ឃុំ Tân Lộc Bắc ស្រុក Thới Bình មាន១៦៥គ្រួសារជនជាតិភាគតិច ក្នុងនោះភាគច្រើនជាគ្រួសារ Khmer មានចំនួន១៥០គ្រួសារ។ អ្នកស្រី Lâm Thị Trúc Mai ប្រធានគណៈកម្មាធិការប្រជាជនឃុំ បានឱ្យដឹង៖ “ឃុំមានភូមិលេខ៧ ដែលជាភូមិជួបពិបាកពិសេស និងភូមិលេខ៤ ជាតំបន់ជនជាតិភាគតិចដែលមានជនរួមជាតិKhmer រស់នៅច្រើនកុះករ។ បច្ចុប្បន្នឃុំនេះមានគ្រួសារក្រីក្រចំនួន១៦គ្រួសារ និង១៣គ្រួសារក្បែរបន្ទាត់ក្រជាជនជាតិ Khmer បានបន្ថយចុះយ៉ាងសកម្មបើបៀបជាមួយតំណាក់កាលមុន។ ទោះបីជាជីវភាពរបស់មាមីងបងប្អូនមួយថ្ងៃកាន់តែមានភាពរីកចម្រើនក្តី តែក៏កំពុងប្រឈរមុខជាមួយការលំបាក ជាពិសេសសកម្មភាពនៃការលុបបំបាត់ក្រ កាត់បន្ថយភាពក្រីក្រ និងបង្កើនការអភិវឌ្ឍប្រកបដោយចីរភាព”។
លោក Nguyễn Việt Bắc ប្រធានភូមិលេខ៧ មានប្រសាសន៍៖ “ភូមិនេះមានគ្រួសារជនជាតិភាគតិចចំនួន៤៣គ្រួសារ សព្វថ្ងៃនូវត្រឹម៥គ្រួសារក្រ និង២គ្រួសារក្បែរបន្ទាត់ក្រជាជនជាតិ Khmer បើធៀបនឹងឆ្នាំ២០០២ ដែលបងប្អូនជនរួមជាតិ Khmer ស្ទើគ្រប់គ្រួសារទូទាំងភូមិដែលស្ថិតក្នុងជីវភាពក្រ និងក្បែរបន្ទាត់ក្រ គឺទាំងនេះជាការអភិវឌ្ឍន៍គួរឲ្យកត់សម្គាល់ផងដែរ។ ទោះជាយ៉ាងនេះក្តី បងប្អូនជនរួមជាតិ Khmer ក៏ត្រូវការជំនួយឧបត្ថម្ភយ៉ាងសកម្មថែមទៀត ពោលគឺមិនត្រឹមរួចចាកក្រ និងលុបបំបាត់ក្រនោះទេ ថែមទាំងឈានឡើងអភិវឌ្ឍន៍ទៀតផង”។
បងស្រី Hữu Thị Phẹl សង្ឃឹមទទួលបានការឧបត្ថម្ភដើមទុនថែមទៀត ដើម្បីពង្រីកការចិញ្ចឹម និងអភិវឌ្ឍន៍សេដ្ឋកិច្ចគ្រួសារ។
“តាមខ្ញុំ រាល់ដំណោះស្រាយនៃការឧបត្ថម្ភសម្រាប់បងប្អូនជនរួមជាតិ Khmer គួរមានភាពជាក់ស្តែង និងសមស្របជាមួយលក្ខណៈ និងសមត្ថភាពរៀងៗខ្លួនរបស់បងប្អូនប្រជាជន មានដូចជាចំណេះដឹង បំណិនក្នុងការចិញ្ចឹមបង្គារ ក្តាម ត្រី និងចិញ្ចឹមបសុសត្វ លក់ដូរកំប៊ិចកំប៉ុក ឬក៏ទម្រង់សេដ្ឋកិច្ចដែលមានប្រសិទ្ធភាពជាដើម។ ចំណែកឯមុខរបរថ្មីវិញ គួរមានភាពជាក់ស្តែងចំពោះការនាំចេញ និងធានាប្រភពប្រាក់ចំណូល ពោលគឺមិនទុកឱ្យបងប្អូនប្រជាជនត្រូវលះបង់កម្លាំងទទេៗដោយឥតប្រយោជន៍នោះទេ” លោក Bắc បានបន្តបែបនេះ។
អ្នកមីង Thạch Thị Bé នៅភូមិលេខ៧ បានរួចផុតពីភាពក្រីក្រនូវឆ្នាំ២០២៣ ទោះជាយ៉ាងនេះក្តី គ្រួសារនៅតែមានការព្រួយបារម្ភជាច្រើន។ អ្នកមីង Bảy ឱ្យដឹង៖ “ពីមុនខ្ញុំបានបញ្ចាំដីស្រែឱ្យទៅគេចំនួន៤កុង អាស្រ័យមានអ្នកជំនួយប្រាក់ដើម្បីលោះមកវិញ ទើបគ្រួសារខ្ញុំបានលំនឹងចិត្ត។ ពិតមែនតែបានរួចចាកក្រ តែក៏នូវខ្វះបំណុលអ្នកដែលបានជួយសងចំណុះរហូតមកទល់ពេលនេះមិនទាន់សងរួចផង ដូច្នេះហើយ ទើបគ្រួសារខ្ញុំមានការរអែងចិត្តណាស់ដែរ”។
អ្នកមីង Bảy សព្វថ្ងៃមានអាយុ៧៤ឆ្នាំ ដោយរស់នៅជាមួយប្តីប្រពន្ធរបស់កូនប្រុស គឺលោក Thạch Văn Dân និងបងស្រី Hữu Thị Phẹl។ ដោយបានបក្សនិងរដ្ឋជំនួយឧបត្ថម្ភហ្វូងទាមួយហ្វូងសម្រាប់ចិញ្ចឹម បងស្រី Phẹl ខិតខំចិញ្ចឹមថែដោយតាំងចិត្តថា “ប្តីខ្ញុំកើតមានជំងឺទឹកនោមផ្អែម ប្តីប្រពន្ធនូវចិញ្ចឹមកូនរៀនសូត្រ៣នាក់ទៀតនោះ ក៏មានបំណងប្រាថ្នាជីវភាពធូរធារផងដែរទេសព្វថ្ងៃនូវជួបលំបាកគ្រប់សព្វបែបយ៉ាង។ បើសិនមានឱកាសបានចូលជិតប្រភពទុនច្រើនថែមទៀត នឹងពង្រីកទូលាយការចិញ្ចឹម គឺប្តីប្រពន្ធខ្ញុំនឹងខិតខំប្រឹងប្រែងរកស៊ីដើម្បីអភិវឌ្ឍសេដ្ឋកិច្ច។ សព្វថ្ងៃ ប្រសិនបើចង់ធ្វើអ្វីមួយក៏ត្រូវការប្រាក់ដែរ តែគ្រួសារខ្ញុំមិនគ្រប់សមត្ថភាព”។
បង Thạch Ngọc Ga សង្ឃឹមចង់មានឱកាសបានចូលជិតប្រភពទុនអនុគ្រោះ ដើម្បីបន្ត និងពង្រីកទម្រង់ចិញ្ចឹមអន្ទង់បន្ថែមទៀតក្នុងអាងស៊ីម៉ងដែលមានប្រសិទ្ធភាពរបស់គ្រួសារខ្លួននាពេលអនាគត។
សម្រាប់គ្រួសារលោក Thạch Ngọc Ga នៅភូមិលេខ៧ ទម្រង់ចិញ្ចឹមអន្ទង់ដោយអាងស៊ីម៉ង់ដែលផ្តល់ប្រសិទ្ធភាពយ៉ាងសកម្ម។ បន្ទាប់ពីចិញ្ចឹមបានមួយរដូវទទួលជោគជ័យ បង Ga ក៏បានចិញ្ចឹមបន្តថែម៣អាងទៀត ដោយមានចំនួនពូជអង្ទង់ប្រមាណជាង៧ពាន់ក្បាល។ ផ្តើមពីការពឹងលើខ្លួនឯង និងការតាំងចិត្តខិតខំឈានឡើង បង Ga បានស្នើថា៖ “ការចិញ្ចឹមអង្ទង់ពិតមែនតែមានប្រសិទ្ធភាព តែដើមទុនដែលត្រូវដាក់ចេញក៏ច្រើនណាស់ដែរ គ្រួសារខ្ញុំត្រូវខិតខំយ៉ាងអស់ពីសមត្ថភាពក្នុងការចិញ្ចឹម។ ប្រសិនបើមានឱកាសបានចូលជិតបណ្តាប្រភពទុនអនុគ្រោះ ការជំនួយបន្ថែម គឺមិនដឹងជាសប្បាយយ៉ាងណានោះទេ។ ភាពលំបាកសម្រាប់មាមីងបងប្អូន Khmer ទាំងឡាយនៅទីនេះនិយាយរួម គឺខាងបញ្ហាដើមទុនតែម្តង សម្រាប់ក្នុងការវិនិយោគរកស៊ី”។
ប្រភពទុនសរុបសម្រាប់អនុវត្តបណ្តាកម្មវិធី គម្រោងការអភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិចនៅឃុំ Tân Lộc Bắc ចាប់ពីឆ្នាំ២០២១ រហូតដល់ពេលនេះមានជិត១,២ពាន់លានដុង។ អ្នកស្រី Lâm Thị Trúc Mai បានប្តេជ្ញាចិត្តថា៖ “ដើម្បីជំនួយឧបត្ថម្ភបងប្អូនជនរួមជាតិភាគតិចក្នុងតំណាក់កាលខាងមុខនេះ គឺបញ្ហាសម្រាប់អភិវឌ្ឍន៍ផលិត និងការធ្វើពិពិធកម្មនៃការរស់នៅសហគមន៍ចាំបាច់ត្រូវជាបញ្ហាអនុគ្រោះ។ នេះគឺជាគន្លឹះសម្រាប់ក្នុងការកាត់បន្ថយក្រ និងលុបបំបាត់ភាពក្រីក្រ ជំនួយបងប្អូនជនរួមជាតិមានលក្ខណៈឈានឡើង ដើម្បីកសាងជីវភាពធូរធារ រួមដំណើរការជាមួយមាមីងបងប្អូនដទៃទៀតគួរត្រូវបានអនុវត្តព្រមព្រៀងគ្នា សមស្រប និងប្រសិទ្ធភាព”៕
Quốc Rin
