ចាប់ពីថ្ងៃទី៦ដល់ថ្ងៃទី៨ ខែឧសភា នៅវិជ្ជាស្ថានសមាគមពុទ្ធសាសនា Việt Nam នៃទីក្រុង Hồ Chí Minh បានប្រព្រឹត្តឡើងពិធីបុណ្យវិសាខបូជានៃអង្គការសហប្រជាជាតិ ឆ្នាំ២០២៥។ មាន គណៈប្រតិភូមតំណាងប្រមាណជាង២.៧០០នាក់និមន្តនិងអញ្ជើញចូលរួម ក្នុងនោះមាន១.២៥០ប្រតិភូអន្តរជាតិដែលនិមន្តនិងអញ្ជើញមកពី៨៥ប្រទេស។
ពិសេសជាងនោះទៀត ថែមទាំងមានការអញ្ជើញចូលរួមរបស់ប្រធានរដ្ឋ Lương Cường ថ្លែយោបល់ក្នុងពិធីបើកបុណ្យវិសាខបូជានៃអង្គការសហប្រជាជាតិ ឆ្នាំ២០២៥ផងដែរ ព្រមទាំងបានវាយតម្លៃខ្ពស់អំពីប្រធានបទនៃបុណ្យវិសាខបូជា ឆ្នាំ២០២៥ “សាមគ្គីនិងអាណិតអាសូរដើម្បីភាពថ្លៃថ្នូររបស់មនុស្ស៖ បញ្ញាញាណពុទ្ធសាសនាដើម្បីឯករាជ្យពិភពលោកនិងការអភិវឌ្ឍន៍ចីរភាព” ប្រធានរដ្ឋបានសង្កត់ធ្ងន់ទៀតថា នេះគឺជាសារដ៏មានអត្ថន័យយ៉ាងជ្រាលជ្រៅក្នុងស្ថានភាពដែលពិភពលោកកំពុងប្រឈមមុខជាមួយការបង្កហេតុ វិសមភាព អាកាសធាតុប្រែប្រួលខុសប្រក្រដី និងកលយុគ្គខាងសីលធម៌សង្គម។
ព្រះឧបជ្ឈាយ៍ Thích Thiện Nhơn អគ្គមហាសង្ឃរាជាធិបតី ប្រធានសមាគមសង្ឃាភិបាលនៃសមាគមពុទ្ធសាសនា Việt Nam ប្រធានគណៈកម្មាធិការនៃអង្គការចាត់តាំងបុណ្យជាតិវិសាខបូជានៃអង្គការសហប្រជាជាតិ ឆ្នាំ២០២៥ សម្តែងសុទ្ទរកថាបើកពិធីបុណ្យវិសាខបូជា កាលពីថ្ងៃទី៦ ខែឧសភា។
លើកឡើងយ៉ាងច្បាស់ថា Việt Nam គឺជាប្រទេសមួយដែលមានប្រពៃណីពុទ្ធសាសនាដ៏ច្រើនជំនាន់ណាសណាស់មកហើយ តែងផ្សារភ្ជាប់ជាមួយប្រវត្តិសាស្ត្រក្នុងការបង្កើតទឹកដីនិិងកសាងប្រទេសជាតិរបស់ជនជាតិ ប្រធានរដ្ឋបានអះអាងថា ក្នុងអំឡុងជាង២.០០ឥឆ្នាំកន្លងមក ព្រះពុទ្ធសាសនាក៏ក្លាយជាចំណែកមួយដែលមិនអាចបំបែកចេញពីស្មារតីវប្បធម៌ជំនឿរបស់ជនជាតិ Việt Nam ផងដែរ។ ឆ្លងកាត់ជាច្រើនសម័យកាលនៃប្រវត្តិសាស្ត្រ ព្រះពុទ្ធសាសនា Việt Nam តែងលើកកម្ពស់ស្មារតី “ការពារមាតុប្រទេស ប្រជាជនបានសុខសន្តិភាព” សាសនាតែងរួមដំណើរការជាមួយជនជាតិ។ បច្ចុប្បន្ន សាមគមពុទ្ធសាសនា Việt Nam កំពុងស្នងបន្តប្រពៃ សកម្មចូលរួមកសាងនិងការពារប្រទេសជាតិមាតុភូមិ រួមចំណែកយ៉ាងសំខាន់ក្នុងការអនុវត្តរាល់បណ្តាគោលដៅសហស្សវត្សរ៍និងអភិវឌ្ឍន៍ចីរភាពនៅ Việt Nam ជំនួយសាសនានិងជនជាតិរួមបញ្ចូលគ្នា ឆ្ពោះទៅរកភាពសុខសាន្តនិងសុភមង្គលរួម។
ប្រធានរដ្ឋបានអះអាងទៀតថា បក្សនិងរដ្ឋនៃប្រទេស Việt Nam តែងវាយតម្លៃខ្ពស់ ព្រមទាំងបង្កគ្រប់លក្ខណៈងាយស្រួលសម្រាប់រាល់គ្រប់សាសនាទាំងឡាយ ក្នុងនោះមានព្រះពុទ្ធសាសនាផងដែរដែលសកម្មភាពតាមបទបញ្ញាតិរបស់ច្បាប់ អនុវត្តតាមគោលនយោបាយសាសនា និងការពារសិទ្ធិសេរីភាពខាងជំនឿសាសនារាល់រូប និងចាត់ទុកនោះគឺជាមូលដ្ឋានគ្រឹះដ៏សំខាន់សម្រាប់កសាងផែនមហាសាមគ្គីទូទាំងជនជាតិ។
ក្រៅពីកម្មវិធីថ្លែងនូវបឋកថានៃប្រធានបទ សិក្ខាសាលាបច្ចេកវិទ្យាអន្តរជាតិរបស់បុណ្យវិសាខបូជា ឆ្នាំ២០២៥ ថែមទាំងមានបណ្តាសកម្មភាពផ្សេងៗដទៃដូចជា៖ ការគោរពបូជាព្រះបរមសារីរិកធាតុនៅវត្ត Thanh Tâm (Bình Chánh) និងគោរពបូជាបេះដូងរបស់ព្រះតេជគុណ Thích Quảng Đức នៅវត្ត Việt Nam Quốc Tự (សង្កាត់ទី១០) ព្រមទាំងពិធីរំលឹកនឹកគុណដួងវិញ្ញាណក្ខន្ធរបស់វិរភាពនាឱកាសខួបអនុស្សាវរីយ៍ថ្ងៃរំដោះភាគខាងត្បូងឯករាជទឹកដី និងរាត្រីបណ្តែប្រទីពពិភពលោកដើម្បីបួងសួងសូមឱ្យពិភពលោកបានសុខសន្តិភាព ព្រមទាំងតាំងពិព័ណ៌វប្បធម៌ពុទ្ធសាសនាឧទ្ទេសនាមវត្ថុបុរាណជាតិដែលស្តីពីព្រះពុទ្ធសាសនាចំនួន៨៧គ្រឿងទៀតផង។
តុបតែងលម្អឱ្យបុណ្យវិសាខបូជានៃអង្គការសហប្រជាជាតិ ឆ្នាំ២០២៥។
បុណ្យវិសាខបូជា ឆ្នាំ២០២៥ (លើកទី២០) ដោយគណៈកម្មាធិការអង្គការអន្តរជាតិចាត់តាំងបុណ្យវិសាខបូជានៃអង្គការសហប្រជាតិ (ICDV) សមាគមពុទ្ធសាសនាវៀតណាមរួមចាត់តាំង។ នេះជាលើកទីបួនហើយដែល Việt Nam បានចាត់តាំងបុណ្យវិសាខបូជាបន្ទាប់ពីបីលើកចាត់តាំងសម្រេចជោគជ័យលើកមុនៗក្នុងឆ្នាំ២០០៨នៅសាលាប្រជុំជាតិ Mỹ Đình នៃរដ្ឋានី Hà Nội។ ឆ្នាំ២០១៤ ប្រារព្ធឡើងនៅវត្ត Bái Đình ខេត្ត Ninh Bính ឆ្នាំ២០១៩ នៅវត្ត Tam Chúc ខេត្ត Hà Nam។ បុណ្យវិសាខបូជា ឆ្នាំ២០២៥ ថែមទាំងជាឱកាសសម្រាប់ឧទ្ទេសនាមនូវបណ្តារូបភាពរបស់ប្រទេសជាតិមាតុភូមិនិងប្រជាជន Việt Nam ដែលស្រឡាញ់ឯករាជ្យ មេត្រីភាព សាមគ្គីនិងសម្របសម្រួល។
បុណ្យវិសាខបូជានៃអង្គការសហប្រជាជាតិ ជាសកម្មភាពវប្បធម៌របស់អង្គការសហប្រជាតិ។ កាលពីថ្ងៃទី១៥ ខែធ្នូ ឆ្នាំ១៩៩៩ មហាសន្និបាតអង្គការសហប្រជាជាតិលើកទី៥៤បានសម្រេចចិត្តថា បុណ្យវិសាខបូជា ឬក៏ពិធីបុណ្យសម្រាប់រំលឹកនឹកគុណខួបអនុស្សាវរីយ៍ថ្ងៃព្រះពុទ្ធទ្រង់ប្រសូត្រ ទ្រង់ត្រាស់ដឹង និងបរិនិព្វាន ជាពិធីបុណ្យវប្បធម៌សាសនាដើម្បីភាពឯករាជ្យ៕
Thái Thanh
