បង្កើនការបង្ការ និងប្រយុទ្ធប្រឆាំងជំងឺគ្រុនឈាម

ដោយម្ចាស់ការ និងសកម្មក្នុងការបង្ការ និងប្រយុទ្ធប្រឆាំងជំងឺរាតត្បាតលើភូមិសាស្រ្ត្តសង្កាត់ An Xuyên ត្រូវបានបន្ថយចុះប្រៀបនិងពេលមុននេះ។ បច្ចុប្បន្នភូមិភាគកំពុងសកម្មក្នុងការជំរុញផ្សព្វផ្សាយដើម្បីលើកកម្ពស់ថែមទៀតសម្រាប់ស្មារតីយល់ដឹងរបស់បងប្អូនប្រជាជនក្នុងការបង្ការ និងប្រយុទ្ធប្រឆាំងជំងឺរាតត្បាត ជាពិសេសជំងឺគ្រុនឈាម។

ឆ្លងតាមរយៈពត៌មានវិទ្យាសុខាភិបាលអាចក្តាប់បានករណីកើតជំងឺគ្រុនឈាម និងដៃជើងមាត់។

យោងតាមស្ថិតិរបស់ដំណាក់សុខាភិបាលសង្កាត់ ចាប់តាំងពីដើមឆ្នាំរហូតមកដល់ថ្ងៃទី១១ សីហា សរុបលទ្ធផលលើភូមិសាស្ត្រកើតមានជំងឺគ្រុនឈាមចំនួន ៣៩ ករណី និងជំងឺដៃជើងមាត់ ៤៦ ករណី ព្រមទាំង ១២៨ ករណីសង្ស័យជាជំងឺកញ្ជ្រិល ស្ថានការកើតជំងឺមានការថយចុះប្រៀបនិងកាលមុននេះ។ ដើម្បីសម្រេចបាននូវលទ្ធផលនេះ ក៏មានតួនាទីដ៏សំខាន់សម្រាបខាងការងារផ្សព្វផ្សាយ។ លោក Nguyễn Hữu Phước អនុប្រធានដំណាក់សុខាភិបាល បានឱ្យដឹងៈ “អង្គភាពបានសហការជាមួយស្ថានីយផ្សាយសម្លេងផ្សព្វផ្សាយរៀងរាល់សប្តាហ៍ និងជាបន្ទាន់នៅពេលចាំបាច់ សហការជាមួយសហការីតាមបណ្ដាអនុសង្កាត់ និងឃោសនាផ្សព្វផ្សាយតាមគ្រួសារប្រជាជន ចែកខិត្តប័ណ្ណសម្រាប់ប្រជាជនក្តាប់ ហើយមានការយល់ដឹងចូលរួមក្នុងការបង្ការ និងប្រយុទ្ធប្រឆាំងជំងឺរាតត្បាត។ ទន្ទឹមនិងនោះ ទន្ទឹមនិងនោះ យោងតាមរាល់ពេលចាក់ថ្នាំបង្ការបើកទូលាយ ដំណាក់សុខាភិបាលបានឃោសនាផ្សព្វផ្សាយជូនអ្នកម្តាយទាំងឡាយនូវចំណេះដឹងស្តីពីការបង្ការ និងប្រយុទ្ធប្រឆាំងជំងឺដៃជើងមាត់ និងជំងឺគ្រុនឈាមដើម្បីអនុវត្តល្អ ក៏ដូចជារួមចំណែកក្នុងការចលនាគ្រួសារឱ្យអនុវត្តតាមផងដែរ”។

បណ្ដាដំណាក់សុខាភិបាលបានចិញ្ចឹមត្រី៧ពណ៌ និងត្រីក្រឹមសម្រាប់ផ្តល់ជូនប្រជាជន។

រដ្ឋអំណាចគ្រប់បណ្ដាអនុសង្កាត់បានរួមដំណើរការយ៉ាងសកម្មក្នុងការងារឃោសនាផ្សព្វផ្សាយ និងចលនា។ លោក Võ Minh Trí ប្រធានអនុសង្កាត់លេខ១៣ បានចែករំលែថា៖  “កងកម្លាំនៃងអនុសង្កាត់បានអញ្ជើញទៅដល់គ្រួសារនីមួយៗដើម្បីរចលនា និងក្រើនរំលឹកបងប្អូនធ្វើអនាម័យជុំវិញលំនៅឋាន គ្របគម្របឱ្យជិតរាល់ឧបករផ្ទុកទឹក មិនទុកឱ្យសត្វមូសមានកន្លែងកើតបាន នៅពេលមានឃើញដង្កូវទឹកក្នុងពាង ក៏ដូចជាឧបករផ្ទុកទឹក គឺត្រូវចាក់ទឹកចោលភ្លាម ឬលែងត្រី៧ពណ៌ចូលទៅក្នុងដើម្បីកំចាត់ដង្កូវទឹក”។

ដោយសារតែបែននេះហើយ ទើបបងប្អូនប្រជាជនលើភូមិសាស្ត្រអាចក្តាប់បានល្អនូវរាល់ចំណេះដឹងខាងការបង្ការ និងប្រយុទ្ធប្រឆាំងជំងឺ ព្រមទាំងអនុវត្តល្អនៅតាមគ្រួសាររៀងៗខ្លួន។ អ្នកមីង Trần Tuyết Lan ស្នាក់នៅអនុសង្កាត់លេខ ១៣ បានឱ្យដឹង៖ “កន្លងហើយប្រធានអនុសង្កាត់បានជូនដំណឹងពីការបង្ការ និងប្រយុទ្ធប្រឆាំងជំងឺគ្រុនឈាម គ្រួសារខ្ញុំក៏អនុវត្តតាម ដោយចិញ្ចឹមត្រីដើម្បីកំចាត់ដង្កូវទឹក និងបោសសម្អាតផ្ទះសម្បែងយ៉ាងស្អាតបាតទៀតផង”។

កម្មាភិបាលសុខាភិបាល សង្កាត់ An Xuyên អញ្ជើញទៅដល់គ្រួសារនីមួយៗ ដើម្បីផ្សព្វផ្សាយអំពីការបង្ការ និងប្រយុទ្ធប្រឆាំជំងឺរាតត្បាត។

ក្រៅពីនោះ ឆ្លងតាមរយៈប្រភពព័ត៌មានវិទ្យា “ប្រព័ន្ធនៃការពីនិត្យគ្រប់គ្រងជំងឺឆ្លង” ការរាំងស្កាត់ជំងឺរាតត្បាតត្រូវបានអនុវត្តប្រកបដោយភាពងាយស្រួលជាង។ កម្មាភិបាលនឹងធ្វើបច្ចុប្បន្នភាពផ្តើពីប្រភពព័ត៌មានវិទ្យា ដើម្បីក្តាប់ករណីកើតជំងឺ ផ្តើមពីនោះផ្សព្វផ្សាយការបង្ការ និងប្រយុទ្ធប្រឆាំងជំងឺរាតត្បាតមានប្រសិទ្ធភាព មិនទុកឱ្យកើតមានករណីឆ្លងជំងឺរីករាលដាលជាដាច់ខាត។

លោក Phước បានឱ្យដឹងជាក់ស្តែងថា៖ “ខណៈពេលកើតមានករណីជំងឺគ្រុនឈាមរបស់ភូមិភាគដែលផ្តល់ដំណឹងតាមប្រព័ន្ធមៃព័ត៌មានវិទ្យា ដំណាក់សុខាភិបាលនឹងទំនាក់ទំនងជាមួយគ្រួសារប្រជាជនតាមរយៈលេខទូរស័ព្ទបានបង្ហាញចេញ បន្ទាប់ពីនោះកម្មាភិបាលក្រុមបង្ការ និងប្រយុទ្ធប្រឆាំងជំងឺរាតត្បាតចុះទៅតាមគ្រួសារនីមួយៗដើម្បីពិនិត្យបញ្ជាក់ រួចហើយចលនាកំចាត់ដង្កូវទឹកក្នុងចម្ងាយ ២០០ ម៉ែត្រ ព្រមទាំងរាយការណ៍មកដំណាក់សុខាភិបាលដើម្បីសហការបាញ់ថ្នាំហើយនិងបាញ់បន្តលើកទី២បន្ទាប់ពី១សប្ដាហ៍កន្លង”។

ការបង្ការ និងប្រយុទ្ធប្រឆាំងជំងឺគ្រុនឈាម មិនត្រឹមអនុវត្តមួយថ្ងៃមួយពេលនោះទេ គឺចាំបាច់ត្រូវបន្តអនុវត្តជាប្រចាំ និងជាប់រហូតជាមួយគោលលំនាំ “គ្មានដង្កូវទឹក គ្មានជំងឺគ្រុនឈាម”។ គ្រួសារនិងឯកជននិមួយៗចូលរួមត្រួតពិនិត្យ និងប្រមូលសម្រាមជាប្រចាំ ព្រមទាំងកំទេចវត្ថុបំណែកនៅជុំវិញលំនៅឋាន ដូចជា៖ អំបែងដប សម្បកកង់ សម្បកលលាដូង សម្បកកំពង់បៀយ៉ែ… ត្រូវគ្របពាងទឹកឱ្យជិត ផ្ទុកទឹក និងលែងត្រី៧ព័ណ៌ ត្រីក្រឹមក្នុងអាងទឹក និងការផ្ទុកទឹកមិនបានបិទគម្របឱ្យជិត ព្រមទាំងសម្អាតអនាម័យបរិស្ថាន ផ្កាប់រាល់ឧបការផ្ទុកទឹកដែលមិនប្រើប្រាស់។

បាញ់ថ្នាំគីមីកំចាត់សត្វមូស ដើម្បីវិនិច្ឆ័យសម្បុកជំងឺនៅសង្កាត់ An Xuyên។

“ពីពេលឥឡូវរហូតដល់ចុងឆ្នាំ ដំណាក់សុខាភិបាលសហការជាមួយគ្រប់បណ្តាគណៈផ្នែកនិង ភូមិភាគបង្កើនការឃោសនាផ្សព្វផ្សាយនូវចំណេះដឹងពីការបង្ការ និងប្រយុទ្ធប្រឆាំងជំងឺគ្រុនឈាម និងដៃជើងមាត់ ដើម្បីឱ្យប្រជាជនចូលរួមអនុវត្តបានល្អ។ ធ្វើបច្ចុប្បន្នភាពជារៀងរាល់ថ្ងៃស្តីពីស្ថានការណ៍ជំងឺគ្រុនឈាម និងដៃជើងមាត់លើតាមប្រព័ន្ធព័ត៌មានវិទ្យា ដើម្បីរកឃើញបានឆាប់រហ័ស មិនទុកឱ្យជំងឺរាតត្បាតកើតឡើង ព្រមទាំងចលនាប្រជាជនបើមានឃើញជំងឺចម្លែកត្រូវរាយការណ៍ទៅកាន់ដំណាក់សុខាភិបាលភ្លាមដើម្បីធ្វើការវិនិច្ឆ័យ” លោក Phước មានប្រសាសន៍បែបនេះ៕

Hồng Thía - Nhật Minh