សម្រាប់ការគិតគូរអំពីជីវភាពរស់នៅរបស់បងប្អូនប្រជាជន និងការអនុវត្តសន្តិសុខសណ្តាប់ធ្នាប់សង្គម ខេត្ត Cà Mau តែងយកចិត្តទុកដាក់យ៉ាងពិសេសចំពោះការជំនួយឧបត្ថម្ភគ្រួសារគោលនយោបាយ និងគ្រួសារជួបលំបាក ពិសេសគ្រួសារជនជាតិភាគតិច ដើម្បីរួមចំណែកជួយបងប្អូនប្រជាជនមានទីលំនៅឋានសមរម្យ។
ថ្នាក់ដឹកនាំភូមិភាគពិនិត្យល្បឿននៃការសាងសង់ផ្ទះសម្រាប់គ្រួសារជនរួមជាតិ Khmer លើភូមិសាស្ត្រ (រូបថតឯកសារដែលបានថតនៅឃុំ Ninh Thạnh Lợi កាលពីខែឧសភា ឆ្នាំ២០២៥)។
បន្ទាប់ពីបានរួមបញ្ចូល សរុបចំនួនគ្រួសារអ្នកមានសគុណជាមួយបដិវត្តន៍ គ្រួសារសាច់ញាតិយុទ្ធជនពលី គ្រួសារក្រីក្រ និងក្បែរបន្ទាត់ក្រដែលជួបលំបាកខាងលំនៅឋាន ព្រមទាំងគ្រួសារស្ថិតក្នុងកម្មវិធីគោលដៅជាតិសម្រាប់ការអភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិច និងតំបន់ភ្នំលើភូមិសាស្ត្រខេត្តត្រូវបានអនុម័តទាំងអស់មានចំនួន ៩.៦៧១ គ្រួសារ។ យោងតាមការពិនិត្យឡើងវិញនូវតម្រូវការឧបត្ថម្ភខាងផ្ទះស្នាក់នៅ គ្រួសារមានសគុណលើបដិវត្តន៍ និងសាច់ញាតិរបស់យុទ្ធជនពលីដោយផ្ទះចំនួន ៣.៧១៥ ខ្នង (សាងសង់ថ្មីបាន ១.៦៥២ ខ្នង និងកែជួសជុលបាន ២.០៦៣ ខ្នង។ សម្រាប់គ្រួសារក្រីក្រ គ្រួសារក្បែរបន្ទាត់ក្រដែលជួបលំបាកខាងលំនៅឋានដោយមានទាំងអស់ចំនួន ៥.៤២៥ ខ្នង (សង់ថ្មី ៤.៨៤៧ ខ្នង និងកែជួសជុលបាន ៥៧៨ ខ្នង)។ ចំណែកគ្រួសារដែលស្ថិតក្នុងកម្មវិធីគោលដៅជាតិសម្រាប់ការអភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិច និងតំបន់ភ្នំរួមមានទាំងអស់ ៥៣១ ខ្នងដែលត្រូវបានសង់ថ្មី។ សរុបថវិកាសម្រាប់ក្នុងការអនុវត្ត ៤៧១ ពាន់លានដុង។
ដោយឡែកសម្រាប់ការឧបត្ថម្ផផ្តះស្នាក់នៅជូនគ្រួសារជនជាតិភាគតិចតាមតម្រូវការចំនួន ៥៣១ ខ្នង គិតរហូតដល់បំណាច់នៃខែមិថុនា ឆ្នាំ២០២៥ ខេត្ត Cà Mau (មុនពេលរួមបញ្ចូល) ក៏អនុវត្តបាន ៣៥៥ខ្នងផងដែរ ដោយសរុបថវិកាទឹកប្រាក់ ២១,៣ ពាន់លានដុង។ ខេត្ត Bạc Liêu (មុនពេលរួមបញ្ចូល) ក៏សង់បានសម្រេច ១៧៦ ខ្នង ក្នុងនោះមាន ៣៦ ខ្នងដែលផ្តើមពីប្រភពទុននៃកម្មវិធីគោលដៅជាតិសម្រាប់ការអភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិច និងតំបន់ភ្នំមាន ១៤០ ខ្នងដែលផ្តោតលើប្រភពនៃការចលនាសង្គម សរុបទឹកប្រាក់ប្រមាណជាង ១០,៥ ពាន់លានដុង។
ផ្ទះដែលទទួលបានការឧបត្ថម្ភពីកម្មវិធីគោលដៅជាតិសម្រាប់ការអភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិច និងតំបន់ភ្នំ បានជួយគ្រួសារជនរួមជាតិភាគតិចជាច្រើនមានលំនៅឋានសមរម្យ។ (រូបថតនៅឃុំ Ninh Quới)
ដើម្បីសម្រេចបាននូវលទ្ធផលនៃការលុបបំបាត់ផ្ទះបណ្ដោះអាសន្ន និងផ្ទះទ្រុឌទ្រោម ការជំនួយឧបត្ថម្ភផ្តះស្នាក់នៅ និងដីធារសម្រាប់គ្រួសារជនជាតិភាគតិច កន្លងហើយ គ្រប់បណ្តាភូមិភាគក៏មានយ៉ាងច្រើនទម្រង់ដ៏ពូកែៗ និងរបរៀបធ្វើមានប្សរិទ្ធភាពផងដែរ។ តួយ៉ាងដូចជាគ្រួសារដែលមិនទាន់មានដីធារសម្រាប់សង់ផ្ទះ ខេត្តក៏ចង្អុលការណែនាំគ្រប់បណ្តាភូមិភាគដើម្បីបង្កើនល្បឿនពិនិត្យ និោងបញ្ជាក់ច្បាស់គ្រប់មុខសញ្ញាទាំងឡាយ លំដាប់អាទិភាព និងដំណើរការដោះស្រាយ ព្រមទាំងចលនាគ្រួសារ សាច់ញាតិបរិច្ចាគដី ឬក៏ឱ្យខ្ចីដីសង់សម្រាប់ផ្ទះ (ដោយកំណត់រយៈពេលចាប់ពី ២០ ឆ្នាំឡើងទៅ) ។ យល់ព្រមឱ្យខ្ចីមូលនិធិដីសាធារណៈរបស់ភូមិភាគ។ ពិនិត្យ និងរៀបចំចាត់ចែងឱ្យបងប្អូនប្រជាជនចូលរស់នៅក្នុងតំបន់តាំងទីលំនៅថ្មីលើភូមិសាស្ត្រ។
ទន្ទឹមនិងនោះ ជំរុញខ្លាំងខ្លាការងារផ្សព្វផ្សាយ និងពង្រីកកម្លាំងរួមនៃប្រព័ន្ធនយោបាយ និងទូទាំងសង្គម ដើម្បីអនុវត្តកម្មវិធីលុបបំបាត់ផ្ទះបណ្តោះអាសន្ន និងផ្ទះទ្រុឌទ្រោមលើភូមិសាស្ត្រខេត្ត បង្កើតឥទ្ធិពលនៃការទំនាក់ទំនងបានល្អ ព្រមទាំងពង្រីកសាភាយខាងស្មារតីជួយគ្នាទៅវិញទៅមក ព្រួតដៃគ្នាដើម្បីសហគមន៍ ពោលគឺមិនត្រូវទុកចោលឱ្យអ្នកណាមួយនៅពីក្រោយជាដាច់ខាត។ ពង្រីកតួនាទីរណសិរ្សមាតុភូមិ និងអង្គការចាត់តាំងនយោបាយ-សង្គមគ្រប់លំដាប់ថ្នាក់ ជាពិសេសថ្នាក់មូលដ្ឋាន ដើម្បីជួយឧបត្ថម្ភបណ្តាគ្រួសារដោយផ្តោតលើស្មារតី “អ្នកណាមានរបស់ជួយរបស់ អ្នកណាមានកម្លាំងជួយកម្លាំង អ្នកណាមានច្រើននជួយច្រើន មានតិចជួយតិច” រួមចំណែកបង្កើនល្បឿនដើម្បីសម្រេចជោគជ័យ និងបង្កើន កម្ពស់គុណភាពសម្រាប់ផ្ទះស្នាក់នៅ។
ប្រគល់ជូនផ្ទះមហាសាមគ្គីដល់គ្រួសារគោលនយោបាយនៅឃុំ Hồng Dân។
ជាពិសេស ខេត្តបានបត់បែនក្នុងការផ្លាស់ប្តូរគ្រួសារដែលអាស្រ័យផលរាល់បណ្តាកម្មវិធីយ៉ាងណាឱ្យមានការសមស្រប គណៈកម្មាធិការប្រជាជនខេត្តបានប្រគល់ឱ្យទៅគណៈកម្មាធិការប្រជាជនឃុំដើម្បីសម្រេចការផ្លាស់ប្តូរ និងទទួលខុសត្រូវដោយខ្លួនឯងស្តីពីភាពជាក់លាក់។ ផ្តើមពីនោះ ក៏ជំនួយការពិនិត្យសាឡើងវិញ ព្រមទាំងបញ្ជាក់រាល់មុខសញ្ញាអាស្រ័យផលបានយ៉ាងឆាប់រហ័ស និងសមស្របយោងទៅតាមភាពជាក់ស្តែងរបស់ភូមិភាគ បង្កលក្ខណៈងាសយស្រួលសម្រាប់គ្រួសារទាំងឡាយមានផ្ទះនៅ និងរស់នៅប្រកបដោយភាពសុខសាន្តទៀតផង៕
Kim Phượng
កាលថ្ងៃទី ១៣សីហា នាយករដ្ឋមន្ត្រីនៃរដ្ឋាភិបាល Phạm Minh Chính បានដឹកនាំកិច្ចប្រជុំទូទាំងប្រទេសដើម្បីធ្វើការបូកសរុបលទ្ធផលនៃកម្មវិធីគោលដៅជាតិសម្រាប់ការអភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិច និងតំបន់ភ្នំ តំណាក់កាលឆ្នាំ ២០២១-២០២៥ និងកំណត់ទិសដៅខ្លឹមសារនៃតំណាក់កាលឆ្នាំ ២០២៦-២០៣០។ ផ្តើមពីនោះ ក្នុងតំណាក់កាលទី I (២០២១-២០២៥) សរុបប្រភពថវិកាសម្រាប់អនុវត្តជាង ១៣៧.០០០ ពាន់លានដុង ព្រមទាំងជំនួយឧត្ថម្ភដីធារសម្រាប់សង់ផ្ទះ និងដីស្នាក់នៅជូន ៥៣.១១៦ គ្រួសារ ព្រមទាំងឧបត្ថម្ភផ្ទៃដីផលិតជូន ១៣.៣៩៧ គ្រួសារផងដែរ៕
