កម្មវិធីគោលដៅជាតិសម្រាប់ការអភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិច និងតំបន់ភ្នំ (កម្មវិធី) គឺជាគោលនយោបាយសំខាន់មួយ បង្ហាញពីការយកចិត្តទុកដាក់របស់បក្ស និងរដ្ឋរបស់យើង ដើម្បីផ្តល់អាទិភាពដើម្បីវិនិយោគក្នុងការអភិវឌ្ឍន៍សេដ្ឋកិច្ច-សង្គមប្រកបដោយចីរភាពសម្រាប់ជនជាតិភាគតិច និងតំបន់ភ្នំ។ ដើម្បីឱ្យគោលនយោបាយនេះមានការស៊ីជម្រៅក្នុងជីវភាពរស់នៅ និងសម្រេចបាននូវគោលដៅតាមគម្រោងការដាក់ចេញ តួនាទីសម្រាប់ខាងការផ្សព្វផ្សាយគឺមានសារៈសំខាន់ និងមិនអាចខ្វះបានទៀតផង។
រយៈពេលកន្លង មន្ទីរជនជាតិ និងសាសនា ក៏ម្ចាស់ការក្នុងការចាត់តាំងរាល់វគ្គបណ្តុះបណ្តាល បំណិនខាងអាជីព ព្រមទាំងលើកកម្ពស់សមត្ថភាពជូនកម្មាភិបាលដើម្បីអនុវត្តកម្មវិធី។
ក្នុងបរិបទនៃការផ្លាស់ប្តូរឌីជីថលដែលកំពុងក្លាយជាតម្រូវការចាំបាច់សម្រាប់គ្រប់វិស័យ សកម្មភាពនៃការផ្សព្វផ្សាយអំពីគោលនយោបាយដល់បងប្អូនជនជាតិភាគតិចបានជំរុញការអនុវត្តមានប្រសិទ្ធភាពដែលយោងតាមប្រព័ន្ធសារគមនាគមខុសៗគ្នា។
យោងតាមនោះដែរ ខេត្តក៏ចង្អុលការណែនាំ និងអនុវត្តយ៉ាងមានប្រសិទ្ធភាពនូវបណ្តាខ្លឹមសារគោលនយោបាយពាក់ព័ន្ធនៃកម្មវិធី ដើម្បីអនុវត្តបានល្អខាងការផ្សព្វផ្សាយ បណ្តុះបណ្តាល និងលើកកម្ពស់បំណិនក្នុងការចាត់តាំងផ្សព្វផ្សាយកម្មវិធី។ ក្នុងនោះ ប្រគល់ឱ្យមន្ទីរជនជាតិ និងសាសនាបានសហការជាមួយស្ថាប័នកាសែតជនជាតិ និងអភិវឌ្ឍន៍ កាសែត វិទ្យុ និងទូរស្សន៍ Cà Mau ព្រមទាំងភ្នាក់ងារសារព័ត៌មានមួយចំនួន ដែលចាត់តាំងឃោសនាផ្សព្វផ្សាយស្តីពីមុខសញ្ញា ភារកិច្ច ខ្លឹមសារ និងដំណោះស្រាយដ៏សំខាន់ៗនៃគម្រោងរួម និងកម្មវិធី។ ធ្វើបច្ចុប្បន្នភាពជាប្រចាំនូវជំនាញលើការអភិវឌ្ឍន៍សហគមន៍ និងខ្លឹមសារពាក់ព័ន្ធផ្សេងទៀតសម្រាប់កម្មាភិបាលមូលដ្ឋានអនុវត្តកម្មវិធីនៅតាមបណ្តាឃុំដែលស្ថិតក្នុងតំបន់ IIIព្រមទាំងបណ្តតាឃុំដែលមានភូមិជួបលំបាកពិសេសនៃតំបន់ជនជាតិភាគតិច។ ទន្ទឹមនិងនោះ ចុះផ្សាយផលិតផលព័ត៌មានមួយចំនួនដែលស្តីពីកម្មវិធី ដូចជា៖ ផ្ទាំងរូបភាព ខិត្តប័ណ្ណ ដាក់ពង្រាយសៀវភៅណែនាំ (បណ្តុំឯកសារស្តីពីយន្តការ គោលនយោបាយ និងសេចក្តីណែនាំសម្រាប់ការអនុវត្តកម្មវិធី) សម្រាប់គ្រប់បណ្តាគណៈផ្នែក ភូមិភាគ និងកងជួរអ្នកមានប្រជាប្រិយទាំងឡាយលើភូមិសាស្ត្រ។ ចាត់តាំងសន្និសិទដើម្បីលើកសរសើរនូវបណ្តាគំរូឆ្នើមក្នុងការអនុវត្តកម្មវិធី...។
រួមជាមួយគ្រប់បណ្តាគណៈផ្នែក និងអង្គភាព សមាគមនារីគ្រប់លំដាប់ថ្នាក់បានជំរុញខ្លាំងខ្លាការផ្សព្វផ្សាយយ៉ាងទូលំទូលាយនូវគោលនយោបាយរបស់បក្ស និងក្រឹត្យច្បាប់រដ្ឋស្តីពីការអភិវឌ្ឍន៍តំបន់ជនជាតិភាគតិចយោងតាមកិច្ចប្រជុំផ្សេងៗផងដែរ។
លោក Nguyễn Thành Niệm នារករងនៃមន្ទីជនជាតិ និងសាសនា ឱ្យដឹង៖ “រហូតមកដល់ពេលនេះ បុគ្គលិកដែលចូលរួមក្នុងការផ្សព្វផ្សាយអនុវត្តកម្មវិធី អ្នកមានប្រជាប្រិយ បងប្អូនជនរួមជាតិភាគតិច និងប្រជាជនទាំងឡាយលើភូមិសាស្ត្រដែលជាតំបន់ជនជាតិភាគតិចរបស់ខេត្តក៏ក្តាប់បានយ៉ាងពេញលេញនូវព័ត៌មានអំពីខ្លឹមសារនៃគោលនយោបាយឧបត្ថម្ភ មុខសញ្ញា ភូមិសាស្ត្រដែលបានអនុវត្ត ទិសដៅ ប្រភពកម្លាំង ដំណើរការ និងរបៀបចាត់តាំងអនុវត្តបណ្តាអនុគម្រោងផ្សេងៗដែលស្ថិតក្នុងកម្មវិធី។ ផ្តើមពីនោះ ក៏មានការចូលរួមយ៉ាងសកម្ម និងមានប្រសិទ្ធភាពសម្រាប់ក្នុងការអនុវត្ត ក៏ដូចជាការតាមដាន ពិនិត្យអង្កេតលើការអនុវត្តកម្មវិធី”។
ក្រៅពីនោះ គ្រប់បណ្តាគណៈផ្នែក និងអង្គភាព ព្រមទាំងរដ្ឋអំណាចភូមិភាគក៏បានជំរុញខ្លាំងខ្លាការឃោសនាផ្សព្វផ្សាយអំពីគោលនយោបាយរបស់បក្ស និងរដ្ឋស្តីពីការអភិវឌ្ឍន៍តំបន់ជនជាតិភាគតិច តាមរយៈប្រព័ន្ធផ្សព្វផ្សាយ សន្និសីទ សកម្មភាពសហគមន៍។ល។ រណសិរ្សមាតុភូមិ និងអង្គការនយោបាយសង្គមគ្រប់លំដាប់ថ្នាក់បានធ្វើសកម្មភាពប្រមូលផ្តុំប្រជាជនចូលរួមអនុវត្តកម្មវិធី បង្កើតការឯកភាពគ្នាក្នុងសហគមន៍។ រដ្ឋអំណាចគ្រប់បណ្តាថ្នាក់ឃុំ និងភូមិ មានតួនាទីផ្ទាល់ក្នុងការរៀបចំចាត់តាំងផ្សព្វផ្សាយ និងចលនាបងប្អូនប្រជាជនចូលរួមកម្មវិធី មិនតែប៉ុណ្ណោះថែមទាំងចូលរួមការពិនិត្យអង្កេតចំពោះការអនុវត្តរាល់បណ្តាសកម្មភាពនៅភូមិភាគផងដែរ។
យោងតាមបណ្តាប្រព័ន្ធផ្សព្វផ្សាយ សារគមនាគម សៀវភៅ កាសែត និងអ្នកមានប្រជាប្រិយក្តាប់បានសភាពការទាន់ពេល ផ្តើមពីនោះក៏ជំរុញខ្លាំងខ្លាការងារផ្សព្វផ្សាយពីកម្មវិធីជូនបងប្អូនប្រជាជនផងដែរ។
លោក Nguyễn Thành Niệm បានឱ្យដឹងបន្ថែមទៀតថា៖ “យោងតាមរយៈនៃការជំរុញខ្លាំងខ្លាសកម្មភាពផ្សព្វផ្សាយ ពង្រីកទូលាយខាងការងារជនជាតិ ព្រមទាំងអនុវត្តកម្មវិធី និងគោលនយោបាយជនជាតិ ក៏បានរួមចំណែកអភិវឌ្ឍន៍គ្រប់ជ្រុងជ្រោយខាងវិស័យសេដ្ឋកិច្ច វប្បធម៌ សង្គម ធានាការពារប្រទេសជាតិ មាតុភូមិ និងសន្តិសុខ សណ្តាប់ធ្នាប់នៅតាមតំន់ជនជាតិភាគតិច ព្រមទាំងលើកកម្ពស់ចំណេះដឹងនៅតាមបណ្តាគណៈផ្នែកគ្រប់លំដាប់ថ្នាក់ រួមទាំងបងប្អូនជនរួមជាតិស្តីខាងវិស័យនៃកិច្ចការងារជនជាតិ និងអនុវត្តគោលនយោបាយជនជាតិ។ បង្កើនការឯកភាពទូតាំងសង្គម បង្កើតប្រភពធនធានដើម្បីបងប្អូនជនជាតិភាគតិច ពង្រីកខ្លឹមសារ ម្ចាស់ការ និងសកម្មក្នុងដំណើរការចូលរួមផ្សព្វផ្សាយ ពិនិត្យតាមដានការអនុវត្តកម្មវិធី រួមទាំងគោលនយោបាយនៅតាមតំបន់ជនជាតិភាគតិចសម្រេចបានលទ្ធផលខ្ពស់ ក៏ដូចជាទិសដៅនៃគម្រោងការដាក់ចេញផងដែរ”៕
Quỳnh Anh
