បន្ទាប់ពីរួមក្តីសប្បាយបុណ្យចូលឆ្នាំ Tết ជាមួយបងប្អូនជនជាតិ Kinh ជនរួមជាតិ Khmer ក៏ឈូឆររៀបចំទទួលបុណ្យចូលឆ្នាំថ្មីប្រពៃណីរបស់ខ្លួនដែលប្រព្រឹត្តិឡើងក្នុងពាក់កណ្តាលខែមេសាជារៀងរាល់ឆ្នាំ។ ឆ្នាំនេះបុណ្យចូលឆា្នំត្រូវនឹងថ្ងៃទី១៤, ១៥ និង១៦ខែមេសា។
សមណៈកុដិវត្តតាមហ៊ីប (Tam Hiệp) ឃុំ Trần Hợi ស្រុក Trần Văn Thời កំពុងជិតបានសម្រេចដើម្បីដាក់ឱ្យប្រើប្រាស់ជាផ្លូវការទាន់រដូវបុណ្យចូលឆ្នាំថ្មីប្រពៃណី Khmer ២០២៥។
បណ្តាថ្ងៃជិតឈានដល់ថ្ងៃចូលឆ្នាំ ប្រសិនបើយើងរាល់គ្នាបានទៅតំបន់ភូមិស្រុក Khmer រស់នៅ និងអាចងាយជួបប្រទះនៅបរិយាកាសសប្បាយអូរអររបស់បងប្អូន Khmer ត្រៀមទទួលឆ្នាំថ្មី ជាពិសេសនៅតាមវត្តអារាម និងបានឃើញមាមីងបងប្អូន Khmer នំគ្នាបោសសំអាតអនាម័យបរិវេណវត្តយ៉ាងរៀបរយសម្រាប់ទទួលទេវតាឆ្នាំថ្មី។
ប៉ុន្មានឆ្នាំកន្លងមកនេះ បក្សនិងរដ្ឋបានចេញនូវគោលនយោបាយអាទិភាពជាច្រើនសម្រាប់វិនិយោគឧបត្ថម្ភអភិវឌ្ឍន៍សេដ្ឋកិច្ច-សង្គមតំបន់ជនរួមជាតិ Khmer។ ជាពិសេសកម្មវិធីលុបបំបាត់ផ្ទះបណ្តោះអាសន្ន និងផ្ទះទ្រុឌទ្រោម។ ដោយសារបែបនេះហើយ ទើបជីវភាពសេដ្ឋកិច្ចរបស់បងប្អូន Khmer កាន់តែមានការលើកកម្ពស់ពីមួយថ្ងៃទៅមួយថ្ងៃ ទិដ្ឋភាពតំបន់ជនរួមជាតិក៏កាន់តែមានសម្រស់ គ្រួសារក្រក៏ត្រូវបានបន្ថយចុះគួរឱ្យកត់សម្គាល់។
ឆ្នាំនេះ គ្រួសារលោក Hữu Thành Phúc បានទទួលបុណ្យចូលឆ្នាំថ្មីប្រកបដោយភាពកក់ក្តៅក្នុងគេហដ្ឋានថ្មីរបស់ខ្លួន។
មិនអាចលាក់នូវក្តីសប្បាយមុនថថ្ងៃជិតដល់បុណ្យចូលឆ្នាំបាន លោក Huỳnh Mác ប្រធានគណៈកម្មការវត្តតាមហ៊ីប (Tam Hiệp) ឃុំ Trần Hợi ស្រុក Trần Văn Thời មានប្រសាសន៍៖ “អាស្រ័យទទួលបានការយកចិត្តទុកដាក់ឧបត្ថម្ភរបស់បក្សនិងរដ្ឋ ទើបជីវភាពបងប្អូនជនរួមជាតិ Khmer ទាំងឡាយនិយាយរួម មាមីងពុទ្ធបរិស័ទ Khmer ចំណុះវត្តតាមហ៊ីប (Tam Hiệp) និយាយដោយឡែក មានការផ្លាស់ប្តូរយ៉ាងសកម្ម។ មាមីងប្អូនរស់នៅសាមគ្គី ជួយគ្នាទៅវិញទៅមកដើម្បីរួមគ្នាឈានឡើង។ ទន្ទឹមជាមួយការជំនួយឧបត្ថម្ភកែជួសជុលព្រះវិហារបេតិកភណ្ឌរបស់វត្តដោយសរុបទឹកប្រាក់ចំនួន៨០០លានដុង រដ្ឋថែមទាំងបានឧបត្ថម្ភទឹកប្រាក់បន្ថែមចំនួន៧០០ទៀតសម្រាប់កសាងកុដិ។ បច្ចុប្បន្នកំពុងជិតបានសម្រេចដែរហើយដើម្បីដាក់ឱ្យប្រើប្រាស់ទាន់ឱកាសបុណ្យចូលឆ្នាំថ្មី២០២៥នេះឯង។ នេះជាក្តីសប្បាយដ៏មហាធំធេងបំផុតសម្រាប់មាមីងពុទ្ធបរិស័ទចំណុះវត្តតាមហ៊ីប (Tam Hiệp) ទាំងមូលផងដែរ”។
ផ្តើមពីការយកចិត្តទុកដាក់របស់បក្សនិងរដ្ឋ តំបន់ជនរួមជាតិនាពេលបច្ចុប្បន្នក៏មានការផ្លាស់ប្តូរយ៉ាងសកម្ម ផ្លូវថ្នល់ក៏ធំទូលាយ បង្កលក្ខណៈងាយស្រួលសម្រាប់បងប្អូនប្ករជាជនធ្វើដមណោះរទៅមក ជាពិសេសក្នុងឱកាសបុណ្យចូលឆ្នាំតែម្តង។
ដោយឡែកចំពោះគ្រួសារលោក Hữu Thành Phúc នៅភូមិ Đường Đào ឃុំ Hồ Thị Kỷ ស្រុក Thới Bình វិញ ឆ្នាំនេះក្តីសប្បាយកាន់តែកើនទ្វេដងខណៈពេលបានបានទទួលបុណ្យចូលឆ្នាំថ្មីក្នុងគេហដ្ឋាថ្មីដែលរដ្ឋទើបជំនួយឧបត្ថម្ភសាងសង់តាមកម្មវិធីលុបបំបាត់ផ្ទះបណ្តោះអាសន្ន និងផ្ទះទ្រុឌទ្រោម។
បណ្តាវត្តអារាម Khmer ក្នុងខេត្តក៏ត្រូវបានធ្វើការបោសសំអាតអនាម័យ និងលាបថ្នាំព័ណ៌រាល់សំណង់នៃស្ថាបត្យកម្មទាំងឡាយដើម្បីទទួលអំណរបុណ្យចូលឆ្នាំថ្មី។
លោក Phúc ចែករំលែក៖ “ឆ្នាំនេះ ប្តីប្រពន្ធខ្ញុំពិតជាមានការសប្បាយនិងរំណភើបខ្លាំងណាស់ពេលដែលបានទទួលឆ្នាំថ្មីក្នុងផ្ទះថ្មី។ ខ្ញុំសូមផ្ញើការអរគុណយ៉ាងជ្រាលជ្រៅចំពោះបក្សនិងរដ្ឋ ព្រមទាំងរដ្ឋអំណាចភូមិភាគផងដែរដែលបានជំនួយឧបត្ថម្ភគ្រួសារខ្ញុំមានផ្ទះថ្មីដ៏ធំទូលាយបែបនេះ។ គ្រួសារខ្ញុំសូមសន្យាថានឹងបន្តខិតខំរកស៊ី ពលកម្មផលិតដើម្បីឆ្លងកាត់ការលំបាក ឈានឡើងលំនឹងជីវភាព”៕
Danh Điệp
