សកម្មភាពនៃការចាត់តាំងបង្រៀនអក្សរ Khmer ឱកាសវិស្សមកាលជារៀងរាល់ឆ្នាំសម្រាប់កូនក្មួយ ជនរួមជាតិ ភាគតិចនៅតាមបណ្តាវត្តអារាម សាលាទាន និងទីតាំងដែលមានបងប្អូនជនរួមជាតិ Khmer រស់នៅច្រើនកុះករគឺ ជាគោលនយោបាយដ៏ពិសេសដោយឡែករបស់ខេត្ត Cà Mau រួមចំណែកក្នុងការអភិរក្ស និងពង្រីកអត្តសញ្ញាណវប្បធម៌ខាងភាសា និងអក្សរសាស្ត្ររបស់ជនរួមជាតិ Khmer ទៀតផង។
ឈុតសម្តែងសិល្បៈអំណរពិធីបិទវគ្គរបស់ប្អូនៗសិស្សសាលា។
បន្ទាប់ជាង២ខែចាត់តាំងបង្រៀនអក្សរខ្មែរឱកាសវិស្សមកាលឆ្នាំ២០២៥ មកទល់ពេលនេះ គ្រប់បណ្តាថ្នាក់រៀនទាំងឡាយក៏បានរួមគ្នាផ្ត់មពិធីបិទវគ្គ ដើម្បីទុកឱកាសឱ្យប្អូនៗតៀមរៀបចំឈានចូលបន្តឆ្នាំសិក្សាថ្មី ២០២៥-២០២៦។
តំណាងបណ្តាស្ថាប័ន គណៈផ្នែក និងរដ្ឋអំណាចភូមិភាគអញ្ជើញចូលរួមពិធីបិទវគ្គថ្នាក់បង្រៀនអក្សរ Khmerឱកាសវិស្សមកាលនៅវត្តសិរីមង្គល ជ្រុងខ្មែរ (Rạch Giồng)។
ឱកាសវិស្សមកាលឆ្នាំនេះ វត្តសិរីមង្គល ជ្រុងខ្មែរ (Rạch Giồng) ឃុំ Hồ Thị Kỷ បានចាត់តាំងចំនួន ៣ ទីតាំងបង្រៀនអក្សរ Khmer។ នៅភូមិ Đường Đào និង Cây Khô ឃុំ Hồ Thị Kỷ និងភូមិលេខ១១ ឃុំ Thới Bình ដោយមានប្អូនៗសិស្សានុសិស្សទាំងអស់ប្រមាណ១០០រូប។ ពិធីបិទវគ្គបានប្រព្រឹត្តិឡើងក្នុងបរិយាកាសយ៉ាងឱឡារឹក មានទាំងកម្មវិធីសិល្បៈ ល្បែងកម្សាន្តទៀតផងសម្រាប់ប្អូនៗចូលរួមសប្បាយ ព្រមទាំងមានការអញ្ជើញចូលរួមជាកិត្តិយសរបស់គ្រប់បណ្តាថ្នាក់ដឹកនាំ និងឪពុកម្តាយសិស្ស ព្រមទាំងមាមីងនៅភូមិភាគទៀតផង។
ក្នុងពិធីបិទវគ្គបង្រៀនអក្សរ Khmer ឱកាសវិស្សមកាលឆ្នាំ២០២៥ នៅវត្តសិរីមង្គល ជ្រុងខ្មែរ (Rạch Giồng) ក៏មានចាត់តាំងល្បែងប្រណាំងទូក.ងខ្នាតតូច (ទូក.ងដើមស្នោ) សម្រាប់ប្អូនៗចូលរួមកម្សាន្តសប្បាយ។
ជូនប័ណ្ណសរសើរ និងអំណោយសម្រាប់ប្អូនៗដែលរៀនបានពូកែ។
អ្នកស្រី Quách Kiều Mai នាយករងនៃមន្ទីរជនជាតិ និងសាសនា ឱ្យដឹង៖ “ទូទាំងខេត្តចាត់តាំងបានចំនួន ២៣ ទីតាំងបង្រៀនអក្សរ Khmerឱកាសវិស្សមកាល នៅតាមបណ្តាវត្តអារាម សាលាទាន និងតាមតំបន់ដែលមានជនរួមជាតិ Khmerរស់នៅច្រើនកុះករ ដោយមានចំនួនសិស្សចូលរួមប្រមាណជិត ៦០០ រូប”។
ដើម្បីលើកទឹកចិត្តដល់គ្រូបង្រៀនទាំងឡាយ មន្ទីរជនជាតិ និងសាសនា ក៏បានជូនអំណោយសម្រាប់គ្រូបង្រៀនផងដែរ។ (ក្នុងរូបថត៖ អ្នកស្រី Quách Kiều Mai នាយករងនៃមន្ទីរជនជាតិ និងសាសនា ជូនអំណោយគ្រូបង្រៀនអក្សរ Khmer ឱកាសវិស្សមកាលដល់គ្រូបង្រៀនទាំង៣ទីតាំងរបស់វត្តជ្រុងខ្មែរ (Rạch Giồng)។
បន្ទាប់ពីបិទវគ្គបង្រៀន ប្អូនៗក៏សុទ្ធតែអានបាន សរសេរបាន និងសន្ទនាគ្នាជាភាសា Khmerយ៉ាងស្ទាត់ទៀតផង។ ប្អូន Nguyễn Hồng Nhẫn បានចែករំលែក៖ ប្អូនពិតជាសប្បាយចិត្តណាស់ដែលបានរួមជាមួយមិត្តភក្តិដទៃទៀតចូលវត្តជ្រុងខ្មែរ (Rạch Giồng) រៀនអក្សរ Khmer ឱកាសវិស្សមកាល ផ្តើមពីនោះក៏ជួយឱ្យប្អូនចេះសរសេរអក្សរ និងចេះនិយាយភាសា Khmer ទៀតផង។ នេះក៏ជាសំពៀយសម្រាប់ប្អូនឈានចូលបន្តសិក្សាសាលាវិទ្យាល័យជនជាតិអន្តេវាសិកខេត្តផងដែរ។ ប្អូនសង្ឃឹមថា ឱកាសវិស្សមកាលឆ្នាំបន្ត នឹងបានចូលរួមរៀនអក្សរ Khmer កម្រិតខ្ពស់ថែមទៀត”។
នាឱកាសនេះដែរ វត្តក៏បានចលនាសៀវភៅសិក្សាសម្រាប់ជំនួយប្អូនៗសិស្សសាលាជួបលំបាកដើម្បីឈានចូលបន្តឆ្នាំសិក្សាថ្មី ២០២៥-២០២៦។
“ការបន្តចាត់តាំងថ្នាក់បង្រៀនអក្សរ Khmer ឱកាសវិស្សមកាលជារៀងរាល់ឆ្នាំ បានរួមចំណែកក្នុងការអភិរក្ស និងពង្រីកអត្តសញ្ញាណវប្បធម៌ខាងភាសា និងអក្សរសាស្ត្ររបស់ជនរួមជាតិ Khmer។ ផ្តើមពីនោះ ក៏សម្តែងនូវការយកចិត្តទិកដាក់របស់បក្ស និងរដ្ឋចំពោះជនរួមជាតិ Khmer ផងដែរ”, អ្នកស្រី Quách Kiều Mai បានអះអាងបែបនេះ៕
Danh Điệp
