នៅភូមិ Đường Đào ឃុំ Hồ Thị Kỷ ស្រុក Thới Bình មាន៣៤៥គ្រួសារ Khmer ក្នុងចំណោមទាំង៥០៥គ្រួសារទូទាំងភូមិ។ ប៉ុន្មានឆ្នាំកន្លង បងប្អូនជនរួមជាតិ Khmer តែងពង្រីកស្មារតីក្នុងការអភិរក្សលក្ខណៈវប្បធម៌ប្រពៃណី លើកកម្ពស់ស្មារតីក្នុងការសិក្សារៀនសូត្រ ខិតខំតស៊ូដើម្បីកសាងជីវភាពគ្រួសារសុខសាន្តនិងសុភមង្គល។
លោក Lê Văn Huyện ប្រធានសមាគមជំរុញការសិក្សាឃុំ Hồ Thị Kỷ បានឱ្យដឹង៖ តម្លៃដ៏ធំជាងគេគឺស្មារតីសិក្សារៀនសូត្រ មើលសំខាន់លើការសិក្សា រីកសាយភាយនិងក្លាយជាលក្ខណៈដ៏ល្អថ្លៃថ្លូរសម្រាប់ការរស់នៅរបស់បងប្អូនជនរួមជាតិ Khmer ផងដែរ។ យោងតាមស្ថិតិ មកទល់ពេលនះ កូនក្មួយជនរួមជាតិ Khmer ទូទាំងភូមិ Đường Đào មានជិត១២០សញ្ញាបត្រកម្រិតមហាវិទ្យាល័យ និងអនុបណ្ឌិត ព្រមទាំងកំពុងបំពេញការងារនិងលះបង់ដើម្បីសង្គមទៀតផង។
លោក Lý Thăng Trắng ខ្នះខ្នែងក្នុងការអភិរក្សវប្បធម៌ប្រពៃណី Khmer។ (ក្នុងរូបថត៖ លោក Trắng អភិរក្សរបៀបរចនាបាយសីសម្រាប់ឱ្យក្នុងពីធីបុណ្យប្រពៃណី Khmer)។
ដោយផ្តើមពីអ្នកធ្លាប់បួសរៀនក្នុងវត្តផងដែរ និងធ្វើជាគ្រូបង្រៀន ធ្លាប់ជាប្រតិភូតំណាងក្រុមប្រឹក្សាប្រជាជនឃុំ និងស្រុក លោក Lý Thăng Trắng ជាជនជាតិ Khmer នៅភូមិ Đường Đào តែងអស់ពីចិត្តរួមដំណើរការជាមួយការឈានឡើងរបស់បងប្អូនជនរួមជាតិ។ គ្រួសារលោក Trắng ថែមទាំងបានអ្នកផងស្គាល់ថាជាគ្រួសារដែលរស់នៅមានរបៀបរៀបរយ កូនចៅមានសណ្តាប់ធ្នាប់និងកត្តញ្ញូទៀតផង។ ក្នុងចំណោមកូនទាំង៣របស់លោក មាន២នាក់ផងដែរដែលបានសិក្សាបញ្ចប់បរិញ្ញាបត្រ ចំណែកចៅប្រុសច្បងម្នាក់បច្ចុប្បន្នជាអនុសេនីយ៍ទោផ្នែកខាងនគរបាលប្រជាជន។ លិទ្ធផលនេះគឺផ្តោតលើការខិតខំព្យាយាមពលកម្ម សម្រាប់ខាងជីវភាពរបស់គ្រួសារលោក Trắng វិញក៏បានលំនឹងល្អណាស់ដែរ។
លោក Trắng មានប្រសាសន៍៖ គោលនយោបាយជនជាតិ ក្នុងនោះមានគោលនយោបាយអនុគ្រោះស្តីពីការសិក្សាអប់រំសម្រាប់បងប្អូនជនរួមជាតិ Khmer របស់បក្សនិងរដ្ឋផងដែរ។ ថ្វីត្បិតតែដូច្នេះ មាមីងបងប្អូន Khmer សព្វថ្ងៃកំពុងយកចិត្តទុកដាក់ដល់សេចក្តីសម្រេចចិត្តខាងការជម្រើសសិស្សរបស់វិទ្យាល័យជនជាតិអន្តេវាសិកខេត្ត ជាទីផ្តល់កំណើតសម្រាប់ឱ្យការបណ្តុះបណ្តាលប្រភពធនធានរបស់ជនរួមជាតិ Khmer ដោយសាតែផ្តោតលើបញ្ហានេះហើយ មុខសញ្ញាជាកូន Khmer ដែលស្ថិតក្នុងរបបទទួលផលគោលនយោបាយមួយថ្ងៃកាន់តែអន់ខ្សោយទៅ។
លោក Nguyễn Trọng Yêm ប្រធានភូមិ Đường Đào ឱ្យដឹង៖ ប្រសិនបើមិនបានទទួលរបបគោលនយោបាយឧបត្ថម្ភទៀតនោះទេ ការសិក្សារៀនសូត្ររបស់កូនក្មួយជនរួមជាតិ Khmer នាពេលខាងមុខនិងជួបលំបាកជាក់ជាមិនខាន។ ពីព្រោះថានាពេលបច្ចុប្បន្ន អក្សរសាស្ត្រ សញ្ញាបត្រគ្មានអាចនឹងរកសូមការ ងារអ្វីធ្វើបានទៅ ដូច្នេះហើយតទៅអនាគតសម្រាប់បញ្ញវន្ត Khmer ក៏ត្រូវជួបផលពីបាកខ្លាំងណាស់ដែរ។
លោក Nguyễn Việt Bắc អនុប្រធានគណៈកម្មាធិការប្រជាជនឃុំ Hồ Thị Kỷ ឱ្យដឹង៖ ជាក់ស្តែងគឺនូវមានគ្រួសារ Khmer មួយចំនួនធំដែលកំពុងជួបពិបាកដែលខ្លួនមិនបានស្ថិតក្នុងភូមិភាគដែលទទួលផលគោលនយោបាយ ដូច្នេះហើយការសិក្សារៀនសូត្រសម្រាប់កូនក្មួយក៏ជួបផលពិបាកណាស់ដែរ។ ប្រការនេះគួរគិតឱ្យបានល្អិតល្អន់ដើម្បីមានវិធីសាស្ត្រដោះស្រាយឱ្យបានសមស្រប ដើម្បីបំពេញតម្រូវការរបស់បងប្អូនជនរួមជាតិ។
សម្រាប់ខាងជីវភាពវប្បធម៌និងស្មារតីរបស់បងប្អូនជនរួមជាតិ Khmer លោក Trắng បានស្នើបន្ថែម៖ “ខ្ញុំគិតថា ការបើកថ្នាក់បង្រៀនអក្សរ Khmer រដូវវិស្សមកាលពិតជាមានការត្រឹមត្រូវនិងមានអត្ថន័យខ្លាំងណាស់។ ថ្វីត្បិត បណ្តាថ្នាក់បង្រៀនអក្សរសាស្ត្រ Khmer គួរចាត់តាំងជាមូលដ្ឋានគ្រឹះយ៉ាងសមរម្យ និងត្រូវមានការយកចិត្តទុកដាក់យ៉ាងពិសេសលើសនេះទៀត ដើម្បីផ្តល់នូវចំណេះដឹងខាងអក្សរសាស្ត្រ Khmer ជូនបញ្ញវន្តជំនាន់ក្រោយ”។
បងប្អូនជនរួមជាតិ Khmer ឃុំ Hồ Thì Kỷ ពិតជាមានស្មារតីក្នុងការអភិរក្សនិងពង្រីកលក្ខណៈវប្បធម៌ប្រពៃណី។ (ក្នុងរូបថត៖ ឈុតសម្តែងសិល្បៈ Khmer ក្នុងពិធីបូកសរុបការសិក្សារបស់សាលាអនុវិទ្យាល័យ Hồ Thì Kỷ ឃុំ Hồ Thị Kỷ)។
លោក Nguyễn Việt Bắc បានវាយតម្លៃថា៖ “មាមីងបងប្អូន Khmer នៅភូមិ Đường Đào មិនត្រឹមគិតគូរដល់ការកសាងជីវភាពរស់នៅយ៉ាងមានរបៀបរៀបរយប៉ុណ្ណោះទេ ថែមទាំងមានស្មារតីក្នុងការអភិរក្សនិងពង្រីកលក្ខណៈវប្បធម៌ប្រពៃណីទៀតផង ព្រមទាំងក្លាហានក្នុងការចូលរួមផ្តល់មតិយោបល់ និងស្នើរាល់បញ្ហាផ្សេងៗដើម្បីកិច្ចការងាររួម។ ប្រការនេះគួរឱ្យកោតសរសើរ វាពិតជាមានតម្លៃខ្លាំងណាស់សម្រាប់ភូមិភាគបន្តអនុវត្តល្អថែមទៀតចំពោះការយកចិត្តទុកដាក់ អនុវត្តរាល់បណ្តាគោលនយោបាយជនជាតិសម្រាប់បងប្អូនជនរួមជាតិ Khmer រួមចំណែកក្នុងបុព្វហេតុនៃការអភិវឌ្ឍន៍រួមរបស់ស្រុកទេស”៕
Quốc Rin
