប់ពួកគាត់ ការរៀនសូត្រនិងធ្វើតាមគំរូអ៊ំ គឺជាការរៀនអំពីទឹកចិត្តស្នេហាជាតិយ៉ាងអង់អាច និងឆន្ទៈខិតខំឈានឡើងដោយខ្លួនឯង ព្រមទាំងបណ្តាតម្លៃដ៏ថ្លៃថ្លូរ និងសាមញ្ញក្នុងជីវភាពរស់នៅប្រចាំថ្ងៃ។
ជារូបភាពមួយដែលយើងរាល់គ្នាតែងនិយមបានឃើញនៅតាមបណ្តាវត្ត Khmer ទាំងឡាយទូទាំងខេត្ត Cà Mau គឺអាសនៈនិងរូបអ៊ំ Hồ ត្រូវបានដាក់តម្កល់យ៉ាងមានរៀបរៀបរយនិងលើទីតាំងដ៏ឧបត្តុង្គឧបត្តមក្នុងព្រះវិហារ។ រាល់ថ្ងៃ ព្រះសង្ឃនិងប្រជាពុទ្ធបរិស័ទតែងអុជធូបគោរពបូជាដើម្បីសម្តែងនូវការគោរពរំលឹកនឹកគុណនិងសន្យាស្ម័គ្រចិត្តខិតខំរៀនសូត្រនិងធ្វើតាមដំបូន្មានរបស់លោកអ៊ំ រស់មួយជីវិតពោរពេញដោយអត្ថន័យ លះបង់គ្រប់សព្វបែបយ៉ាងដើម្បីប្រទេសជាតិនិងសង្គម។
លោកមា Hữu Sếp អនុប្រធានគណៈកម្មការវត្តសិរីមង្គល ជ្រុងខ្មែរ (Rạch Giồng) តែងជំហរមុខសកម្មភាពផ្សព្វផ្សាយ និងចលនាមាមីងបងប្អូនឱ្យមានការយល់ដឹងអំពីតម្លៃវប្បធម៌ទាន់សម័យ និងបំបាត់ចោលនូវរាល់អបិយជំនឿផ្សេងៗទាំងឡាយដែលមិនមានការសមស្រប។
ព្រះតេជគុណ Thạch Chành Đa ចៅអធិការវត្ត Rạch Cui ឃុំ Khánh Bình Đông ស្រុក Trần Văn Thơi មានសង្ឃដីការដោយក្តុកក្តួលថា៖ អ៊ំ Hồ បានលះបង់មួយឆាកជីវិតដើម្បីប្រជាជន និងដើម្បីប្រទេសជាតិមាតុភូមិដោយមិនដែលគិតពីផលប្រយោជន៍ផ្ទាល់ខ្លួននោះទេ។ សតិអារម្មណ៍និងទឹកចិត្តស្នេហាជាតិ ស្រឡាញ់ប្រជាជនដែលគ្មានកោះត្រើយរបស់លោកអ៊ំ តែងជាគុណតម្លៃដ៏ឧត្តុង្គឧបត្តមបំផុតផ្នែកខាងសីលធម៌ប្រពៃណីដ៏ល្អផូរផង់នៃព្រះពុទ្ធសាសនា។ ក្នុងបេះ ដូងអាត្មា លោកអ៊ំហាក់បីដូចជាព្រះដែលបានផ្តល់មកនូវភាពសុខសាន្ត ឯករាជ្យជូនប្រជាជនទូទាំងប្រទេស។
ការរៀបអាសនៈសម្រាប់គោរពបូជាអ៊ំ បានក្លាយជាលក្ខណៈវប្បធម៌ដ៏ល្អផូរផង់សម្រាប់រំលឹកដាស់តឿនស្មារតីរបស់ព្រះសង្ឃនិងប្រជាពុទ្ធបរិស័ទគ្រប់រូបឱ្យខិតសំសិក្សារៀនសូត្រនិងយកតម្រាប់តាមគំរូសីលធម៌របស់លោកអ៊ំ។ ផ្តើមពីនោះ សកម្មចូលរួមរាល់បណ្តាប្រពៃណីប្រឡងប្រណាំងនៅភូមិភាគ រួមគ្នាអភិវឌ្ឍសេដ្ឋកិច្ចនិងកសាងប្រទេសជាយិមាតុភូមិមួយថ្ងៃកាន់តែផ្លាស់ថ្មីនិងសម្បូររុងរឿង។
ជារូបភាពដែលយើងរាល់គ្នាតែងនិយមបានឃើញនៅតាមបណ្តាវត្តខ្មែរទូទាំងខេត្ត Cà Mau គឺការរៀបចំទីសក្ការៈបូជានិងរូបថតលោកអ៊ំ ដែលត្រូវបានតម្កល់នៅតាមទីតាំងដ៏ឧត្តុង្គឧត្តមក្នុងព្រះវិហារ។
ដែលជាគំរុដ៏ឆ្នើមមួយរូបខាងស្មារតីរៀនសូត្រនិងធ្វើតាមដំបូន្មានអ៊ំ គឺលោកមា Hữu Sếp អនុប្រធានគណៈកម្មការវត្តសិរីមង្គល ជ្រុងខ្មែរ (Rạch Giồng) លោកមាក៏ជាអ្នកមានប្រជាប្រិយភាពក្នុងជនរួមជាតិ Khmer នៅឃុំ Hồ Thị Kỷ ស្រុកThới Bình ផងដែរ។ ជាង២០ឆ្នាំកន្លង លោកមា Sếp តែងខ្នះខ្នែងក្នុងការបង្រៀនអក្សរ Khmer សម្រាប់ប្អូនៗសិស្សសាលានាឱកាសវិស្សមកាលជារៀងរាល់ឆ្នាំ។ លោកមាតែងជំហរមុខក្នុងរាល់បណ្តាសកម្មភាពនៃការផ្សព្វផ្សាយ ចលនាមាមីងបងប្អូនឱ្យមានចិត្តស្រឡាញ់ខាងវិស័យវប្បធម៌តាមសម័យជឿនលឿន លុបបំបាត់ចោលនូវរាល់អបិយជំនឿទាំងឡាយដែលមិនសមស្រប ផ្តើមពីនោះ ចូលរួមកសាងផែនមហាសាមគ្គី ដើម្បីរួមគ្នាឈានឡើង។
លោកមា Hữu Sếp គិតថា៖ សម្រាប់ខ្ញុំផ្ទាល់ ការរៀនសូត្រតាមអ៊ំ ដំបូងបង្អស់ត្រូវធ្វើជាគំរូក្នុងសង្គមគ្រួសាររបស់ខ្លួនជាមុន ធ្វើយ៉ាងណាដើម្បីសេដ្ឋកិច្ចគ្រួសារបានលំនឹងល្អ កូនៗបានសិក្សារៀនសូត្រនិងមានការងារធ្វើល្អត្រឹមត្រូវ។ ខណៈពេលនោះដែរ យើងជាអ្នកបម្រើខាងកិច្ចការងារសង្គមទើបមានប្រសិទ្ធភាព ហើយការនិយាយស្តីរបស់យើងទើបមាមីងបងប្អូនជឿននិងធ្វើតាម។
ក្នុងវិស័យពលកម្មផលិត ស្មារតីរៀនសូត្រនិងធ្វើតាមអ៊ំក៏ត្រូវបានបង្ហាញយ៉ាងច្បាស់យោងតាមប្រជាកសិករទាំងឡាយដែលខិតខំប្រឹងប្រែងដើម្បីឈានឡើងរួចផុតការលំបាក។ ដោយមានដីស្រែប្រមាណ១០កុងដែលឪពុកម្តាយបានបន្សល់ទុកឱ្យ បង Trương Văn Sự នៅភូមិលេខ២ ឃុំ Thới Bình ស្រុក Thới Bình យល់ថាប្រសិនបើរង់ចាំតែអំណោយផលពីប្រភពនៃការចិញ្ចឹមបង្គានិងក្តាមតែម្យ៉ាងនោះ គឺពិបាកក្នុងការឈានឡើងធ្វើមានបានណាស់។ ពីព្រោះថា រយៈពេលជាច្រើនឆ្នាំកន្លង ប្តីប្រពន្ធបងបានខិតខំអភិវឌ្ឍសេដ្ឋកិច្ចណាស់ដែរជាមួយទ្រមង់ចិញ្ចឹមជ្រូក និងសត្វក្របើ ស្របឱកាសនោះក៏ប្រឹតសំចៃបានប្រាក់កាសខ្លះសម្រាប់សាងសង់ផ្ទះសមរម្យ និងមានលក្ខណៈចិញ្ចឹមកូនរៀនសូត្របានល្អត្រឹមត្រូវទៀតផង។ “កសិករដែលស៊ូទ្រាំរាល់ការលំបាក និងឧស្សាហ៍ព្យាយាមក៏មិនទាន់គ្រប់គ្រាន់ណាស់ដែរ ថែមទាំងត្រូវចេះប្រឹតសំចៃ សន្សាកសន្សំទើបជីវភាពអាចមានការប្រសើរឡើងបាន។ គិតមកទល់ពេលនេះ គ្រួសារខ្ញុំក៏មានផ្ទៃដីទាំងអស់ចំនួន៤៥កុង សម្រាប់ដាំឈើហូបផ្លែគ្រប់ប្រភេទ រួមទាំងចិញ្ចឹមសត្វផងដែរ ផ្តល់មកនូវប្រភពចំណូលនឹងនរល្អទៀតផង បងសឺ បានចែករំលែកបែបនេះ”។
ក្នុងវិស័យពលកម្មផលិត បង Trương Văn Sự រៀនសូត្រនិងធ្វើតាមគំរូអ៊ំ ខិតខំប្រឹងប្រែងឈានឡើងចាកផុតការលំបាក កសាងជីវភាពគ្រួសារសុភមង្គល។
រៀនសូត្រនិងធ្វើតាមដំបូន្មានអ៊ំ មួយថ្ងៃកំពុងមានការរីកសាយភាយយ៉ាងទូលំទូលាយក្នុងជនរួមជាតិ ដោយមានយ៉ាងច្រើនរបៀបធ្វើពូកែៗ និងបណ្តាទម្រង់ដែលមានប្រសិទ្ធភាពទៀតផង។ រាល់លក្ខណៈសម្បត្តិ សតិអារម្មណ៍ សីលធម៌ និងឥរិយាបទរបស់លោកអ៊ំ សុទ្ធសឹងជាមេរៀនដ៏ល្អអស្ចារ្យគ្មានអ្វីប្រៀបស្មើបាន។ ខណៈពេលដែលខ្លួនបានខិតខំរៀនសូត្រនិងធ្វើតាមគំរូអ៊ំ អ្នករាល៉គ្នាប្រាកដជាមានភាពល្អប្រសើរឡើង ក្លាហានជាងសម្រាប់ឱ្យការគិតគូ និងរាល់គ្រប់ទង្វើផ្សេងៗរបស់ខ្លួន រួមចំណែកកសាងសង្គមមយយថ្ងៃកាន់តែមានភាពស៊ីវិល័យ សម្បូររុងរឿងនិងមេត្រីភាព៕
Mộng Thường
