នៅរសៀលថ្ងៃទី ២៣ មិថុនា គ្រួសារជនរួមជាតិ Khmer ចំនួន ១០ គ្រួសារនៅឃុំ Long Điền សប្បាយរីករាយដែលបានទទួលពិធីបើកការដ្ឋានសាងសង់ផ្ទះថ្មីពីរដ្ឋអំណាចភូមិភាគ។ សម្រាប់គ្រួសារទាំងនេះ បានរស់នៅក្នុងផ្ទះរឹងមាំគឺជាក្តីស្រមៃដែលរង់ចាំជាយូរឆ្នាំមកហើយដែរ។
សមមិត្ត Nguyễn Nam Quân លេខាធិការបក្ស ប្រធានក្រុមប្រឹក្សាប្រជាជនឃុំ Long Điền ជូនពរបណ្តាគ្រួសារដែលទទួលបានការឧបត្ថម្ភថ្មីថ្មី។
សកម្មភាពនេះមានគោលបំណងសម្រេចផែនការលេខ ៣១៤/KH-UBND ចុះថ្ងៃទី ១ មិថុនា ឆ្នាំ ២០២៦ របស់គណៈកម្មាធិការប្រជាជនខេត្ត និងផែនការលេខ ៧៦/KH-MTTQ ចុះថ្ងៃទី ២ មិថុនា ឆ្នាំ ២០២៦ របស់គណៈកម្មាធិការអចិន្ត្រៃយ៍នៃគណៈកម្មាធិការរណសិរ្សមាតុភូមិ Việt Nam ខេត្ត Cà Mau ស្តីពីការសាងសង់ផ្ទះចំនួន ១.០០០ ខ្នងសម្រាប់គ្រួសារអ្នកទទួលផលគោលនយោបាយ គ្រួសារក្រីក្រ និងគ្រួសារប្រកៀកបន្ទាត់ក្រ។ តាមរយៈនោះ លើកកម្ពស់ការទទួលខុសត្រូវរបស់គណៈកម្មាធិការបក្ស រដ្ឋអំណាចភូមិភាគ រណសិរ្សមាតុភូមិ អង្គការនយោបាយ និងសង្គម និងសហគមន៍ក្នុងការអនុវត្តគោលនយោបាយសន្តិសុខសង្គម និងការថែទាំអតីតយុទ្ធជន និងគ្រួសារដែលស្ថិតក្នុងស្ថានភាពក្រលំបាក។
រាល់ផ្ទះនីមួយៗទទួលបានជំនួយទឹកប្រាក់ចំនួន ៨០ លានដុង ធានាបាននូវស្តង់ដារ "៣ រឹងមាំ"៖ គ្រឹះរឹងមាំ ស៊ុម/ជញ្ជាំងរឹងមាំ និងដំបូលរឹងមាំ ឆ្លើយតបតម្រូវការខាងគុណភាព ភាពធន់ និងសុវត្ថិភាពក្នុងអំឡុងពេលប្រើប្រាស់។ លើសពីនេះ ឃុំផ្តល់អាទិភាពដល់ការសាងសង់បង្គន់អនាម័យ ដើម្បីកែលម្អស្ថានភាពរស់នៅ និងការពារសុខភាពគ្រួសារទៀតផង។
លោក Trịnh Hùng Dũng នៅភូមិ Thạnh Trị រំភើបនិយាយថា៖ "ស្ថានភាពគ្រួសារខ្ញុំពិបាកណាស់។ ផ្ទះទ្រុឌទ្រោម និងលេចធ្លាយទឹកអស់រយៈពេលយូរឆ្នាំមកហើយ ប៉ុន្តែគ្មានសមត្ថភាពអាចកែជួសជុលបាន។ ឥឡូវនេះ ដោយបានការជំនួយឧបត្ថម្ភថវិកាដើម្បីសាងសង់ផ្ទះថ្មី យើងខ្ញុំក៏លែងចាំបាច់ព្រួយបារម្ភអំពីភ្លៀង ខ្យល់ទៀតហើយ។ ប្តីប្រពន្ធខ្ញុំសប្បាយចិត្តខ្លាំងណាស់"។
បច្ចុប្បន្ន ឃុំ Long Điên មានគ្រួសារជនជាតិ Khmer ៩៥៤ គ្រួសារ ដោយមានចំនួនប្រជាជន ៣៧៥០ នាក់។ កលភូមិសាស្ត្រមានភូមិចំនួន ៤ ជាតំបន់ជនរួមជាតិភាគតិចជួបលំបាកពិសេស។
តំណាងរដ្ឋអំណាចភូមិភាគ រួមជាមួយបណ្តាគ្រួសារប្រជាជនជាច្រើនប្រារម្ភពិធីបើការដ្ឋានសាងសង់ផ្ទះថ្មីដោយក្តីសប្បាយរីករាយ។
យោងតាមលោកស្រី Hoàng Thuý Nga អនុប្រធានគណៈកម្មាធិការប្រជាជនឃុំ Long Điền ដោយសារតែតំបន់នេះមានប្រជាជន Khmer ច្រើន គណៈកម្មាធិការបក្ស និងរដ្ឋអំណាចភូមិភាគ ឃុំតែងតែចាត់ទុកការយកចិត្តទុកដាក់ដល់ជីវភាពរស់នៅរបស់បងប្អូនជនរួមជាតិ Khmer ជាភារកិច្ចដ៏ចម្បង និងអាទិភាពមួយផងដែរ។ ចាប់ពីដើមឆ្នាំ២០២៦ រហូតមកដល់បច្ចុប្បន្ន ឃុំ ចាប់ផ្តើមសាងសង់ផ្ទះថ្មីបានចំនួន ១៤ ខ្នងសម្រាប់គ្រួសារក្រីក្រ និងគ្រួសារដែលមានជីវភាពខ្វះខាត ដោយផ្តល់អាទិភាពចម្បងដល់ជនរួមជាតិ Khmer ផងដែរ។
ការឧបត្ថម្ភសាងសង់លំនៅដ្ឋានមិនត្រឹមតែជួយគ្រួសារ Khmer ក្រីក្រ និងប្រកៀកបន្ទាត់ក្រប៉ុណ្ណោះទេ ថែមទាំងសម្រេចបាននូវគោលដៅនៃការលុបបំបាត់ផ្ទះបណ្ដោះអាសន្ន និងផ្ទះទ្រុឌទ្រោមក្នុងតំបន់នោះប្រកបដោយប្រសិទ្ធភាពផងដែរ។ នេះគឺជាភារកិច្ចដែលគណៈកម្មាធិការបក្ស និងរដ្ឋអំណាចឃុំឡុងដៀនកំពុងផ្តោតលើ ដើម្បីសម្តែងពីការយកចិត្តទុកដាក់ និងការទទួលខុសត្រូវចំពោះគ្រួសារដែលមានជីវភាពខ្វះខាតឱ្យប្រសើរឡើងជាបណ្តើរៗ និងឈាំនឡើងរួចចាកពីភាពក្រីក្រប្រកបដោយចីរភាព៕
Kim Phượng - Ngọc Trâm
