ផ្តើមពីគោលនយោបាយឧបត្ថម្ភរបស់រដ្ឋ រួមជាមួយនឹងការខិតខំប្រឹងប្រែងពលកម្មផលិតរបស់បងប្អូនជនរួមជាតិនៅភូមិ Kinh Đứng B ឃុំKhánh Hưng ស្រុក Trần Văn Thời កាន់តែមានភាពលំនឹងជាសន្សឹមៗ និងអភិវឌ្ឍន៍សេដ្ឋកិច្ច។
ដោយទទួលបានការឧបត្ថម្ភពីកម្មវិធីគោលដៅជាតិសម្រាប់ការអភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិច និងតំបន់ភ្នំតំណាក់កាល២០២១-២០២៣ បណ្តាគោលនយោបាយឥណទាន និងការផ្លាស់ប្តូរគំនិតរបស់គ្រួសារជាច្រើនក៏មានលក្ខណៈឈានឡើងរួចផុតពីភាពក្រីក្រ ឆ្ពោះទៅរកជីវភាពរុងរឿង សុភមង្គល។
អ្នកមីង Quách Thị Kim Luông បង្វែផ្ទៃដីផលិតស្រូវដែលគ្មានប្រសិទ្ធភាពទៅជាដាំបន្លែ ផ្តល់នូវប្រាក់ចំណូលនឹងនរ។
អ្នកមីង Quách Thị Kim Luông នៅភូមិ Kinh Đứng B មានប្រសាសន៍៖ “កាលពីមុនធ្វើស្រែមិនសូវបានផល ខ្ញុំក៏សម្រេចចិត្តផ្លាស់ទៅដាំបន្លែផ្សេងៗគ្រប់ប្រភេទ មានដូចជា៖ ត្រសក់ ម្រះ សណ្តែកគួ ពោតបារាំង។ អាស្រ័យបុកទុនអំពីធនាគារគោលនយោបាយសង្គមសម្រាប់ទិញពូជដំណាំ និងជីរ គ្រួសារខ្ញុំក៏មានលក្ខណៈដាំដុះ លំនឹងប្រភពប្រាក់ចំណូល និងសង់អស់បំណុលទៀតផង”។
ថ្វីត្បិតតែមានការជួបលំបាកខ្លាំងខណៈដែលតម្លៃខាងកសិផលមិនប្រក្រតីក៏ដោយ តែអ្នកមីងលួង ហាក់ដូចជាគ្មានអ្វីកើតឡើង អ្នក មីងគិតថា៖ “តម្លៃត្រសក់នាបច្ចុប្បន្នធ្លាក់ចុះទាបជាងមុន ប៉ុន្តែខ្ញុំសង្ឃឹមថាតម្លៃនឹងកើនឡើងក្នុងអំឡុងបុណ្យចូលឆ្នាំវៀតណាម (tết Nguyên đán) ឆាប់ៗខាងមុខនេះ អាចជួយគ្រួសារខ្ញុំមានចំណូលកាន់តែច្រើនថែមទៀត”។
ជាអ្នករួមភូមិជាមួយ ទោះបីគ្រួសារជួបការលំបាកទាំងខណៈពេលដែលប្តីជួបគ្រោះថ្នាក់ចរាចរណ៍មិនអាចបន្តពលកម្មបាន តែអ្នកមីង សើងធីផា នូវតែខិតខំប្រឹងប្រែងចិញ្ចឹមមាន់ ទា និងជ្រូក ព្រមទាំងប្រកបរបរស៊ីឈ្នួលដើម្បីគិតគូរឱ្យកូនរៀនសូត្រ។ “ដោយបានរដ្ឋអំ ណាចភូមិភាគណែនាំខាងបច្ចេកទេស ខ្ញុំក៏ចិញ្ចឹមយ៉ាងមានប្រសិទ្ធភាព។ សព្វថ្ងៃជីវភាពក៏បានលំនឹងប្រសើរជាងមុន ហើយក៏មានការរីកចម្រើនណាស់ដែរ” អ្នកមីង Pha មានប្រសាសន៍បែបនេះ។
លោក Lưu Thanh Trường លេខាសាខាបក្សភូមិ Kinh Đứng B ឱ្យដឹង៖ “យោងតាមរយៈនៃការបណ្តុះបណ្តាល ខ្ញុំបានផ្សព្វផ្សាយជូនបងប្អូនប្រជាជនអំពីសមភាពយេនឌ័រ ការទប់ស្កាត់អំពើហិង្សាក្នុងគ្រួសារ និងការអភិវឌ្ឍន៍សេដ្ឋកិច្ច។ ផ្តើមពីនោះ បណ្តាគ្រួសារក្រីក្រ និងក្បែរបន្ទាត់ក្រមួយចំនួនរបស់ភូមិក៏បានបន្ថយចុះចាប់ពី៣៣គ្រួសារ ឆ្នាំ២០២៣បន្ថយចុះនូវត្រឹម២៥គ្រួសារ ខិតខំបន្ថយចុះក្នុងរយៈពេលខាងមុខបន្តទៀត”។
យោងតាមប្រសាសន៍របស់លោក Trần Hữu Trí អនុប្រធានគណៈកម្មាធិការប្រជាជនឃុំ Khánh Hưng ដោយសារអនុវត្តល្អរាល់បណ្តា គោលនយោបាយជនជាតិទើបការងារកាត់បន្ថយក្ររបស់ភូមិភាគទទួលបានលទ្ធផលគួរឱ្យកត់សម្គាល់។ ដល់ឆ្នាំ២០២៤ គ្រួសារក្រក្នុង ជនរួមជាតិបន្ថយចុះនូវត្រឹម១៩គ្រួសារ គ្រួសារក្បែរបន្ទាត់ក្រនូវត្រឹម១៧គ្រួសារ ប្រៀបនឹង៥១គ្រួសារក្រីក្រ និង៣៤គ្រួសារក្បែរបន្ទាត់ក្រឆ្នាំ២០២០។
បណ្តាបងប្អូនស្ត្រីថ្នាក់ដឹកនាំគ្រប់លំដាប់ថ្នាក់ក្នុងខេត្តតែងអញ្ជើញទៅសួរសុខទុក្ខ និងធ្វើការផ្សព្វផ្សាយជូនបងប្អូននារី Khmer ស្តីពីការផ្លាស់ប្តូរគំណិត និងរបៀបធ្វើ ព្រមទាំងជំរុញការអភិវឌ្ឍន៍សេដ្ឋកិច្ច។
“គម្រោងទី៨នៃកម្មវិធីគោលដៅជាតិសម្រាប់ការអភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិច និងតំបន់ភ្នំ តំណាក់កាល ២០២១-២០៣០ ស្តីពី "ការលើកកម្ពស់សមភាពយេនឌ័រ និងការដោះស្រាយបញ្ហាជាបន្ទាន់សម្រាប់ស្ត្រី និងកុមារ" ផ្តោតលើការផ្លាស់ប្តូរគំ និតស្តីពីសមភាពយេនឌ័រ លុបបំបាត់ការរើសអើង និងលើកកម្ពស់តួនាទីរបស់ស្ត្រីជនជាតិភាគតិច។ ចំពោះបងប្អូនស្ត្រីនាពេលសព្វថ្ងៃនេះ មិនត្រឹមតែគិតគូរការងារផ្ទះតែម្យ៉ាងប៉ុណ្ណោះទេ ពោលគឺបានចូលរួមការងារនៅតាមគ្រប់បណ្តាក្រុមហ៊ុន រោងចក្រផ្សេងៗ ប្រកបសេដ្ឋកិច្ចដោយសេរី និងលើកកម្ពស់គុណភាពរស់នៅ” លោកទ្រីបានឱ្យដឹងបន្ថែមដូច្នេះ។
ជីវភាពឈានឡើងរបស់បងប្អូន Khmer នៅភូមិ Kinh Đứng B ជាសក្ខីភាពយ៉ាងច្បាស់លាស់ចំពោះឆន្ទៈឈានឡើង និងស្មារតីសាមគ្គីភាពរបស់បងប្អូនប្រជាជន ព្រមទាំងលទ្ធផលនៃបណ្តាគោលនយោបាយឧបត្ថម្ភរបស់រដ្ឋ និងការយកចិត្តទុកដាក់របស់គណៈកម្មាធិ ការបក្សគ្រប់បណ្តាថ្នាក់ និងរដ្ឋអំណាចភូមិភាគ ព្រមទាំងអង្គការចាត់តាំងនយោបាយ-សង្គមនៅភូមិភាគ៕
Phúc Duy - Trầm Nghĩ
