ជាមួយការគិតគូរ និងយកចិត្តទុកដាក់របស់បក្ស និងរដ្ឋ ជីវភាពរស់នៅរបស់បងប្អូនជនរួមជាតិ Khmer នៅ Cà Mau មួយថ្ងៃកាន់តែមានការលើកកម្ពស់គ្រប់វិស័យ។ បងប្អូនជនរួមជាតិកាន់តែជឿជាក់លើការដឹកនាំរបស់បក្សដែលជាមាគ៌ានៃដំណើរការឆ្ពោះទៅមុខរបស់ប្រទេសជាតិ។
រយៈកាលកន្លងមក អា្សរ័យការយកចិត្តទុកដាក់របស់បក្ស និងរដ្ឋ តំបន់ជនរួមជាតិតែងមានភាពរីកចម្រើនគ្រប់វិស័យ។
ទំនុកចិត្តនោះត្រូវបានបង្កើនផ្តើមពីបណញតាកទ្ធផលគួរឱ្យចាប់អារម្មណ៍នៃអាណត្តិ ២០២០-២០២៥ ។ ចំណុចដែលលេចធ្លោគឺការអនុវត្តប្រកបដោយប្រសិទ្ធភាពនៃកម្មវិធីគោលដៅជាតិស្តីពីការអភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិច និងតំបន់ភ្នំលើភូមិសាស្ត្រខេត្ត ធ្វើឱ្យផ្លាស់ប្តូរមុខមាត់ជនបទនៅតាមតំបន់ជនរួមជាតិ។ ប្រព័ន្ធអគ្គិសនី ផ្លូវថ្នល់ សាលារៀន និងដំណាក់សុខាភិបាលទទួលបានការវិនិយោគសាងសង់ បណ្តាទម្រង់ផលិតដែលមានប្រសិទ្ធភាពត្រូវបានពង្រីកសុះសាយ ជួយរាប់ពាន់គ្រួសារបានរួចចាកក្រចីរភាព...។
ប៉ុន្មានថ្ងៃនេះ បងប្អូនជនរួមជាតិ Khmer គ្រប់ភូមិស្រុក កំពុងរួមក្តីសប្បាយជាមួយបងប្អូនប្រជាជនទូទាំងខេត្តទន្ទឹងរង់ចាំមហាសន្និបាតបក្ខភាគខេត្តលើកទី១ អាណត្តិ ២០២៥-២០៣០ ដោយសង្ឃឹមថា មហាសន្និបាតនឹងដាក់ចេញយ៉ាងមុតមាំ បន្តនាំមកនូវការអភិវឌ្ឍន៍គ្រប់ជ្រុងជ្រោយដល់តំបន់ជនជាតិភាគតិច រួមកម្លាំងកសាងមាតុភូមិ Cà Mau ឱ្យកាន់តែរីកចម្រើន និងសម្បូររុងរឿង។
លោក Lý Hoàng Anh ជាអ្នកមានកិត្យានុភាពក្នុងជនរួមជាតិ Khmer ឃុំ Khánh Hưng រំភើបរីករាយឱ្យដឹង៖ “ក្នុងអាណត្តិកន្លង មហាសន្និបាតបក្ខភាគខេត្តលើកនេះ នឹងបន្តយកចិត្តទុកដាក់ ព្រមទាំងមានគោលនយោបាយអាទិភាពច្រើនថែមទៀត ជាពិសេសការជំនួយឧបត្ថម្ភខាងដើមទុន និងបច្ចេកវិទ្យាសម្រាប់បងប្អូនផ្លាស់ប្តូរទម្រង់ផលិត បង្ការគ្រោះប្រែប្រួលនៃអាកាសធាតុ ដើម្បីឈានឡើងធ្វើមាន”។
នៅតាមបណ្តាវត្ត khmer ទាំងឡាយតែងបន្តសកម្មភាពបង្រៀនអក្សរ khmer ឱកាសវិស្សមកាលជារៀងរាល់ឆ្នាំ រួមចំណែកអភិរក្សនូវភាសា និងអក្សរសាស្ត្រជាតិ។
ទន្ទឹមជាមួយជីវភាពជាសម្ភារៈ ការអភិរក្ស និងពង្រីកអត្តសញ្ញាណវប្បធម៌ជាតិគឺជាបំណងប្រាថ្នាដ៏ចាំបាច់ខ្លាំងណាស់ដែររបស់បងប្អូនជនរួមជាតិ។ ក្នុងនោះ បណ្តាវត្តកាន់ព្រះពុទ្ធសាសនាទក្ខិណានិកាយ Khmer គឺជាមជ្ឈមណ្ឌលវប្បធម៌ អប់រំសហគមន៍តាំងពីយូរយារណាស់មកហើយដែរ។ ព្រះតេជគុណ Dương Lượng ចៅអធិការវត្តអណ្តូងចេក (Đìa Chuối) ឃុំ Vĩnh My បានសម្តែងនូវក្តីសង្ឃឹមថា បក្ខភាគខេត្ត និងរដ្ឋអំណាចអាណត្តិថ្មីនឹងបន្តយកចិត្តទុកដាក់ បង្កលក្ខណៈសម្រាប់វត្ត Khmer ទាំងឡាយពង្រីកនូវតួនាទីរបស់ខ្លួនក្នុងការបង្រៀនអក្សរ Khmer ព្រមទាំងលើកតម្កើងនូវតម្លៃវប្បធម៌ប្រពៃណី និងពិធីបុណ្យទានផ្សេងៗរបស់ Khmer។
ដើម្បីរាល់គោលការណែនាំ និងគោលនយោបាយបានស៊ីជម្រៅ និងមានប្រសិទ្ធភាពក្នុងការរស់នៅរបស់បងប្អូនជនរួមជាតិ កិច្ចការងាររបស់កម្មាភិបាលគឺជាកត្តាដ៏សំខាន់ខ្លាំងណាស់។ ដូច្នេះហើយ ជនរួមជាតិ Khmer តែងដាក់ក្តីសង្ឃឹមយ៉ាងមុតមាំថា អង្គសន្និបាតនឹងជ្រើសរើសកម្មាភិបាលជនជាតិភាគតិចឱ្យបានច្រើនបន្ថែមទៀតដែលជាអ្នកមានសីលធម៌ គុណសម្បត្តិ និងចំណេះដឹងគ្រាប់គ្រាន់ និងភារកិច្ចទទួលខុសត្រូវតាមបណ្តាស្ថាប័នថ្នាក់ដឹកនាំរបស់ខេត្ត និងភូមិភាគ។ កងជួរកម្មាភិបាលទាំងឡាយគឺជាស្ពានដ៏រឹងមាំ សម្រាប់នាំយកនូវគោលនយោបាយរបស់បក្ស និងរដ្ឋជូនបងប្អូនប្រជាជន ព្រមទាំងឆ្លុះបញ្ចាំងពីគំនិត និងក្តីសង្ឃឹមប្រាថ្នារបស់មាមីងបងប្អូន។
ជនរួមជាតិ Khmer តែងសង្ឃឹមថាខេត្តនឹងបន្តមានច្រើនគោលនយោបាយឧបត្ថម្ភថែមទៀតសម្រាប់ជំនួយមាមីងបងប្អូនផ្លាស់ប្តូរទម្រង់ផលិតមានប្រសិទ្ធភាព ឈានឡើងធ្វើមាននៅលើទឹកដីភូមិកំណើត។
រាល់ក្តីសង្ឃឹមរបស់បងប្អូនជនរួមជាតិ Khmer នៅ Cà Mau មិនត្រឹមតែប្រាថ្នាចង់បានជីវិតរស់នៅល្អប្រសើរ និងសុភមង្គលប៉ុណ្ណោះទេ ថែមទាំងបង្ហាញនូវទឹកចិត្តដ៏ស្មោះស្ម័គ្រលើការដឹកនាំរបស់បក្ស និងរដ្ឋ ព្រមទាំងស្មារតីទទួលខុសត្រូវរួមកម្លាំងកសាងខេត្ត Cà Mau ឱ្យកាន់តែមានការអភិវឌ្ឍន៍ឆាប់រហ័ស និងនិរន្តរភាព៕
Đờ Ni - Danh Điệp
