ជាមួយការយកចិត្តទុកដាក់ និងបង្កលក្ខណៈរបស់ខេត្ត បងប្អូនជនរួមជាតិ Khmer ទូទាំងខេត្ត ទើបបានទទួលបុណ្យភ្ជុំបិណ្ឌ សែនដូនតា ឆ្នាំ២០២៥ ដែលប្រព្រឹត្តឡើងចាប់ពីថ្ងៃទី ២១ដល់ថ្ងៃ២៣ ខែកញ្ញា ត្រូវនឹងថ្ងៃ ១៥រោច ខែអស្សុជ ដល់ថ្ងៃ ១កើត និង ២កើត ខែអស្សុជ ប្រកបដោយសុវត្ថិភាព សប្បាយរីករាយ កក់ក្តៅ និងសាមគ្គីភាពក្នុងសហគមន៍។
លោក Phạm Thành Ngại អនុលេខាបក្ស ប្រធានគណៈកម្មាធិការប្រជាជនខេត្ត ប្រគេនអំណោយព្រះសង្ឃវត្តវង្សស្រង់ ក្របីឃ្លៀច (Cao Dân) ឃុំ Tân Lộc។
លោក Hồ Thanh Thuỷ (អាវព័ណ៌សខាងស្តាំ) អនុលេខាបក្ស ប្រធានគណៈចាត់តាំងបក្សខេត្ត រួមជាមួយក្រុមការងារបានអញ្ជើញទៅសួរសុខទុក្ខ និងប្រគេណអំណោយព្រះសង្ឃវត្តបុប្ផារាំម ខ្វែងបបែលខាងជើង (Cái Giá Chót) ឃុំ Hưng Hội។
នេះជាពិធីបុណ្យដ៏សំខាន់មួយរបស់បងប្អូនជនរួមជាតិ Khmer បុណ្យភ្ជុំបិណ្ឌសែនដូនតាជាឱកាសសម្រាប់រំលឹកនឹកគុណដល់បុព្វការីជនទាំង ឡាយមានមាតា បិតាជាដើម ព្រមទាំងឧទ្ទិសមគ្គផលជូនដួងវិញ្ញាណក្ខន្ធអ្នកដែលស្លាប់បាត់បង់ជីវិត។ ក្នុងបណ្តាថ្ងៃនេះដែរ ក្រៅពីសកម្ម ភាពដូចជា យកចង្ហាន់ និងទេយ្យវត្ថុផ្សេងៗទៅវត្ត និមន្តព្រះសង្ឃសូត្រមន្ត ទេសនា មាមីងពុទ្ធបរិស័ទថែមទាំងមានរៀបចំបាយស្ពកសម្រាប់សែនដូនតានៅគេហដ្ឋានរបស់ខ្លួនទៀតផង។ មានគ្រួសារជាច្រើនថែមទាំងបាននិមន្តព្រះសង្ឃមកផ្ទះដើម្បីដារបង្សុកកូលឧទ្ទិសភាគផល ជូនដួងវិញ្ញាណក្ខន្ធរបស់បុព្វការីជនទៀតផង។
លោក Bùi Tấn Bảy សមាជិកអចិន្ត្រៃប្រចាំការបក្ខភាគខេត្ត អនុប្រធានក្រុមប្រឹក្សាប្រជាជនខេត្ត ប្រគេនអំណោយព្រះសង្ឃវត្ត គម្ពីរសាគរ ព្រែកជ្រៅ (Xiêm Cán) ឃុំ Hiệp Thành។
លោក Hồ Trung Việt សមាជិគអចិន្ត្រៃប្រចាំការបក្ខភាគខេត្ត ប្រធានគណៈឃោសនា និងអប់រំបក្សខេត្ត ថ្លែងយោបល់ប្រគេនពរដល់សមាគមព្រះសង្ឃសាមគ្គីស្នេហាជាតិខេត្ត។
ក្នុងបណ្តាថ្ងៃបុណ្យ ថ្នាក់ដឹកនាំខេត្តក៏បានចាត់តាំងជាច្រើនក្រុមការងារដើម្បីអញ្ជើញទៅសួរសុខទុក្ខ ប្រគេនជូននិងអំណោយ ប្រសិទ្ធពរបុណ្យភ្ជុំបិណ្ឌ សែនដូនតានៅតាមបណ្តាវត្ត Khmer ទាំងឡាយលើភូមិសាស្ត្រខេត្ត សម្តែងពីការយកចិត្ត្តទុកដាក់របស់បក្ស និងរដ្ឋចំពោះព្រះសង្ឃ គណៈកម្មការ គ្រូអាចារ្យ ព្រមទាំងប្រជាពុទ្ធបរិស័ទ Khmer ទាំងឡាយ ញាំងឱ្យពិធីបុណ្យភ្ជុំបិណ្ឌ សែនដូនតាឆ្នាំនេះកាន់តែមានភាពសប្បាយរីករាយ និងកក់ក្តៅថែមទៀត៕
Quỳnh Anh
