រយៈកាលកន្លង មជ្ឈមណ្ឌលសេវាកម្មការងារខេត្ត (ហៅកាត់ថាមជ្ឈមណ្ឌល) បានជំរុញយ៉ាងខ្លាំងខ្លាការតភ្ជាប់រវាងតម្រូវការពលករក្នុងនិងក្រៅប្រទេស ដើម្បីបង្កើតទំនុកចិត្ត និងកំណត់ទិសដៅល្អៗសម្រាប់ពលករនៅពេលដែលមានតម្រូវការសម្រាប់ស្វែងរកការងារធ្វើ។
លោកស្រី Quách Thanh Thoảng នាយកមជ្ឈមណ្ឌលសេវាកម្មការងារខេត្ត បានឱ្យដឹង៖ “ជារៀងរាល់ឆ្នាំ មជ្ឈមណ្ឌលតែងបានដាល់ចេញគម្រោងការអនុវត្តសកម្មភាពផ្សព្វផ្សាយ ពិគ្រោះយោបល់ឧទ្ទេសនាមការងារធ្វើដោយផ្ទាល់នៅតាមបណ្តាឃុំ និងស្រុកលើភូមិសាស្ត្រខេត្ត ដើម្បីជំនួយឧបត្ថម្ភ បង្កលក្ខណៈងាយស្រួលសម្រាប់ពលករបានចូលជិតជាមួយព័ត៌មានខាងការងារធ្វើស្របច្បាប់ ព្រមទាំងបានចូលរួមវិភាក្សាដោយផ្ទាល់ជាមួយក្រុមហ៊ុនជ្រើសរើសពលករដើម្បីទៅធ្វើការនៅក្នុង និងក្រៅប្រទេស”។
បុគ្គលិកនៃមណ្ឌល ធ្វើការណែនាំពលករស្រីពីព័ត៌មានទីផ្សារពលកម្មសក្តានុភាព។
នៅស្រុក Thới Bình ថ្មីៗនេះដែរ កម្មករនៅភូមិភាគប្រមាណ៥០រូបបានចេញទៅធ្វើពលករតាមរដូវកាលនៅប្រទេស Hàn Quốc ផ្តល់ជំនួយគ្រួសារមានលក្ខណៈដើម្បីអភិវឌ្ឍសេដ្ឋកិច្ច។ ទោះបីជាទើបនិងចេញទៅធ្វើការងារបានរយៈពេលជិត៤ខែ ក្តី ប៉ុន្តែជារៀងរាល់ខែ បន្ទាប់ពីទូទាត់ខាងធានារ៉ាប់រងសុខភាព និងប្រាក់បង់ថ្លៃជួលផ្ទះ និងចំណាយប្រើប្រាស់ប្រចាំថ្ងៃរួចរាល់ បងស្រី Đỗ Ngọc Mai នៅភូមិលេខ៧ ឃុំ Trí Lực ស្រុក Thới Bình ក៏បានផ្ញើជូនគ្រួសារដោយទឹកប្រាក់ជាង២០លានដុងផងដែរ។ យោងតាមប្រសាសន៍របស់អ្នកមីង Châu Ngọc Hà ដែលត្រូវជាម្តាយរបស់បងស្រី Mai ចែករំលែក ការងារសម្រាប់ពលករនៅប្រទេស Hàn Quốc ក៏ដូចជានៅ Việt Nam យើងដែរ តែគេប្រើប្រាស់ឧបករខាងបច្ចេកវិទ្យាខ្ពស់។ មួយថ្ងៃធ្វើការ៨ម៉ោង មានរថយន្តនាំទៅនាំមកដល់ទីកន្លែង ក្រុមហ៊ុនជំនួយឧបត្ថម្ភ និងការពារសិទ្ធិពលករ Việt Nam បង្កើតបរិយាកាសធ្វើការងាយស្រួល និងជំនាញទៀតផង។
“រៀងរាល់ថ្ងៃនៅពេលដែលខ្ញុំឮកូនៗចែករំលែកអំពីការងារ និងប្រាក់ខែ រួមទាំងជីវភាពរស់នៅប្រចាំថ្ងៃរបស់ពួកគេនៅទីនោះ គ្រួសារខ្ញុំមានអារម្មណ៍ថាមានសុវត្ថិភាពណាស់ដែរ។ ថ្វីត្បិតតែវាជាការងារដែលយោងតាមរដូវកាលសម្រាប់រយៈពេល៦ខែក៏ដោយ ប៉ុន្តែការសន្សំប្រាក់ប្រចាំខែគឺច្រើនជាងធ្វើការនៅស្រុកកំណើតខ្លួនផងដែរ” អ្នកមីង រំភើបចិត្តនិយាយដូច្នេះ។
លោក Trần Thanh Trung អនុប្រធានមន្ទីរការងារ យុទ្ធជនពិការ និងសង្គមស្រុក Thới Bình ឱ្យដឹង៖ “ស្រុកទើបតែបានចុះហត្ថលេខាលើកិច្ចព្រមព្រៀងជាមួយខណ្ឌ Buan ខេត្ត Jeollabuk នៃប្រទេស Hàn Quốc ដើម្បីបញ្ជូនពលករភូមិភាគនេះទៅធ្វើការតាមរដូវកាល។ នេះជាឱកាសដ៏ដែលគួរឱ្យរំភើបរីករាយនូវខណៈពេលដែលស្រុករបស់ខ្លួនបានបង្កលក្ខណៈងាយស្រួលបញ្ជូនពលករចំនួន៥០នាក់ឱ្យទៅធ្វើការនៅទីនោះដោយមានសុវត្ថិភាព។ ការងារខាងវិស័យកសិករមានភាពសមស្របជាមួយពលករជនបទ ដូច្នេះហើយពេលដែលទៅធ្វើការ ពលករទាំងឡាយពិតជាងាយស្រួល និងមានទំនុកចិត្តយ៉ាងខ្លាំង ព្រមទាំងធ្វើការបានល្អតាមការកំណត់របស់ក្រុមហ៊ុនទៀត ផង។ ជាមួយនឹងអត្ថប្រយោជន៍នៃការបង់ថ្លៃធានារ៉ាប់រង ការឧបត្ថម្ភកន្លែងស្នាក់នៅ ក៏ដូចជាចំនួនប្រាក់ខែខ្ពស់សម្រាប់ផ្ញើមកជូនគ្រួសារ ដូច្នេះហើយ ពលករទាំងឡាយក៏មានចិត្តសប្បាយរីករាយណាស់ដែរ ដោយមានការងារធ្វើស្របច្បាប់នៅប្រទេស Hàn Quốc”។
គ្រួសារអ្នកមីង Châu Ngọc Hà មានអារម្មណ៍ថាមានសុវត្ថិភាពខ្លាំងណាស់នៅពេលដែលកូនរបស់ខ្លួនបានជម្រើសទៅធ្វើការនៅប្រទេសក្រៅតាមរយៈការឧទ្ទេសនាមរបស់មជ្ឈមណ្ឌល។
ជាស្ពានតភ្ជាប់សម្រាប់ឆ្លើយតតម្រូវការពលករខេត្ត Cà Mau មជ្ឈមណ្ឌលបានសម្របសម្រួលយ៉ាងជិតស្និទ្ធជាមួយភូមិភាគទាំងឡាយក្នុងនិងក្រៅខេត្ត ជាពិសេសបណ្តាក្រុមហ៊ុននានា និងជាជីវកម្មទាំងឡាយត្រូវបញ្ជូនណែនាំអនុវត្តសម្រាប់ការបញ្ជូនពលករទៅធ្វើការក្រៅប្រទេស។ លើសពីនេះ ដើម្បីប្រជាពលរដ្ឋគ្រប់រូបលើភូមិសាស្ត្រខេត្តមានអារម្មណ៍ថាខ្លួននឹងមានសុវត្ថិភាព ជឿជាក់ និងចុះឈ្មោះស្វែងរកការងារតាមរយៈមជ្ឈមណ្ឌល អង្គភាពបាននិងកំពុងបានធ្វើការណែនាំ ជំនួយការពលករឆែកចូលតាមប្រព័ន្ធបណ្តាញ និងចុះឈ្មោះស្វែងរកការងារតាមរយៈកម្មវិធីកម្មវិធី ឆ្លាតវៃ ដោយពលករធ្វើការស្កេនលេខកូដ QR ដើម្បីស្វែងរកព័ត៌មានការងារធ្វើ ផ្តើមពីនោះ នឹងចុះឈ្មោះសម្រាប់ព័ត៌មានការងារតាមរយៈកម្មវិធីនេះ។
“ទន្ទឹមនិងនោះ មជ្ឈមណ្ឌលនៅរិះរកគ្រប់វិធីសាស្ត្រដើម្បីជំនួយឧបត្ថម្ភ និងពិគ្រោះយោបល់សម្រាប់ពលករទាំងឡាយយោងតាមប្រព័ន្ធកម្មវិធី Zalo ០៨៨៦.៨២៦.៣១៣ និង Facebook។ មជ្ឈមណ្ឌលសេវាកម្មការងារធ្វើខេត្ត Cà Mau និងគេហទំព័រ៖ https://vieclam.camau.gov.vn។ ក្រៅពីនោះ តាមរយៈZalo ក្រុម “កាហ្វេផ្សាភ្ជាប់អាជីវកម្មខេត្ត Cà Mau” និងសមាគមអាជីវកម្មខេត្ត។ មណ្ឌលនឹងផ្តល់ព័ត៌មានលម្អិតជាប្រចាំតាមតម្រូវការជ្រើសរើសពលករ ដើម្បីបង្កើនប្រភពពលករសម្រាប់ធ្វើការលើភូមិសាស្ត្រខេត្ត Cà Mau” លោកស្រី Quách Thanh Thoảng មានប្រសាសន៍បែបនេះ៕
Hằng My
